Kɔl-gɨ-Ɗari gɨ Lug wal 13:19 - Gabri Maja

¹⁹ Sɨlagɨŋ hɨndi woy gɨlɨn̰ na hɨn̰ cɨn̰ hɨya gɨ n̰ən̰əŋ gɨ teeyige mutardɨ gɨ ungo ay gɨsɨ boy yage koyi gɨŋ. Hɨndi say andaŋ malgɨ bɨ, bɨle hɨya gɨ cɨɗəŋ ga daa ɨrgage leege ƴaadɨge cay nee.»

Kɔl-gɨ-Ɗari gɨ Lug wal 13:19 Referans Kwoze

Gɨye-lɔɔ 4:4

Duroy kalaŋ ga jege kɔl gɨ da ka-gɨre-gɨye le, kondɨwadɨge ayge kuduroyge. Kalaŋ ga ba ayge kuduroyge le, ɓalge hɨn̰ dubu-bay wo̰.

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

Gɨye-lɔɔ 21:20

Kɨɗɨn̰ ga kan jege kɔl koyi coŋ ɨni na, kan hɨramge Kumu bɨ, jɨgage yen̰ge Pol hɨn̰: «Kurɨndɨni, ji sɨla, a kɛ kalaŋ ga ni Jubɨ dubu kondɨ ayge kuduroyge bɨ, kan nɔm kobɨge na gasɨn̰-kɔl gɨ da Moyis dan̰ ɗugoyge ga pɨna bɨ.

Matɨyo 17:20

Ɨni na, Jesu dɨbɨge cay nee yege hɨn̰: «Na kɨya gɨ aye kudurɔ kogɨŋ ɓala hɨnga naŋ. Aŋ yəgɨŋ daa waŋ na cɨndi: Hɨn̰ gɨ aye kudurɔ kogɨŋ na gumu hɨn̰ cɨn̰ hɨnga ga n̰en̰əŋ ga kan teegege naa mutardɨ na, kɨŋ kɨya yon̰ garma gɨ kɛ le hɨn̰: “Ɗɨda kɛ ɨra nii kɔ coŋ na”, kɨya ɗɔdɛ bɨ, hɨnga pɨna kɨya mɨn̰gɨŋ naŋ bɨ.

Wasɨn̰a 11:15

Kardi nee ba-ƴɔbɛ gɨ daa nii gɨ cay jurgumdɨge lɨm burun̰ji. Ɨni na, noy kalaŋ ye daa pəŋ a gɨɗɨgɨ-Kumu gɨŋ ye hɨn̰: «Haw kɛ na, na Ba-gulondɨna dan̰ Kɨris ban gɨ Kumu dorii ba dɔɔge-ƴaa a cay gɨsəŋ gaŋ. Kan kɨya dɔɔge-ƴaa ɨlge dan̰ ɨlge.»

Magtubu di Pol wal bɨn̰ kalaŋ ga Rɔm 15:19

dan̰ gɨyəŋ gɨ da dɔnɔ di da hɨnga ga ɗɨn̰ cɨn̰-kɨɗɨn̰ bɨ, dɔnɔ di da belin̰əŋ bɨ, dɔnɔ di da Turnɔ ɗe-kuduroy-bɛrɛ bɨ. Na dan̰ gɨyəŋ gɨ nee le ma, maŋ teen̰ bɛrnɛ di da Kɔl-gɨ-Ɗari gɨ da Kɨris ƴen̰ cay kɨɗɨn̰ kɨɗɨn̰ an̰ toy a cay ƴaa-di-gumu di Jerusalɛm dɨŋ bɨrɨŋ andɨn̰ a cay gɨsəŋ ga Iliri gaŋ.

Kɔl-gɨ-Ɗari gɨ Lug wal 17:6

Ba-gulɔŋ jɨga dɨbɨge cay nee yege hɨn̰: «Hɨn̰ gɨ aye kudurɔ kogɨŋ na gumu hɨn̰ cɨn̰ hɨnga ga n̰ən̰əŋ ga kan teege naa mutardɨ wo̰ na, kɨŋ kɨya yon̰ ɓolin̰ gɨ ba kɛ le yɔ hɨn̰: “Duroŋ dan̰ sarɨnan̰ ɨra bɨsana gusɨn̰ a duroy kuray gɨ gumu taa taa gɨŋ na”, ban kɨya lɔɔ te tumoygɨŋ.»

Marg 4:30

Jesu yege ɗaŋ coŋ hɨn̰: «Kɛ ni gɨ yɔɔ gɨ dɔɔ-ƴaa di da Kumu le, na gɨlɨn̰ naa dan̰ wa ga? Na dan̰ kɨradi-kɔl gɨ mɨna ma mani gɨ gɨlgɨŋ ga?»