Kɔl-gɨ-Ɗari gɨ Lug wal 12:59 - Gabri Maja

⁵⁹ Aŋ yen̰ daa waŋ: Kan kɨya dorɨn̰ dangay dɨŋ naŋ bɨrɨŋ gɨsɨn̰ gɨ ji kɨya bon̰ tugɨla ton̰ nɔm coŋ, ɗɔɔ sɨle pɨna kalɨn̰ ma kɨya bɔɔ can̰ naŋ.»

Kɔl-gɨ-Ɗari gɨ Lug wal 12:59 Referans Kwoze

Marg 12:42

Tama di pɨna wo̰ di kudurɔ ma di ɗe n̰age ɨrga bɨ. Hɨndi bee sisi sɔɔ di ɓala gursu pɨna naŋ boy nee.

Matɨyo 18:34

Ba-gulondi le, lee kuduroy-hɔmɛ cayi, lee gɨ dɨbii dangay ɗe kan na gɨlige-cɨn̰ daa, kɨya amɨn̰ gɨ ban na bɨya tugɨla di cayi le nɔm coŋ.»

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

Kɔl-gɨ-Ɗari gɨ Lug wal 16:26

Ɗaŋ coŋ, duroygɨŋ kɨŋ-gandi bɨ ni-gandi bɨ le, umboŋ gɨ kagadi unɔ woy a duroynagɨŋ. Na ban ma kɨɗɨn̰ ga ni sɔ gusɨni ɔrɛ gusɨgɨŋ unɔ bɨ, kɨɗɨn̰ ga ni sɔ gusɨgɨŋ ɨrgan̰ gusɨni unɔ nee bɨ.”

Matɨyo 25:46

Ɨni na, kalaŋ le kɨya ɔrɛge gɨ ni won̰ tabɨ di tɔɔ kɨya ayaŋ naŋ kɨya cay ɨsɨna koge bɨ, kalaŋ ga dan̰ durɔ ɗɨngar kɨya ɔrɛge kɨɗɨn̰ ga kalaŋ kɨya somɨn̰-bɨra dan̰ cɨndɨge nee bɨ.»

Matɨyo 25:41

«Kardi nee ɨni na, kɨlma yen̰ kan ga a cay kobi gɨ masa gɨŋ le, yege hɨn̰: “Kɨŋ ga Kumu ɓɨsɨgɨŋ le sagɨŋ gusɨnɨ coŋ. Ɨragɨŋ boy tɨwa di woy dan̰ cɨndo dɨŋ di ƴomge cay tɨbaa kɨya cay Haban̰ bɨ, ka-ƴɔbɛ kaa bɨ.

Matɨyo 5:26

Aŋ yen̰ daa waŋ na cɨndi, kan kɨya dorɨn̰ dangay dɨŋ naŋ bɨrɨŋ gɨsɨn̰ gɨ ji kɨya bon̰ tugɨla ton̰ nɔm coŋ, ɗɔɔ sɨle pɨna kalɨn̰ ma bɔɔ can̰ naŋ.