Biblia Todo Logo
Bib sou entènèt

- Piblisite -




Epɛs 4:10 - Gabri Maja

10 Ban gɨ gɨsɨn or te gɨsəŋ gaŋ mɨrɨg le, na ban ba nɔɔ daa gɨɗɨgɨ-Kumu gɨŋ bɨ, ɗe ban na ƴee kɨɗɨn̰ nɔm dan̰ gɨyəŋ gɨ da Turnoyi.

Gade chapit la Kopi




Epɛs 4:10
24 Referans Kwoze  

Jesu le, na mangɨl gɨ da ka-cay ka-bɔgɛ kɨbar gɨ na or n̰agedi. Ban na ungo gɨ woy dan̰ cɨndi bɨ, dan̰ naji toyi bɨ, ɨsɨna pɨna wo̰ cilii naŋ bɨ. Ban gɨlɨn̰ dan̰ ka-lɔɔ ɨsɨna naŋ bɨ, Kumu ayi orɨn̰ danayi gɨɗɨgɨ-Kumu gɨŋ daa nii bɨ.


Naa hɨn̰ wo̰ na, kuɗa gɨ ɗe ana ƴom aye kudurɔ gɨ na ba ye koldi le osu. Kɨya wa na orɨn̰ dan̰ mangɨl gɨ da ka-cay ka-bɔgɛ kɨbar gɨ gumu. Mangɨl gɨ da ka-cay ka-bɔgɛ kɨbar gɨ nee le, na Jesu, Kurɨn̰-Kumu gɨ gay gɨɗɨgɨ-Kumu orɨn̰ bɨrɨŋ andɨn̰ gusi Kumu.


Jɔɔgɨŋ kɔl koge naŋ kɨya wa hɨnga nɔm ga wandɨn̰ gusi Kumu tɛlɛlɛ tɛlɛlɛ le, wandɨn̰ gusi Kɨris tɛlɛlɛ tɛlɛlɛ bɨ.


Hɨnga nɔm ga ba wandɨn̰, Gusi Kumu tɛlɛlɛ tɛlɛlɛ le, Wandɨn̰ gusi kurondi bɨ. Kɨya gɨ Kumu ba geye hɨn̰ wo̰,


Aŋ yəgɨŋ daa waŋ na cɨndi: Hɨnga ga nee le kɨya andaŋ tumɔ pa dɨm ma, kalaŋ ga somge cay gɨsəŋ gaŋ nɔm haw kɛ toyge kɨya ayaŋ ƴee.


Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.


Kɨŋ kɨya sɔlɛ geye gɨ da Kɨris gɨ ɗɨn̰ hɨnga-sɔlɛ nɔm, ɗe gɨ kandi-wɔɔ ga da Kumu wanɨn̰ kuduroygɨŋ pɨl pɨl.


Kɨɗɨn̰ ga ban yege kɔl gɨ nee le hɨn̰ wo̰ bɨ ga ma, kan soliige gɨ ban say cɨndɨge or daa nii. Kardi nee ɨni na, kan ɨre sol kardi hɨrɨm bɨ, gɨrɨmbale ɨrga tol cɨndɨge narge solii coŋ.


Te kɔl nɔm gɨ ni ba ye le bambadi ba kɛ: Leen̰ cɨndi, na mangɨl gɨ da ka-cay ka-bɔgɛ kɨbar gɨ gɨlɨn̰ hɨn̰ ban gɨ nee le ma mana orɨn̰gɨŋ. Ban som durdi kali-tɨrɨmbala da Kumu ba dɔnɔ gɨ ɗɨn̰ dɔnɔ nɔm a cay kobi gɨ bara gɨŋ a gɨɗɨgɨ-Kumu.


