Epɛs 5:18 - Gabri Maja

¹⁸ Kɨŋ ɗɔɔ kɔyɛ cɛrɛ di suru lɔɔgɨŋ naŋ, kɨya wa kɔyɛ na hɨnga ga kɨya mɔndɛ ungo. Ama ɗagɨŋ Turnɔ ɗe-kuduroy-bɛrɛ ƴaa kuduroygɨŋ.

Epɛs 5:18 Referans Kwoze

Magtubu di Pol wal bɨn̰ kalaŋ ga Rɔm 13:13

Kuɗa gɨ haldɨna wɨya hɨn̰ hal gɨ da kalaŋ ga somge asɨn̰a gɨŋ wo̰. Ƴɨmanagɨŋ gusɨna cay dɔɔ harɨne gɨŋ bɨ, cay kɔyɛ cɛrɛ gɨŋ bɨ, cay yɔyɛ gorɨn̰ daa gɨŋ bɨ, cay yɔyɛ gɨ toyi kan̰di kan̰di gɨŋ bɨ, cay bɔjɨn̰ɛ gɨŋ bɨ, cay jangɨ dɨŋ bɨ.

Kɔl-gɨ-Ɗari gɨ Lug wal 1:15

Kɨya wa ban kɨya bɨləŋ ungo gɨ gumu tumoyi Ba-gulɔŋ. Ban kɨya sɔɔ cɛrɛ di suru naŋ bɨ, kɨya sɔɔ cɛrɛ gɨ ɗaŋ gɨ man̰i naŋ bɨ. Turnɔ ɗe-kuduroy-bɛrɛ kɨya ƴɔɔ kuduroy pɨl pɨl kɨɗɨn̰ ga ban ba baan̰ a kuduroy ƴoyi ƴee le.

1 Korɛ̰t 5:11

Ɨŋ’ɨ̰, magtubu di ɨŋ wal bɨgɨŋ le ojɨ na cay kalaŋ ga kan teege naa karmɨni, ama bɨlege na ka-lɔɔ gɨye yɔyɛ gɨ toy kan̰di kan̰di, wala dan̰ ka-orɨn̰ dan̰ tabɨlaŋ di hɨnga, wala ka-n̰ɨre kula, wala ka-pɔyɛ kɔl, wala ka-kɔyɛ cɛrɛ, wala ka-hase. Kalaŋ ga hɨn̰ wo̰ le, kɨŋ ɗɔɔ ba ɔrɛ gusɨge. Hɨnga ga ni dɔɔ kalɨn̰ ma, kɨŋ ɗɔɔ ba dɔɔ danage.

Gɨye-lɔɔ 11:24

Kɨya wa Barnabas na ungo gɨ kuɗa bɨ, Turnɔ ɗe-kuduroy-bɛrɛ ƴee kuduroy pɨl pɨl bɨ, aye kudurɔ koyi man̰edi unɔ bɨ. Na toy di hɨn̰ wo̰ ma, kondɨwadi kalaŋ beege kuduroyge cay Ba-gulɔŋ bɨ, dayaŋge dan̰ ka-aye kudurɔ bɨ.

1 Tesalonigɨ 5:7

Kɨya wa ka-wɔyɛ kuŋ le woyge kuŋ na dan̰ son̰do bɨ, ka-sɔ cɛrɛ koydɨn̰ le, kɔydɛge na dan̰ son̰do bɨ.

Kɔl-gɨ-Ɗari gɨ Lug wal 12:45

Ama hɨn̰ gɨ guyɔŋ le na ɨrɨm kuduroy ya hɨn̰: “Ba-ƴaanɨ kɨya jɨga haw kɛ naŋ.” Ma na aya te dɔɔ dɔɔ bɨ, sɔ cɛrɛ kɔyɛ bɨ, ban na baa cay kamdi gɔyɔŋ ga ban̰aŋ dan̰ ga kandɨ tɨgɨdage bɨ na,

Kɔl-gɨ-Ɗari gɨ Lug wal 11:13

Kɨŋ ga kuduroygɨŋ ɨsɨn kalɨn̰ ma, kɨŋ sol bɨn̰ karɨndɨgɨŋ hɨnga ga ɗari, ma na mɨna ma Bayna gɨ som a daa nii, kɨya lɔɔ ɗɨn̰ gɨ nee le bɨn̰ kan ga ɨngɨriige Turnɔ ɗe-kuduroy-bɛrɛ le naŋ ga?»

