Epɛs 6:12 - Gabri Maja

¹² Kɨya wa kalaŋ ga na ba kɨya wɔrɨn̰ɛ danage le, na kalaŋ ga ɨndəŋ ga ɨran̰ge dan̰ kuyoŋdi-gusɨge naŋ bɨ, kɨbar naŋ bɨ, ama na dɔnɔ ga ɨsɨndəŋ ga na ka-dɔɔ cay ƴaa bɨ, ka-gulɔŋ hɨnga nɔm bɨ, kɛrɨmbɛlɛŋ ga a duroy dɨlɨm dɨŋ bɨ, turnɔ ga ɨsɨn ga somge gɨɗɨgɨ-Kumu gaŋ bɨ le.

Epɛs 6:12 Referans Kwoze

Kɔlɔs 1:13

Ho’o, Kumu dornagɨŋ a te dɔnɔ di da dɨlɨm dɨŋ bɨ, orɨn̰ dananagɨŋ a boy dɔɔ-ƴaa gɨ da Kurondi gɨ ban geyi gɨŋ bɨ.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

Epɛs 2:2

Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Kɔlɔs 2:15

Na hɨn̰ wo̰ ma Kumu mondɨn̰ dɔnɔ ga ɨsɨndəŋ ga ka-dɔɔ cay ƴaa bɨ, ga na ka-gulɔŋ hɨnga nɔm bɨ. Ban dɨbɨ dasi cayge cɨn̰ kalaŋ nɔm. Ban ay banga cayge a cay sɨya-gɨ-dagɨli gɨŋ bɨ, leege hɨn̰ ka-dangayn̰əŋ ga da kɨmbɨl gɨ kan gorɨn̰ danage a te gɨyəŋ gɨŋ wo̰.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Epɛs 1:21

Ban si a cay Ka-dɔɔ cay ƴaa gaŋ bɨ, cay kalaŋ ga gusondɨge ye bɨ, cay Dɔnɔn̰əŋ bɨ, cay hɨnga nɔm ga orɨn̰ dan̰ dɔnɔ naŋ le tɨrɨmbala bɨ, cay gusoŋ nɔm bɨ, na a cay gɨsəŋ gaŋ kɛ ƴɔbɨ naŋ, ama a cay gɨsəŋ ga hɨrɨwa ga kɨya ɨrga nee bɨ.

Magtubu di Pol wal bɨn̰ kalaŋ ga Rɔm 8:38

Ho’o, ɨŋ sol kuɗa gɨ na tɨma naŋ bɨ, sɔmɛ-bɨra naŋ bɨ, ka-ƴɔbɛ ga daa nii naŋ bɨ, gɨmdəŋ ga da turnɔ ga ɨsɨndəŋ naŋ bɨ, hɨnga ga a jaman di haw kɛ dɨŋ naŋ bɨ, a jaman di ba kɨya ɨrga dɨŋ naŋ bɨ, dɔnɔn̰əŋ ga a cay gɨsəŋ gaŋ kɛ naŋ bɨ,

Epɛs 3:10

Ɗe ka-dɔɔ cay ƴaa bɨ, dɔnɔn̰əŋ ga woyge gɨɗɨgɨ-Kumu gɨŋ bɨ le, solɨn̰ge cɨn̰-muɗɔlɛ di tɔɔ kan̰do kan̰do di da Kumu haw kɛ dan̰ gɨyəŋ gɨ da Ka-Daye.

Epɛs 1:3

Kuɗa gɨ hɨrame wɨya uja cay Kumu bɨ, Ba-gulondɨna Jesu-Kɨris Bay bɨ. Kɨya wa ban tor-kɨbi cayna kol bugoŋ gɨ na bugoŋ pɨna dan̰ Kɨris. Kɨɗɨn̰ ga ban bɨna hɨnga ga ni tɔrɛ-kɨbɨ nɔm ga dan̰ cɨndɨge cɨndɨge ga gɨɗɨgɨ-Kumu gaŋ ga sayga gusi Turnɔ ɗe-kuduroy-bɛrɛ.

1 Korɛ̰t 15:50

Ay, karmɨnɨ ga ban̰aŋ dan̰ ga kandɨ, kɔl gɨ ɨŋ ba gey yogɨŋ ba kɛ: Kuyoŋ-gusu ɓala wɔɔ hɨnga ga ni ban̰di-gulɔŋ gɨ da dɔɔ-ƴaa di da Kumu naŋ. Hɨnga ga kɨya ɔsɨn̰ɛ kɨya ɓale wɔɔ hɨnga ga ni ban̰di-gulɔŋ gɨ da hɨnga ga kɨya ɔsɨn̰ɛ naŋ, naŋ bɨrɨŋ.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.

