Galad 1:10 - Gabri Maja

¹⁰ Kɛ ɨŋ mal na gɨ kalaŋ na hɨramaŋge ga? Naŋ, na hɨrame gɨ da Kumu ma maŋ gey. Kɛ ɨŋ mal na gɨ kalaŋ gusɨge na mooge canɨ ga? Hɨn̰ gɨ ɨŋ ni na mala gɨ ni ƴɔɔ cɨn̰ kalaŋ ɗaŋ coŋ na, ɨŋ ni kɨya bɨləŋ marɨna ba-gɨye gɨ da Kɨris naŋ ɨni.

Galad 1:10 Referans Kwoze

1 Tesalonigɨ 2:4

ama Kumu gɨwasɨni pa dɨm ma bɨni gɨye tɔgɛ bɛrnɛ Kɔl-gɨ-Ɗari le ƴee. Lee gɨ ni ya kɔl na ɗe gɨ na mon̰ kalaŋ ga ɨndəŋ naŋ, ama na ɗe gɨ na mon̰ Kumu gɨ gɨwasɨ kuduroyni le.

Gɨye-lɔɔ 5:29

Ama Pɨyɛr dan̰ ka-gɨre-gɨye dɨbɨge cay nee yege hɨn̰: «Naa wa wa kalɨn̰ ma jɔɔ kɔl kɨbɨ Kumu ba kuɗa ɗɨn̰ jɔɔ kɔl kɨbɨ kalaŋ.

Epɛs 6:6

Lɔɔgɨŋ gɨye gɨ nee le na kɨya cɨndɨge ga woy kardɨgɨŋ hɨn̰ gɨ kɨŋ na mal naa gɨ ni ƴɔɔ cɨn̰ kalaŋ wo̰ naŋ. Ama kɨŋ ɗa a ɨrɨmedɨgɨŋ gɨŋ gɨ kɨŋ na gɔyɔŋ ga da Kɨris bɨ, laagɨŋ kuduroy geye gɨ da Kumu dan̰ kuyoŋdi-gusɨgɨŋ nɔm bɨ.

Magtubu di Jag wal 4:4

Kɨŋ gɨlɨn̰ hɨn̰ kandɨ ga ka-yɔyɛ dan̰ ban̰aŋ ga da kamdige wo̰! Ungo gɨ ƴom pɔgɨn̰ɛ dan̰ cay gɨsəŋ na, ban na ba baa gɨ da Kumu. Kɛ kɨŋ sɨla hɨn̰ wo̰ naŋ ga? Ungo gɨ na gey ƴɔmɛ pɔgɨn̰ɛ dan̰ cay gɨsəŋ na, ban bɨləŋ ba baa gɨ da Kumu.

Matɨyo 22:16

Kardi nee na, gɨyge ka-aye-cay-tɨbayige ga pɨna wo̰ duroyge dan̰ kalaŋ ga da Ɛrɔd gusi Jesu, ɗe na or ɨngɨriige yon̰ hɨn̰: «Ba-gɨlɨn̰ kalaŋ hɨnga, ni sol gɨ ji na ba yɔ kɔl gɨ cɨndi bɨ, ji gɨlɨn̰ kalaŋ gɨyəŋ gɨ da Kumu na dan̰ kɔl gɨ cɨndi dɨle hɨndare ungo bɨ. Kɨya wa ji laa hɨnga na kɨya ƴon̰ cɨn̰ ungo naŋ.

Kɔlɔs 3:22

Ay kɨŋ gɔyɔŋ, jagɨŋ kɔl kɨbɨ ka-gulondɨgɨŋ ga a cay gɨsəŋ gaŋ kɛ mɨjag mɨjag. Laagɨŋ gɨye mɨjag mɨjag, na kɨya cay cɨndɨge ga woy kardɨgɨŋ hɨn̰ gɨ kɨŋ na mal naa gɨ ni ƴɔɔ cɨn̰ kalaŋ wo̰ naŋ. Ama laagɨŋ na dan̰ kuduroygɨŋ ga pɨna kɨya wa kɨŋ hɨndar na Kumu.

Magtubu di Pol wal bɨn̰ kalaŋ ga Rɔm 2:29

Ama ungo gɨ ni Jubɨ gɨ hɨnde le, ban na Jubɨ a ɗugoyi bɨ wale ban̰a toyi le na wale ban̰a di da ɗugɔ. Wale ban̰a di nee le na Turnɔ di da Kumu ba lɔɔ, wala kalaŋ ga ɨndəŋ ba lɔɔ kɨya bogɨn̰ kɔl cay gasɨn̰-kɔl gɨŋ naŋ. Ungo gɨ ni Jubɨ gɨ hɨnde gɨ hɨn̰ wo̰ le, hɨn̰ gɨ kalaŋ na hɨramayige naŋ kalɨn̰ ma, Kumu na hɨrami.