1 Korɛ̰t 6:10

ka-hase bɨ, ka-orɨn̰ dan̰ tabɨlaŋdi wɔɔ hɨnga bɨ, ka-kɔydɛ cɛrɛ bɨ, ka-pɔyɛ kɔl bɨ, ka-bɔɗɨdɛ hɨnga bɨ, kɨya dɨbege tɨbayge a boy dɔɔ-ƴaa gɨ da Kumu gɨŋ naŋ.

Titɨ 1:6

Ungo gɨ ji ba kɨya dorii le, kuɗa gɨ ban wɨya na ungo gɨ masadi unɔ bɨ, ungo gɨ tamdi na pɨnaa bɨ, gɨ karɨndi beege kuduroyge a cay Kumu bɨ, gɨ ungo dɨbɨ kɔl cayge ojɨn̰ cay gɨye-lɔɔdɨge gɨ ɨsɨni wala kol mɨn̰e daa toge naŋ bɨ.

Kɔl-gɨ-Ɗari gɨ Lug wal 21:34

«Ɗagɨŋ muɗɔlɛ cay gusɨgɨŋ. Ɗɔɔgɨŋ gɨ ɨrɨme kol hɨnga ga kɨŋ gey dan̰ wɔlɛ pɨna pɨna, lɔɔ gɨ kɨŋ hale gɨybɨŋ cay caga hɨnge ɨŋ-bandi Kurɨn̰-ungo le naŋ. Naŋ na, ɨŋ kɨya andaŋ caygɨŋ dus.

1 Korɛ̰t 11:21

Kɨya wa a bon̰ tɨwa da dɔɔ hɨnga gaŋ na, waŋ waŋ kalɨn̰ ma jar na kɨya dɔɔ dɔɔ koyi. Na toy di hɨn̰ wo̰ ma, kalaŋ ga pɨna somge dan̰ kuroŋ duroygɨŋ bɨ, ga ɗaŋ cɛrɛ koydɨge bɨ.

Matɨyo 23:25

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa, gɨ kɨŋ pɨl kardi jamkaŋ kagɨŋ, ga ni son̰ kaŋ bɨ, ungo togɨŋ di ni doon̰ hɨnga bɨ, arɨn̰ cərərə. Ama duroy jamkaŋ kagɨŋ bɨ, ungo togɨŋ bɨ, wandɨn̰ dan̰ hɨnga ga ni hase kagɨŋ bɨ, tabɨlaŋ di hɨnga ga ɨsɨn bɨ, daa jɨŋ jɨŋ.

Matɨyo 24:49

Ma na aya te dɔɔ dɔɔ bɨ, sɔdɔ cɛrɛ koydɨn̰ bɨ, ban na ba cay kamdi gɔyɔŋ tɨgɨdage bɨ na,

Kɔl-gɨ-Ɗari gɨ Ja̰ wal 2:10

Ɨni na, ban tee ba-gɔrɛ le bɨ yeyi hɨn̰: «Kalaŋ nɔm gosɨnɨge na cɛrɛ di suru gɨ kuɗa cay wase. Kɨɗɨn̰ ga cɛrɛ di suru na kuya kalaŋ pa dɨm ma, kan gosɨnɨge cɛrɛ gɨ mɨlaŋgi ƴee. Ama ji-bandi ji gam kon̰ cɛrɛ di suru gɨ kuɗa tɔgɨ bɨrɨŋ gɨsɨn̰ haw kɛ!»