Kɔl-gɨ-Ɗari gɨ Ja̰ wal 11:11 - Gabri Maja

¹¹ Kɨɗɨn̰ ga ban dɨɗɨ kɨbɨ kɔl gɨ nee le ɨni na, ban yege ɗaŋ coŋ hɨn̰: «Ba-pogɨynagɨŋ Lajar woy kuŋ, ama ɨŋ kɨya ɔrɛ kɨya lɨbii daa.»

Kɔl-gɨ-Ɗari gɨ Ja̰ wal 11:11 Referans Kwoze

Kɔl-gɨ-Ɗari gɨ Ja̰ wal 11:13

Jesu gey yɔ na kɔl gɨ ojɨ cay tɨma da Lajar, ama kan ɨrɨm hɨn̰ gɨ ban na ye naa kɔl gɨ da wɔyɛ kuŋ ga kalɨn̰.

1 Tesalonigɨ 5:10

Ɗe hɨn̰ gɨ na na sɨma naa bɨra naŋ le, wɨya naa kuŋ kalɨn̰ ma, na na bugoŋ pɨna danayi te sɔmɛ-bɨra gɨŋ.

1 Korɛ̰t 15:51

Jagɨŋ, ɨŋ gey yogɨŋ hɨnga pɨna ga woy kɨɗɨn̰ ɓurongɛdɨge gaŋ ɗe agɨŋ sol. Na kɨya mare nɔm naŋ, ama na-gandi nɔm le kuyoŋdi-gusɨna kɨya bɨləŋ.

Gɨye-lɔɔ 7:60

Kardi nee ɨni na, ban poy gɨbay dugo bɨ, dor noy hal daa ye hɨn̰: «Ba-gulɔŋ ɗɔɔ kol ɨsɨna gɨ kɛ le ƴɔmɛ cayge naŋ.» Kɨɗɨn̰ ga ban ye kɔl gɨ nee le ɨni na, ban hɨmbɨ.

Matɨyo 27:52

Kamɨn̰aŋn̰əŋ kaydaŋ bɨ, kalaŋ ga da Kumu ga mage le, kondɨ boyge lɨbɨ bɨ.

Epɛs 5:14

Kɨya wa hɨnga nɔm ga ungo sɨɗɨgɨ toyge daa le, kɨya bɨləŋ na kɨɗɨn̰ ga asɨn̰. Na toy di hɨn̰ wo̰ ma kan yege hɨn̰: «Sa cay kuŋ gaŋ, ji ba wɔyɛ kuŋ le, Sa daa duroy kalaŋ ga madɨrdaŋ gaŋ, Ɨni na, Kɨris kɨya asɨn̰e can̰.»

Marg 5:39

Ban andaŋ ƴen̰ bɨ yege hɨn̰: «Na kɨya wa ma noygɨŋ ye gɨrdɨm bɨ kɨŋ ɨle wo̰ bɨ ga? Turmɔ le mara naŋ, hɨndi woy na kuŋ ƴɔbɨ.»

Matɨyo 9:24

ban yege hɨn̰: «Andaŋgɨŋ doŋ. Kɨya wa turmɔ le mara naŋ. Hɨndi woy na kuŋ ƴɔbɨ.» Bɨ kan sogiige dugo.

Magtubu di Jag wal 2:23

Na hɨn̰ wo̰ ma, kɔl gɨ kan ba walge duroy Magtubu di da Kumu dɨŋ le, or kɨɗɨn̰di gaŋ ye hɨn̰: «Abɨraham bee kuduroy cay Kumu, na toy di hɨn̰ wo̰ ma, Kumu soli leen̰ ungo gɨ dan̰ durɔ ɗɨngar.» Bɨ Kumu teeyi ba-pogɨnɨ.

1 Korɛ̰t 15:34

Jɨgegɨŋ a te gɨyəŋ gɨ ɗari gɨŋ gɨ kɨŋ ɗe coŋ bɨ, kɨŋ ɗɔɔ ba lɔɔ ɨsɨna bɨ. Ɨŋ yəgɨŋ kɔl gɨ nee le kɨya gɨ kalaŋ ga pɨna duroygɨŋ sɨlage Kumu naŋ, gɨ nee le na dasi kol caygɨŋ.

1 Korɛ̰t 15:18

Hɨn̰ gɨ naa hɨn̰ wo̰ na, kan ga mage bɨ beege kuduroyge cay Kɨris pa dɨm ma mage le, kan na kalaŋ ga kayaŋge ɨni.

Kɔl-gɨ-Ɗari gɨ Ja̰ wal 11:3

Na toy di hɨn̰ wo̰ ma, karmii ga kandɨ le, gɨyge gusi Jesu yeyige hɨn̰: «Ba-gulɔŋ, ban gɨ ji geyi le, gusi leeyi.»

Kɔl-gɨ-Ɗari gɨ Ja̰ wal 3:29

A kɨɗɨn̰ gɔrɛ ƴaa gaŋ le, ban gɨ kan bɨgɨgage dan̰ tama bii le, ban ma na kudurɔɔ. Ama ba-pogi ba-ƴɔɔ tama le, ɨre na durdi je dan̰ kɔl koyi bɨ, te tumoyi di ban je le, bii gusi-mɔwa di gumu tɔgɨ. Gusi-mɔwa di nee le na tɨnge bɨ, haw kɛ na gusi-mɔwa tɨnge duroŋ dan̰ durɔ cɨrɛɗ.

Kɔl-gɨ-Ɗari gɨ Ja̰ wal 11:10

Ama hɨn̰ gɨ ungo na ɨra duroy son̰do dɨŋ na, hɨnga kɨya dɔgɛ tɨbayi ɗoyi dandaŋ kɨya wa ban ɨran̰ dan̰ asɨn̰a naŋ.»

Kɔl-gɨ-Ɗari gɨ Ja̰ wal 11:12

Ɨni na, ka-aye-cay-tɨbayi yeyige hɨn̰: «Ba-gulɔŋ, hɨn̰ gɨ ban na wɨya naa kuŋ na, kuɗa. Baa mɨnde gɨ ban kɨya pɔɗɛ.»