Gɨye-lɔɔ 6:5 - Gabri Maja

⁵ Kɔl gɨ nee le, mon̰ ka-aye-cay-tɨbay Jesu ga dayge cayge le. Na toy di hɨn̰ wo̰ ma kan dorɨn̰ge Etɛn, ban gɨ aye kudurɔ koyi walɨn̰ kuduroy pɨl pɨl bɨ, Turnɔ ɗe-kuduroy-bɛrɛ ƴee kuduroy pɨl pɨl bɨ le. Kan dorge Pilib bɨ, Pirogor bɨ, Niganor bɨ, Timo bɨ, Parmenas bɨ, Nigola gɨ wooyge na a cay gɨsəŋ ga Antɨyɔs gaŋ gɨ bɨle gusi leen̰ Jubɨ le bɨ.

Gɨye-lɔɔ 6:5 Referans Kwoze

Gɨye-lɔɔ 11:24

Kɨya wa Barnabas na ungo gɨ kuɗa bɨ, Turnɔ ɗe-kuduroy-bɛrɛ ƴee kuduroy pɨl pɨl bɨ, aye kudurɔ koyi man̰edi unɔ bɨ. Na toy di hɨn̰ wo̰ ma, kondɨwadi kalaŋ beege kuduroyge cay Ba-gulɔŋ bɨ, dayaŋge dan̰ ka-aye kudurɔ bɨ.

Gɨye-lɔɔ 21:8

Wan̰dodo dɨŋ na, ni or a cay ƴaa-di-gumu di Sejare dɨŋ bɨ, ni gɨsɨn a da Pilib ba tɔgɛ bɛrnɛ Kɔl-gɨ-Ɗari. Ban na ungo gɨ pɨna wo̰, duroy ban̰aŋ ga jurgum ga kan torge kɨya jɨbe te Ka-Daye le.

Gɨye-lɔɔ 6:8

Etɛn na ungo gɨ ɗarwa di da Kumu bɨ, dɔnɔ di da Kumu bɨ, ƴee gusi pɨl pɨl. Ban lee hɨnga ga ɗɨn̰ cɨn̰-kɨɗɨn̰ bɨ, hɨnga ga ni beli ga gɨmdəŋ duroy karɨn̰ Ɨsɨrayɛl bɨ.

Gɨye-lɔɔ 7:1

Mangɨl gɨ da ka-cay ka-bɔgɛ kɨbar ɨngɨr Etɛn hɨn̰: «Kɔl hɨnge le na cɨndi hayi ga?»

Gɨye-lɔɔ 6:3

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kuɗa gɨ kɨŋ tɨra ban̰aŋ jurgum duroyna, kan ga gusondɨge ye kuɗa bɨ, ga Turnɔ ɗe-kuduroy-bɛrɛ ƴee kuduroyge pɨl pɨl bɨ, ga muɗɔldɔŋ bɨ, ɗe ana bee gɨye gɨ nee le kobɨge.

Gɨye-lɔɔ 13:1

Ka-yɔɔ-kɔl-gɨ-Kumu-ba-yɔɔ bɨ, ka-gɨlɨn̰ kalaŋ kɔl gɨ da Kumu bɨ, woyge a duroy Ka-Daye ga Antɨyɔs gaŋ. Kalaŋ ga nee le na: Barnabas bɨ, Simin̰o gɨ teeyige ungo gɨ ɓaladi ɨndi bɨ, Lisɨyus ungo gɨ Sirɛn bɨ, Manahɛn gɨ kan gamgege dan̰ Ɛrɔd Antipas gɨ di cay gɨsəŋ ga Galile bɨ, Sol bɨ.

Gɨye-lɔɔ 11:19

Kalaŋ ga kan gɨlge cɨn̰-kɨɗɨn̰ ga kan dɨɗɨn̰ Etɛn le, busdoŋge a cay kɨɗɨn̰ gaŋ. Ga pɨna duroyge orge bɨrɨŋ andaŋge a cay gɨsəŋ ga Pinisi gaŋ bɨ, ga Sɨpɨr gaŋ bɨ, cay ƴaa-di-gumu di Antɨyɔs dɨŋ bɨ. Kan tee bɛrnɛ kɔl gɨ da Kumu bɨn̰ kalaŋ, ama kan tee bɨn̰ na Jubɨn̰əŋ ƴɔbɨ.