Əbɨro 12:1

Na-gandi kalɨn̰ ma dɨmdɨrdi tɨmon̰ dan̰ kondiige nɨwɨrege cay nagɨŋ. Na toy di hɨn̰ wo̰ ma kuɗa gɨ hɨnga nɔm ga ba narnagɨŋ ɔrɛ dan̰ cɨndɨnagɨŋ tumɔ bɨ, ɨsɨna gɨ ba nongɨrdɨnagɨŋ haw wo̰ bɨ le, ɗagenagɨŋ coŋ. Bɨ gɨre gɨ kan ba molnagɨŋ gɨredi le, ɗe gɨ ana ƴomgɨŋ kuduroynagɨŋ osu gɨrɨn̰ bɨrɨŋ dɨɗɨn̰ kɨbi.

Kɔl-gɨ-Ɗari gɨ Ja̰ wal 14:30

Ayɨn̰ toy haw kɛ na ɨŋ kɨya are-kɔl tɔgɨ danagɨŋ naŋ bɨrɨŋ ɨni. Kɨya wa kɨlma gɨ da kalaŋ ga a cay gɨsəŋ gaŋ kɛ, tɨlga nee. Ban ɨran̰ dan̰ dɔnɔ pɨna a canɨ naŋ.

Kɔl-gɨ-Ɗari gɨ Ja̰ wal 12:31

Haw kɛ na kɔl gɨ Kumu kɨya bɔyɛ a cay kalaŋ ga cay gɨsəŋ gaŋ le, tɨwa di ɓal ɨni. Haw kɛ na tɨwa di ban kɨya ƴomɨn̰ kɨlma gɨ ba-dɔɔ cay gɨsəŋ kɛ le, dɨbii doŋ ɓal ɨni.

Kɔl-gɨ-Ɗari gɨ Ja̰ wal 16:11

Ama gɨ ojɨ cay bɔyɛ kɔl na, na kɨya gɨ boyge kɔl cay kɨlma gɨ a cay gɨsəŋ gaŋ ɨni bɨ.

Kɔl-gɨ-Ɗari gɨ Lug wal 22:53

Dan̰ wɔlɛ pɨna pɨna, ɨŋ ɨre danagɨŋ pɨna a duroy gulɔŋ ƴaa-di-da-Kumu dɨŋ kɛ bɨ, ungo pɨna wo̰ dɨba kobi gusɨnɨ kɨya ƴɔmɔŋ naŋ. Ama tɨwa di haw kɛ na, na tɨwa togɨŋ bɨ, na tɨwa da dɔnɔ di ɨsɨni di lee gɨye boy dɨlɨm dɨŋ bɨ.»

Kɔl-gɨ-Ɗari gɨ Lug wal 13:24

«Ko na wa wa kalɨn̰ ma laagɨŋ agɨŋ andɨn̰ dan̰ kɨbɨ gɨyəŋ gɨ sɛlgɛgɛ. Aŋ yəgɨŋ daa waŋ, kondɨwadi kalaŋ kɨya malege gɨyəŋ age na andɨn̰ nee ama kɨya ɓalege naŋ.

2 Timote 2:5

Ba-wɔɔ-tabe kalɨn̰ ma, kɨya wɔɔ cay kobi gɨ ni hɨrame na kɨɗɨn̰ ga ban na waa tabe dan̰ gɨyəŋdo dɨm.

Matɨyo 16:17

Kɨɗɨn̰di ga nee gaŋ le, Jesu dɨbii cay nee yeyi hɨn̰: «Tumoy wolwa woy kol can̰, Simo kurɨn̰ Jonasɨ, kɨya gɨ na Banɨ gɨ ba som a daa nii ba haŋge cɨndɨn̰ a cay hɨnga ga nee le, wala na ungo gɨ ɨndi naŋ.

Əbɨro 12:4

Gɨsɨn̰ haw kɛ kalɨn̰ ma kɨŋ ƴɨma gusɨgɨŋ usa kɨbɨ kɨmbɨl gɨŋ dan̰ ɨsɨna maran̰ naŋ ƴee.

Galad 1:16

Bɨ kɨɗɨn̰ ga ban wasɨn̰ cay Kurondi bəŋ, ɗe gɨ ɨŋ na tɨga bɛrnɛ kɔl koyi gɨ ɗari bɨn̰ kalaŋ ga toyge na Jubɨ naŋ le, ɨŋ ɨra gusi ungo pɨna wo̰ ɨngɨrii kɔl naŋ bɨ,

Marg 4:19

ama ɨrɨme gɨ da hɨnga ga a cay gɨsəŋ gaŋ bɨ, kurɔŋdi wɔɔ gursu bɨ, tabɨlaŋdi hɨnga ga toyge kan̰dɨge kan̰dɨge andaŋ kuduroyge bɨ ƴee cay kɔl gɨ da Kumu lee gɨ kɔl le andaŋ hɨnga naŋ.

2 Korɛ̰t 11:14

Gɨ nee le, na kɔl gɨ kɨya kaye ungo sɛl sɛl naŋ, kɨya wa Sidan guso kɔɔ kalɨn̰ ma lee guso gɨlɨn̰ hɨn̰ ba-ƴɔbɛ gɨ daa nii gɨ asɨn̰ wo̰.