Kɔlɔs 3:8 - Gabri Maja

⁸ Ama haw kɛ na, kuɗa gɨ kɨŋ ɗa hɨnga ga nee le nɔm coŋ: Na kuduroy-hɔmɛ bɨ, bɔyɛ-asɨn̰e bɨ, kuduroy-ɨndɨwa bɨ, yagɨde kɨɗɨn̰ nɔm bɨ, kɔl gɨ homi gɨ andaŋ kɨbɨgɨŋ bɨ.

Kɔlɔs 3:8 Referans Kwoze

Epɛs 4:29

Ɗɔɔgɨŋ kɔl gɨ ɨsɨni andaŋ kɨbɨgɨŋ naŋ, ama na kɔl gɨ ɗari ƴɔbɨ, ɗe leen̰ kalaŋ ga jege le ɗarwa bɨ, orɨn̰ge cɨndɨge tumɔ bɨ.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

Epɛs 5:4

Yɔɔgɨŋ kɔl ga ni karma naŋ bɨ, ga ni matɨr naŋ bɨ, ga ni dasi naŋ bɨ. Kɔl ga nee le, na kɔl ga wɨyan̰ ga ni yɔɔ naŋ. Ban̰di kɔl ga nee le laagɨŋ na ɔlɛ gɨ ni ho’o bɨn̰ Kumu.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

Epɛs 4:26

Hɨn̰ gɨ kuduroy-hɔmɛ na laagɨŋ na, kɨŋ ɗɔɔ ba lɔɔ ɨsɨna naŋ, ɗɔɔgɨŋ tɨwa ɗɔbɛ a cay kuduroy-hɔmɛ togɨŋ dɨŋ naŋ,

Əbɨro 12:1

Na-gandi kalɨn̰ ma dɨmdɨrdi tɨmon̰ dan̰ kondiige nɨwɨrege cay nagɨŋ. Na toy di hɨn̰ wo̰ ma kuɗa gɨ hɨnga nɔm ga ba narnagɨŋ ɔrɛ dan̰ cɨndɨnagɨŋ tumɔ bɨ, ɨsɨna gɨ ba nongɨrdɨnagɨŋ haw wo̰ bɨ le, ɗagenagɨŋ coŋ. Bɨ gɨre gɨ kan ba molnagɨŋ gɨredi le, ɗe gɨ ana ƴomgɨŋ kuduroynagɨŋ osu gɨrɨn̰ bɨrɨŋ dɨɗɨn̰ kɨbi.

Kɔlɔs 3:9

Kɨŋ ɗɔɔ ba yon̰ gusɨgɨŋ poy naŋ. Kɨya wa kɨŋ dor hal gɨ da ungo gɨ ɨlgi dan̰ gɨye-lɔɔdi gɨ naa kɨŋ orɨn̰ gusɨgɨŋ coŋ ɨni.

1 Pɨyɛr 2:1

Hɨn̰ wo̰ na, ɗagɨŋ kuduroy-ɨndɨwa bɨ, lɔɔ hɨnga dan̰ jɨba bɨ, yɔɔ-kɔl-kɨbɨn̰-sɔɔ-sɔɔ bɨ, lɔɔ ɗəngi bɨ, yɔɔ kɔl gɨ ɨsɨni kardi ungo bɨ coŋ.

2 Korɛ̰t 12:20

Haw kɛ na ɨŋ hɨndar gɨ kɨɗɨn̰ ga ɨŋ na bugoŋ gusɨgɨŋ na, kɨŋ da wɔyɛ hɨn̰ gɨ ɨŋ gey wo̰ naŋ bɨ, ɨŋ-bandi kalɨn̰ ma ɨŋ da wɔyɛ hɨn̰ gɨ kɨŋ gey wo̰ naŋ bɨ. Gajanaŋ ɨŋ da wɔɔ duroygɨŋ bɔjɨn̰ɛ bɨ, cɨn̰-pɨɗɨma bɨ, kuduroy-hɔmɛ bɨ, jangɨ bɨ, yɔdɔ kɔl gɨ ɨsɨni kardi ungo bɨ, yɨle kɨɗɨn̰ bɨ, dɔgɛ-jɔrgɔ bɨ, lɔɔdɔ hɨnga ga dan̰ gɨyəŋdɨge naŋ bɨ.

