Kɔl-gɨ-Ɗari gɨ Lug wal 13:14 - Gabri Maja

¹⁴ Ama ba-sɔmɛ cay ƴaa-daye-di-da-Jubɨn̰əŋ le, kuduroy hɔmii kɨya gɨ Jesu pɔɗɔɔ dan̰ wɔlɛ gɨ ni dorɨn̰ gɨlale gɨ da Jubɨ. Ɨni na, ban ay kɔl yen̰ dɨmdɨrdi kalaŋ le yege hɨn̰: «Wɔlɛ gɨ ni loon̰ gɨye won̰ jii. Na boy wɔlɛ gɨ nee le ma ojɨ gɨ kɨŋ kɨya ɨrga ɗe kan na poɗɨgɨŋ nee, ama na dan̰ wɔlɛ gɨ ni dorɨn̰ gɨlale gɨ da Jubɨ naŋ.»

Kɔl-gɨ-Ɗari gɨ Lug wal 13:14 Referans Kwoze

Matɨyo 12:2

Parɨsɨn̰an̰əŋ solgege te lɔɔ hɨnga ga nee le na, yen̰ge Jesu hɨn̰: «Sɨla, ka-aye-cay-tɨban̰ ɨre leege hɨnga ga gasɨn̰-kɔl nar lɔɔ dan̰ wɔlɛ gɨ ni dorɨn̰ gɨlale gɨ da Jubɨ.»

Kɔl-gɨ-Ɗari gɨ Lug wal 6:7

Ka-gɨlɨn̰ kalaŋ gasɨn̰-kɔl gɨ da Moyis, dan̰ Parɨsɨn̰an̰əŋ sige cɨndɨge jɛr jɛr solɨn̰ge Jesu, kɛ ban na kɨya poɗii dan̰ wɔlɛ gɨ ni dorɨn̰ gɨlale le ga? Ɗe age na wan̰ gɨyəŋ gɨ ni sɨn̰ kɔl cayi.

Kɔl-gɨ-Ɗari gɨ Lug wal 8:41

Bɨ ga ma ungo gɨ pɨna wo̰ andaŋ cayge. Gusɔŋdi na Jayrus, ban na ba-sɔmɛ a cay ƴaa-daye-di-da-Jubɨn̰əŋ. Ban baa tumoy Jesu olii ɗe ban na or tayi,

Marg 5:22

A kɨɗɨn̰ ga nee gaŋ le, gɨlmi gɨ pɨna wo̰ ɨrga gusii ban na ba-sɔmɛ a cay ƴaa-daye-di-da-Jubɨn̰əŋ gɨ pɨna duroy kamdi, gusondi na Jayrus. Kɨɗɨn̰ ga ban sɨlga Jesu na, ban poy gɨbayi dugo tumoyi.

Magtubu di Pol wal bɨn̰ kalaŋ ga Rɔm 10:2

Ho’o, ɨŋ ɓal lɔɔ tɨmon̰ kol cayge gɨ gusɨge na hɨmbalge a te gɨye gɨ da Kumu gɨŋ hage, ama gusi-hɨmbalwa toge di nee le, ɗa sarnayge na a cay hɨnga-sɔlɛ ga leen̰ cɨndi gaŋ naŋ.

Gɨye-lɔɔ 18:17

Kɨɗɨn̰ ga nee le, kan nɔm sayge ƴomge Sostɛn ba-sɔmɛ a cay ƴaa-daye-di-da-Jubɨn̰əŋ bɨ, bugoŋge cay teyige tumoy kalaŋ ga ba dayaŋge kɨɗɨn̰ bɔyɛ kɔl gɨŋ le. Ama dɨlan̰ Galɨyo̰ dḛ wo̰ naŋ bɨrɨŋ.»

Gɨye-lɔɔ 18:8

Ba-sɔmɛ a cay ƴaa-daye-di-da-Jubɨn̰əŋ gɨ gusondi na Kɨrispus le, ay kuduroy bɨn̰ Ba-gulɔŋ dan̰ ka-ƴaadi nɔm. Kondɨwadi kalaŋ ga Korɛ̰t ga ba jege kɔl gɨ da Pol le, ayge kuduroyge bɨ, leegege batɛm bɨ.

Gɨye-lɔɔ 13:15

Ungo gɨ pɨna wo̰, say ɗongɨsɨ magtubu gasɨn̰-kɔl gɨ da Moyis bɨ, di da ka-yɔɔ-kɔl-gɨ-Kumu-ba-yɔɔ bɨ. Kardi nee ɨni na, ka-sɔmɛ a cay ƴaa-daye-di-da-Jubɨn̰əŋ le, gɨyge yege hɨn̰: «Karmɨni, hɨn̰ gɨ kɨŋ na ɨran̰ dan̰ kɔl gɨ kɨya dɔbɛ bandɨ kuduroy kalaŋ ga ba dayaŋge kɛ le na, yanigɨŋ.»

Kɔl-gɨ-Ɗari gɨ Lug wal 6:11

Ama Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis le kuduroyge ɨl cəŋ cəŋ bɨ, man̰ge kɔl duroyge ojɨ cay hɨnga ga kan kɨya lɔɔ danayi bɨ.