Kɔl-gɨ-Ɗari gɨ Ja̰ wal 16:1 - Gabri Maja

¹ «Ɨŋ yəgɨŋ kɔl gɨ kɛ le jugu, na ɗe gɨ kɨɗɨn̰ ga hɨnga ga ni gɨwase na gɨwasagɨŋ na, kɨŋ naa ɗɔɔ aye kudurɔ kogɨŋ coŋ naŋ.

Kɔl-gɨ-Ɗari gɨ Ja̰ wal 16:1 Referans Kwoze

1 Pɨyɛr 2:8

Bɨ walge duroy Magtubu di da Kumu dɨŋ ɗaŋ coŋ yege hɨn̰: «Na oru gɨ kɨya dɔgɛ tɨbay ungo bɨ, Na garma gɨ kɨya lɔɔ gɨ ungo kɨya bɔɔ bɨ.» Kalaŋ ga nee le, dege tɨbayge oru gɨŋ le na kɨya gɨ kan kan̰ge bɔgɛge kɔl a cay kɔl gɨ da Kumu gɨŋ. Na toy di hɨn̰ wo̰ ma, hɨnga ga kan ojɨ kol cayge le andaŋ cayge.

Matɨyo 13:21

Ama kɔl gɨ da Kumu le bɨga sarnay kuduroyge naŋ, kɔl gɨ kan ƴeege le kan ɨrge cay nee kardɨge sɨngɨɗɨ naŋ. Kɨɗɨn̰ ga hɨnga ga ni dɔsɛ-ɗugɔ na andaŋ cayge, naŋ le, kan na gɨlge-cɨn̰ kɨya cay kɔl gɨ da Kumu na, kan dɨbɨge aye kudurɔ koge coŋ.

Kɔl-gɨ-Ɗari gɨ Ja̰ wal 16:4

Ama ɨŋ yəgɨŋ kɔl gɨ nee le, na ɗe gɨ kɨɗɨn̰ ga wɔlɛdi na ɓala na, kuduroygɨŋ na hɨn cay nee, gɨ ɨŋ na yəgɨŋ koldi ɨni. Ayɨn̰ a toy dɨŋ, ɨŋ yagɨŋ kɔl gɨ nee le naŋ, na kɨya gɨ ɨŋ-bandi kalɨn̰ ma, ɨŋ ba danagɨŋ ƴee.»

Matɨyo 24:10

Boy wɔlɛdi gɨ nee le, kondɨwadi kalaŋ kɨya ɗɔɔge aye kudurɔ coŋ. Kan kɨya aye cay gusɨge bɨ, kɨya ƴɔmɛ gusɨge dan̰ kuduroyge bɨ.

Magtubu di Pol wal bɨn̰ kalaŋ ga Rɔm 14:21

Hɨnga ga ɗari na, ji ɗa ba dɔɔ culɔm bɨ, sɔɔ cɛrɛ di suru bɨ, lɔɔ hɨnga ga kɨya orɨn̰ dan̰ kurɨndɨn̰ a boy ɨsɨna gɨŋ bɨ.

Matɨyo 13:57

Jesu woy gɨlɨn̰ na hɨn̰ gundi sɨya gɨ de tɨbayge wo̰. Ɨni na, Jesu yege hɨn̰: «Ba-yɔɔ-kɔl-gɨ-Kumu-ba-yɔɔ le, na a cay ƴaadi dɨŋ ƴɔbɨ bɨ, na a te wandɨ toyi dɨŋ ƴɔbɨ bɨ, ma kalaŋ kɨya dibiige hurɔmɔ cay naŋ.»

Matɨyo 11:6

Tumoy wolwa woy kol cay ungo gɨ ɨŋ bɨl gundo gɨ ba dɔgɛ tɨbayi nayi naŋ.»

Kɔl-gɨ-Ɗari gɨ Ja̰ wal 15:11

Ɨŋ yəgɨŋ kɔl gɨ nee le, na ɗe gɨ gusi-mɔwa tɨnge na ƴee gusɨgɨŋ bɨ, ɗe gɨ gusi-mɔwa togɨŋ na duroŋ cɨrɛɗ bɨ.

Pilib 1:10

ɗe agɨŋ ɓalɨn̰ dorɨn̰ cɨn̰ hɨnga ga ɗari. Na toy di hɨn̰ wo̰ ma, wɔlɛ gɨ Jesu-Kɨris kɨya caga le kɨŋ kɨya duroŋ mɨra bɨ masadɨgɨŋ kɨya unɔ bɨ.