Kɔlɔs 1:25 - Gabri Maja

²⁵ Ɨŋ bɨle ba lɔɔ gɨye gɨ da Ka-Daye, na kɨya loon̰ gɨye gɨ Kumu ba bəŋ kɔbɔŋ kol caygɨŋ. Gɨye gɨ nee le, na tɔgɛ bɛrnɛ di da kɔl gɨ da Kumu gɨ ban bəŋ kɔbɔŋ ɗəndəŋ bɨgɨŋ.

Kɔlɔs 1:25 Referans Kwoze

Epɛs 3:2

Aye gɨ Kumu ayaŋ leen̰ gɨye kol caygɨŋ dan̰ kuduroy-ɗarwa toyi le, kɨŋ je koldi.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

1 Timote 4:6

Hɨn̰ gɨ ji na gɨlɨn̰ karmɨn̰ ga ban̰aŋ dan̰ ga kandɨ hɨnga ga nee le na, ji na ba-gɨye gɨ da Jesu-Kɨris gɨ kuɗa. Gɨ kan abiige dan̰ kɔl gɨ ojɨ cay aye kudurɔ bɨ, hɨnga ga ni gɨle ga kuɗa gɨ ji ba kobɨ kardɨge kuɗa le bɨ.

1 Tesalonigɨ 3:2

ama kurɨndɨni Timote gɨ na mɨgayna ba-lɔɔ gɨye gɨ da Kumu, kɨɗɨn̰ tɔgɛ bɛrnɛ Kɔl-gɨ-Ɗari gɨ da Kɨris gɨŋ le, ni gɨyii ɗe na or bɨgɨŋ tɔgɨ ɗe agɨŋ ɨrɨn̰ osu bɨ, dobɨn̰ bandɨ kuduroygɨŋ te aye kudurɔ kogɨŋ gɨŋ bɨ.

1 Korɛ̰t 9:17

Hɨn̰ gɨ ɨŋ na laa gɨye gɨ nee le kɨya gɨ naa kuduroy geye hɨnge ƴɔbɨ na, ɨŋ orɨn̰ dan̰ gɨyəŋ gɨ ni wɔɔ hɨnga ga ni cay kɔbɔŋ. Ama na gɨye gɨ bəŋge kɔbɔŋ bɨ, na nɨywa gɨ canɨ bɨ.

1 Korɛ̰t 3:5

Ɨni na, Apolos na waŋ bɨ Pol na waŋ bɨ ga? Kan na marɨne ka-lɔɔ gɨye ga da Kumu ga kɨŋ ay kuduroygɨŋ dan̰ gɨyəŋ koge ƴɔbɨ. Waŋ waŋ kalɨn̰ ma duroyge lee gɨye na dan̰ gɨyəŋ gɨ da tɔgɨ gɨ Ba-gulɔŋ bii.

Epɛs 3:7

Kɨya cay kuduroy-ɗarwa di Kumu lee danaŋ bɨ, kɨya cay dɔnɔ toyi di lee gɨye gusɨnɨ bɨ le, ban bəŋ gɨye gɨ ni togɨn̰-bɛrnɛ Kɔl-gɨ-Ɗari.