1 Korɛ̰t 3:3

Kɨya wa kɨŋ ɨre lee hɨnga na dan̰ gɨyəŋ gɨ da kuyoŋ-gusu ƴee. Kɨɗɨn̰ ga jangɨ bɨ bɔjɨn̰ɛ bɨ woy duroygɨŋ le, kɛ kɨŋ na ka-lɔɔ hɨnga dan̰ gɨyəŋ gɨ da kuyoŋ-gusu naŋ ga? Kɛ gɨye-lɔɔdɨgɨŋ gɨlɨn̰ pɨna na dan̰ gɨ da kalaŋ ga ɨndəŋ naŋ ga?

Matɨyo 5:22

«Ama ɨŋ-bandi na ɨŋ yəgɨŋ hɨn̰: Waŋ waŋ gɨ na laa kuduroy-hɔmɛ dan̰ kurɨndi na, kɨya orɨn̰ge danayi tumoy ka-bɔyɛ kɔl gaŋ. Waŋ waŋ gɨ na yan̰ kurɨndi ji naa ba-matɨr na, kɨya orɨn̰ge danayi tumoy ka-bɔyɛ kɔl cay Jubɨn̰əŋ. Waŋ waŋ gɨ na yan̰ kurɨndi ji na ba-dɨngale na, ojɨ gɨ ni orɨn̰ge danayi duroy tɨwa di ƴee dan̰ tumɔɔ di ni gehɛn dɨŋ.

Galad 5:15

Hɨn̰ gɨ sɔmɛ cay kalɨn̰ togɨŋ na ɨran̰ danagɨŋ bɨrɨŋ gɨ kɨŋ na gɨdɨdɨn̰ gusɨgɨŋ bɨ, sagɨdan̰ gusɨgɨŋ bɨ na, ɗagɨŋ muɗɔlɛ cay gusɨgɨŋ gɨŋ naŋ na, kɨŋ kɨya mɔndɛ gusɨgɨŋ coŋ.

Magtubu di Pol wal bɨn̰ kalaŋ ga Rɔm 13:13

Kuɗa gɨ haldɨna wɨya hɨn̰ hal gɨ da kalaŋ ga somge asɨn̰a gɨŋ wo̰. Ƴɨmanagɨŋ gusɨna cay dɔɔ harɨne gɨŋ bɨ, cay kɔyɛ cɛrɛ gɨŋ bɨ, cay yɔyɛ gorɨn̰ daa gɨŋ bɨ, cay yɔyɛ gɨ toyi kan̰di kan̰di gɨŋ bɨ, cay bɔjɨn̰ɛ gɨŋ bɨ, cay jangɨ dɨŋ bɨ.

Magtubu di Jud wal 1:8

Naa hɨn̰ wo̰ kalɨn̰ ma, kalaŋ ga andaŋge duroygɨŋ le, leege hɨnga na hɨn̰ kage wo̰ bɨ. Kan kobɨ na kardi sɔndɛ koge bɨ, leege gɨ kuyoŋdi-gusɨge koge gaŋ lee kɨni bɨ, kan hagɨrge dɔnɔ di da Kumu bɨ, yagɨdɨn̰ge kalaŋ ga orɨn̰ dan̰ gusoŋ-tɔgɛ gɨ a gɨɗɨgɨ-Kumu gɨŋ bɨ.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

Magtubu di Jag wal 2:7

Kɛ na kan ba yagɨdege gusoŋ gɨ ɗari gɨ ye caygɨŋ le naŋ ga?