Kumu ye tumɔ dan̰ noy ka-yɔɔ-kɔl-gɨ-Kumu-ba-yɔɔ nɔm, gɨ Kɨris ban gɨ Kumu dorii le, na kɨya wɔɔ cɨn̰-gɨle-cɨn̰. Na hɨnga ga nee le ma ban lee ɗe or kɨɗɨn̰dɨge gaŋ.


Kumu ayi si cay kobi gɨ bara gɨŋ. Haw kɛ Bayi bii dan̰ Turnɔ ɗe-kuduroy-bɛrɛ hɨn̰ gɨ ban ba ye gɨ ɗi na kɨya lɔɔ bii bɨ, ban bɨsɨn̰o caynagɨŋ le. Na toy di hɨn̰ wo̰ ma hɨnga ga kɨŋ ba sol bɨ, je kɛ bɨ le lee gusɨge.


bɨ yege hɨn̰: «Kɨŋ kalaŋ ga Galile ga ba kɛ, na kɨya wa ma, magɨŋ ɨre sol kɨɗɨn̰ jɨn̰ gɨɗɨgɨ-Kumu gɨŋ hɨrɨm wo̰ ga? Sɨlagɨŋ! Jesu gɨ ba kɛ gɨ kan ayige duroygɨŋ orɨn̰ a daa nii le. Ban kɨya bɨlgɨ cayi jɨga na hɨn̰ wo̰ bɨ.»


Kɨya wa hɨnga ga nee le nɔm lee gusɨge na ɗe kɔl gɨ kan walge duroy Magtubu di da Kumu dɨŋ le, na or kɨɗɨn̰do gaŋ. Kan walge hɨn̰: «Isidi pɨna wo̰ kalɨn̰ ma, kɨya buyoŋ naŋ.»


Kardi nee, Jesu sol gɨ te hɨnga nɔm ayaŋ ɨni na, ban ye kɔl ɗe gɨ hɨnga ga kan ba walge duroy Magtubu di da Kumu dɨŋ le, na or kɨɗɨn̰dɨge gaŋ. Ban ye hɨn̰: «Gamase dəŋ.»


Ɨni na, asɨgarn̰əŋ yen̰ge gusɨge kɔl duroyge yege hɨn̰: «Gumɔjɨ le sagɨdenagɨŋ naŋ, ama jɨbɨnagɨŋ ɓɛlɛ ana solɨn̰gɨŋ, ungo gɨ ɓɛlɛ na ƴɨmayi na, ɗe ay.» Lee gɨ kɔl gɨ kan walge duroy Magtubu Kɨbe-Kɨra dɨŋ le, na or a kɨɗɨn̰di gaŋ, kɔl le ba kɛ: «Kan gosɨnɨn̰ge gusɨge badɨge kange bɨ, Jɨbɨge ɓɛlɛ a cay gumɔjɨ hɨnge gɨ ƴen̰ gɨŋ bɨ.» Na ban ma na hɨnga ga asɨgarn̰əŋ leege le.


Hɨnga wɔɔdi ga ɗɨn̰ cɨn̰-kɨɗɨn̰ le, ni-gandi nɔm ni way kani ga ojɨ cayni, na kɨya cay ɗarwa toyi di say cay mɨga dɨŋ nee nee bɨ.


Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»


Ɨŋ sol ungo gɨ pɨna wo̰ gɨ bugoŋ pɨna dan̰ Kɨris, wɔlɛ gɨ pɨna wo̰ ɓal ɨlge mɔjɨ-cay-poɗɨn̰ labɨde, Kumu ayi orɨn̰ danayi bɨrɨŋ andɨn̰ a gɨɗɨgɨ-Kumu gɨ tɨba sɨbɨ gɨŋ gɨ Kumu somɨn̰ nee. Ama gɨlmi gɨ nee le, Kumu ayi na dan̰ kuyoŋdi-gusi wala dan̰ turnoyi kalɨn̰ ma ɨŋ sɨla naŋ, ban Kumu ba sɔlɛ.


Swiv nou:

Piblisite


Piblisite