1 Ja̰ 3:9

Waŋ waŋ gɨ na bɨləŋ kurɨn̰ Kumu na kɨya lɔɔ ɨsɨna naŋ, kɨya wa Kumu gɨsɨ sɔmɛ-bɨra koyi a kuduroyi. Lee gɨ ban laa ɨsɨna cɨndi tumɔ tumɔ naŋ, kɨya wa Kumu bɨle na bayi.

2 Korɛ̰t 12:19

Gajanaŋ kɨŋ da yɔ a kuduroygɨŋ gɨ ɨŋ ni na ye kɔl gɨ nee le nɔm na kɨya ƴon̰ naa cayni toni gaŋ a tumoygɨŋ. Naŋ, na hɨn̰ wo̰ naŋ. Ni yəgɨŋ kɔl na te bugoŋ pɨna dan̰ Kɨris tumoy Kumu. Ay karmɨni ga ni lee-toygɨŋ, hɨnga nɔm ga ni ba lee le, na kol caygɨŋ ƴɔbɨ ɗe agɨŋ na malgɨn̰ te aye kudurɔ gɨŋ.

Magtubu di Pol wal bɨn̰ kalaŋ ga Rɔm 2:8

Ama kalaŋ ga ka-gange kɔl kan̰ɨn̰ge kɔl gɨ cɨndi coŋ kobɨn̰ge hɨnga ga dan̰ durɔ ɗɨngar naŋ le, kuduroy-hɔmɛ da Kumu bɨ, kuduroy-ɨlwa toyi bɨ, kɨya bɔɔ cayge.

Magtubu di Pol wal bɨn̰ kalaŋ ga Rɔm 1:1

Na ɨŋ-bandi Pol ba gɨyɨn̰ dan̰ magtubu bɨgɨŋ. Ɨŋ na marɨna ba-gɨye gɨ da Jesu-Kɨris. Ban təŋ ɗe gɨ ɨŋ na bɨl ba-gɨre-gɨye koyi bɨ, dɔrɔŋ səŋ dan̰ cɨnɨ kɨya togɨn̰ bɛrnɛ Kɔl-gɨ-Ɗari gɨ da Kumu bɨ.

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.

Matɨyo 28:14

Ama hɨn̰ gɨ kɔl le na ba sɨmay ba-kɨbɨ kɨlma gɨ gumu na, ni kɨya ƴɔɔ caygɨŋ bɨ, kɔl kɨya bɔɔ caygɨŋ naŋ.»

Gɨye-lɔɔ 12:20

Ɛrɔd le kuduroy homi tɔgɨ cay kalaŋ ga Tir bɨ, Sido̰ bɨ. Kan beege noyge pɨna orge wan̰ Ɛrɔd. Ama kan orge wan̰ Bɨlastus ba sɔlɛ duroy ƴaa gɨ da kɨlma Ɛrɔd dɨbiige kardɨge pa dɨm ma orɨn̰ge gusi Ɛrɔd ɨngɨrige gɨ ban na gɨ dɨbe kɨmbɨl danage naŋ ƴee. Kan ɨngɨriige hɨn̰ wo̰, na kɨya gɨ na dan̰ gɨyəŋ gɨ da cay ƴaa toge ma hɨnga ga ni wɔɔ bɨ, dɔɔ bɨ, saygan̰ nee ɨrgan̰ boy cay ƴaa di Tir dan̰ Sido̰ dɨŋ.

Matɨyo 6:24

«Ungo pɨna nɛŋ kɨya ɓale daye ka-gulondi sɔɔ lɔɔ gɨye bɨge naŋ. Naŋ le kɨya ƴɔmɛ gɨ pɨna dan̰ kuduroy bɨ, kɨya geye gɨ ɗaŋ bɨ. Naŋ le kɨya saɗe gusi dan̰ gɨ pɨna bɨ, sɔlɛ gɨ ɗaŋ leen̰ hɨnga naŋ bɨ. Kɨŋ-gandi kalɨn̰ ma kɨŋ kɨya ɓale bɨləŋ gɔyɔŋ ga da Kumu bɨ, ga da gursu bɨ sɔɔɗɨmɔŋ naŋ.

Pilib 1:1

Na ɨŋ-bandi Pol dan̰ Timote, marɨne ka-gɨye ga da Jesu-Kɨris ba gɨyɨn̰ dan̰ lapɨya di kɛ le, bɨn̰ kalaŋ ga Pilib nɔm ga woyge dan̰ cɨndɨge bɨ, bugoŋge pɨna dan̰ Jesu-Kɨris bɨ, ka-dɔrɛ tumoyge bɨ, ka-lɔɔ gɨye game hɨnga bɨ.