1 Timote 1:20

Himene bɨ, Alegjandɨr bɨ, woyge duroy kalaŋ ga nee le. Ɨŋ ɗege kobi Sidan. Na hɨn̰ wo̰ ma, wɔlɛ gɨ ɗaŋ kan gɨ jɔgɛ yagɨde Kumu naŋ ɨni.

1 Timote 1:13

Ɨŋ-bandi gɨ tumɔ ɨŋ na ba yagɨde Kumu bɨ, ba gɨlɨn̰ kalaŋ kayi cɨn̰ bɨ, gɨ kɨbɨnɨ mɔɔ tɔgɨ kol cayge bɨ le, Kumu sol cɨn̰-n̰age tɨnge. Kɨya wa boy wɔlɛdi gɨ nee le, ɨŋ aya kuduronɨ bɨn̰ Jesu-Kɨris naŋ ƴee. Kɨya wa ɨŋ lee hɨnga na boy sɔlɛdɨge gɨŋ naŋ.

Galad 5:26

Ɗɔɔnagɨŋ ba dɔgɛ jorgɨynagɨŋ naŋ bɨ! Bɔjɨn̰dɛnagɨŋ dan̰ gusɨnagɨŋ naŋ bɨ, lɔɔnagɨŋ cɨn̰-pɨɗɨma dan̰ gusɨnagɨŋ naŋ bɨ.

Galad 5:20

n̰ɨre kula bɨ, lɔɔ tɨmba bɨ, ƴɔmɛ-ungo-kuduron̰ bɨ, bɔjɨn̰ɛ bɨ, cɨn̰-pɨɗɨma bɨ, lɔɔ kuduroy-hɔmɛ bɨ, jangɨ bɨ, gasɨn̰-ɓalɨn̰a naŋ bɨ, pɔyɛ kalaŋ duroy nee bɨ,

Wasɨn̰a 16:9

Ɨni na, ɨlwa da tɨwa di daa di lee hundɔrɔ le, ul kalaŋ. Lee gɨ kalaŋ ga nee le yagɨdege guson̰ Kumu, kɨya wa kan solge gɨ Kumu orɨn̰ dan̰ dɔnɔ a cay hɨnga ga ɨsɨni ga ani ani ga ka-mɔndɛ kɨɗɨn̰. Ama kan bɨlge haldɨge kɨya dɨbɨn̰ gusoŋ-tɔgɛ a cay Kumu naŋ.

Magtubu di Jud wal 1:13

Dasi di da kalaŋ ga nee le, woy cɨn̰ tɨwa doŋ hɨn̰ mɨdage gɨ mɛwdi kuray gɨ gumu taa taa gɨ ye tɔgɨ dor orɨn̰ cay kaŋ gaŋ wo̰. Kan woy gɨlɨn̰ na hɨn̰ dɛsɨɗɛŋn̰əŋ ga pɨdɨde daa bɨ kaydaŋge wo̰. Kumu ƴom cay tɨbay dɨlɨm di ɨndi tɨlɨm kol cayge, ɗe kan na somɨn̰ nee dan̰ tumoyge.

2 Pɨyɛr 2:7

Lotɨ gɨ na ungo gɨ ba lɔɔ hɨnga ga dan̰ durɔ ɗɨngar le, Kumu dorii duroy nee coŋ. Gɨye-lɔɔ gɨ ni yɔyɛ gorɨn̰ daa gɨ da kalaŋ gɨ dɨlage hɨnga cay nee naŋ boy ɨlge gɨ da Lotɨ gɨŋ le, gɨlii-cɨn̰.

Epɛs 4:25

Na toy di hɨn̰ wo̰ ma, jɨbgɨŋ poy sɛdɨ coŋ, kuɗa gɨ waŋ waŋ kalɨn̰ ma yan̰ mɨgay kɔl gɨ cɨndi. Kɨya wa na-gandi nɔm le, na na kuyoŋ-gusu gɨ pɨna.