Kɔl-gɨ-Ɗari gɨ Ja̰ wal 19:4 - Gabri Maja

⁴ Piladɨ andaŋ doŋ ɗaŋ coŋ, bɨ yen̰ Jubɨn̰əŋ ye hɨn̰: «Sɨlagɨŋ ɨŋ kɨya ɨrgan̰ danayi doŋ gusɨgɨŋ kɛ, agɨŋ sol gɨ ɨŋ wa kɔl pɨna wo̰ gɨ ƴɨma cayi naŋ.»

Kɔl-gɨ-Ɗari gɨ Ja̰ wal 19:4 Referans Kwoze

Kɔl-gɨ-Ɗari gɨ Ja̰ wal 19:6

Ama kɨɗɨn̰ ga ka-cay ka-bɔgɛ kɨbar bɨ, dan̰ asɨgarn̰əŋ ga ka-game ƴaa-Kumu gɨ da Jubɨn̰əŋ bɨ, soliige ɨni na, kan dege sɨle cayi yege hɨn̰: «Dɨɗii a cay sɨya-gɨ-dagɨli gɨŋ, dɨɗii a cay sɨya-gɨ-dagɨli gɨŋ.» Piladɨ yege hɨn̰: «Ƴaygɨŋ bɨ, kɨŋ-gandi gusɨgɨŋ dɨɗiigɨŋ a cay sɨya-gɨ-dagɨli gɨŋ. Ɨŋ-bandi na, ɨŋ waa kɔl pɨna wo̰ gɨ ƴɨma cayi naŋ.»

Kɔl-gɨ-Ɗari gɨ Ja̰ wal 18:38

Piladɨ ɨngɨri yeyi hɨn̰: «Kɛ kɔl gɨ cɨndi le na wa ga?» Kɨɗɨn̰ ga Piladɨ ye kɔl gɨ nee le ɨni na, ban jogɨ doŋ ɗaŋ or gusi Jubɨn̰əŋ bɨ yege hɨn̰: «Ɨŋ-bandi na, ɨŋ wa kɔl pɨna wo̰ gɨ ƴɨma cayi ungo gɨ nee le naŋ.»

Kɔl-gɨ-Ɗari gɨ Lug wal 23:4

Piladɨ yen̰ ka-cay ka-bɔgɛ kɨbar nɔm, dan̰ dɨmdɨrdi kalaŋ le hɨn̰: «Ɨŋ wa kɔl pɨna gɨ ƴom cay ungo gɨ kɛ le naŋ.»

Kɔl-gɨ-Ɗari gɨ Lug wal 23:47

Kɨɗɨn̰ ga gumu gɨ da asɨgar gɨ da kalaŋ ga Rɔm ba sol hɨnga ga ba lee gusɨge le hɨn̰ wo̰ ɨni na, ban hɨram Kumu ye hɨn̰: «Hɨnde, ungo gɨ kɛ le, na ungo gɨ dan̰ naji toy hayi.»

1 Ja̰ 3:5

Kɨŋ sol gɨ Jesu-Kɨris ɨrga na kɨya dɔrɛ ɨsɨnan̰əŋ ga a cay gɨsəŋ gaŋ. Ama ban na, ɨsɨna pɨna wo̰ kalɨn̰ ma unɔ a gusi.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Pɨyɛr 2:22

Ban laa hɨnga ga ɨsɨni pɨna naŋ bɨ, ungo ja kɔl gɨ ni nare cɨn̰-kɨɗɨn̰ kɨbi naŋ bɨ.

1 Pɨyɛr 1:19

Ama ban boy caygɨŋ na dan̰ kɨbar gɨ da Kɨris gɨ kɨledi osu tɔgɨ. Ban woy gɨlɨn̰ na hɨn̰ kurɨn̰-dɨmangɨ gɨ kɨɗɨn̰di pɨna wo̰ mundoŋ naŋ bɨ.

2 Korɛ̰t 5:21

Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.

Kɔl-gɨ-Ɗari gɨ Lug wal 23:41

Kɔl gɨ kan boy cayna le, na dan̰ gɨyəŋdi hayi. Kɨya wa kan boyge ojɨn̰ na cay gɨye-lɔɔdɨna. Ama ban na, ban laa hɨnga ga ɨsɨni pɨna naŋ.»

Matɨyo 27:54

Gumu gɨ da asɨgar gɨ da kalaŋ ga Rɔm bɨ, asɨgarn̰əŋ ga gamge kɨbɨ Jesu danayi bɨ le, solge cay gɨsəŋ ga sayde den̰ den̰ bɨ, hɨnga ga lee gusɨge bɨ na, hundɔrɔ leege gɨɗaŋ bɨ yege hɨn̰: «Ban gɨ kɛ le, na Kurɨn̰-Kumu leen̰ cɨndi.»

Matɨyo 27:24

Kɨɗɨn̰ ga Piladɨ sol gɨ kɔl koyi na andaŋ hɨnga bii naŋ, ama kalaŋ geyge dɨbe do̰ ɨni na, ban ay kaŋ bɨ pɨlɨn̰ kobi cɨn̰ dɨmdɨrdi kalaŋ bɨ, ye hɨn̰: «Kɨbardi ungo gɨ nee le gɨ bɔɔ canɨ naŋ. Na kɔl kogɨŋ kɨŋ-gandi hagɨŋ!»

Matɨyo 27:19

Kɨɗɨn̰ ga Piladɨ som a kɨɗɨn̰ bɔyɛ kɔl gɨŋ na, tamdi gɨygɨ yeyi hɨn̰: «Ɗɔɔ ba dɔbɛ gusɨn̰ a duroy kɔl gɨ da ungo gɨ dan̰ durɔ ɗɨngar gɨ nee gɨŋ le naŋ. Kɨya wa labɨde mɨrɨn̰tɨn̰i ləŋ duroy sɔndɛ gɨŋ tɔgɨ kol cayi.»

Matɨyo 27:4

Yen̰ hɨn̰: «Ɨŋ lee ɨsɨna, kɨya gɨ ɨŋ ay cay ungo gɨ dan̰ naji toy dobii kobɨ kalaŋ ɗe na diɗiige.» Ama kan dɨbiige cay nee yeyige hɨn̰: «Ni-gandi na dɨlani naŋ! Na kɔl kon̰!»

Əbɨro 7:26

Jesu le, na mangɨl gɨ da ka-cay ka-bɔgɛ kɨbar gɨ na or n̰agedi. Ban na ungo gɨ woy dan̰ cɨndi bɨ, dan̰ naji toyi bɨ, ɨsɨna pɨna wo̰ cilii naŋ bɨ. Ban gɨlɨn̰ dan̰ ka-lɔɔ ɨsɨna naŋ bɨ, Kumu ayi orɨn̰ danayi gɨɗɨgɨ-Kumu gɨŋ daa nii bɨ.

Kɔl-gɨ-Ɗari gɨ Ja̰ wal 18:33

Piladɨ jogɨ ƴen̰ duroy ƴaa sɔmɛ gɨ da ba-kɨbɨ kɨlma gɨ gumu gɨŋ. Bɨ ban te Jesu ɨngɨri yeyi hɨn̰: «Kɛ ji na kɨlma gɨ da Jubɨn̰əŋ le ga?»