Gɨye-lɔɔ 6:10

Ama kan ɗɨn̰ge cayi dan̰ man̰e gɨ da kɔl naŋ, kɨya wa cɨn̰-muɗɔlɛ di ban ba yen̰ kɔl le, na Turnɔ ɗe-kuduroy-bɛrɛ ba bii.

Wasɨn̰a 2:15

Ɗaŋ nee coŋ, ka-lun̰doŋ kardi gɨle hɨnga ga da Nigolayidn̰əŋ woyge tagɨŋ nee coŋ.

Wasɨn̰a 2:6

Ama hɨnga ga ɨŋ sol kuɗa a gusɨgɨŋ na, na kan̰e gɨ kɨŋ kan̰ gɨye-lɔɔ gɨ da Nigolayidn̰əŋ, hɨn̰ gɨ ɨŋ-bandi kalɨn̰ ma ɨŋ ba kan̰ɨn̰ gɨye-lɔɔdɨge ga nee le coŋ wo̰ bɨ.

Gɨye-lɔɔ 15:22

Kɨɗɨn̰di ga nee gaŋ le, ka-gɨre-gɨye bɨ, kan ga muɗoldoŋ bɨ, Ka-Daye nɔm bɨ, ojɨge tɔrɛ kalaŋ ga pɨna duroyge kɨya gɨyge a Antɨyɔs, pɨna dan̰ Pol bɨ Barnabas bɨ. Kan dorge Jud gɨ teeyige Barsabas le bɨ, Sɨlas bɨ. Kan na kalaŋ ga duroy ka-dɔrɛ tumoy ka-aye kudurɔ ga somge a cay ƴaa-di-gumu di Jerusalɛm dɨŋ.

Matɨyo 23:15

Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ gor tɨrga gon̰ cay kɨɗɨn̰ gaŋ nɔm ga a cay gɨsəŋ gaŋ bɨ, cay kɨɗɨn̰ gaŋ nɔm ga a cay kuray gɨ gumu taa taa gɨŋ bɨ, kɨya malɨn̰ ungo pɨna nɛŋ gɨ ɗe na bɨle Jubɨ. Bɨ kɨɗɨn̰ ga ungo le bɨləŋ Jubɨ ɨni na, kɨŋ bɨlii leen̰ ba andaŋ duroy tɨwa di ni gehɛn dɨŋ, ɗɨn̰ togɨŋ cay sɔɔ.

Gɨye-lɔɔ 2:4

Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

Gɨye-lɔɔ 11:20

Ama ga pɨna duroyge ga na kalaŋ ga a cay gɨsəŋ ga Sɨpɨr gaŋ bɨ, cay ƴaa-di-gumu di Sirɛn dɨŋ bɨ le, kɨɗɨn̰ ga bugoŋge a Antɨyɔs ɨni na, kan teege bɛrnɛ Kɔl-gɨ-Ɗari gɨ da Ba-gulɔŋ Jesu-Kɨris bɨn̰ kalaŋ ga na Gɨrɛgn̰əŋ.

Gɨye-lɔɔ 11:22

Kɔl gɨ nee le, baa a sɨmay Ka-Daye ga Jerusalɛm, lee gɨ kan gɨyge Barnabas a Antɨyɔs.

Gɨye-lɔɔ 11:26

Kɨɗɨn̰ ga ban wayi ɨni na, ban ɨrgan̰ danayi a Antɨyɔs. Kan sɔɗɨmɔŋ toge dɨŋ ɨlgɨge daa pɨna, duroy kalaŋ ga Ka-Daye ga a Antɨyɔs bɨ, gɨlɨn̰ge dɨmdɨrdi kalaŋ kɔl tɔgɨ bɨ. Cay wase cɨg cɨg na, na a cay ƴaa-di-gumu di Antɨyɔs dɨŋ ma kalaŋ ayge te tɔgɛ ka-aye-cay-tɨbay Jesu, naa kalaŋ ga ka-kɔbɛ Kɨris.

Gɨye-lɔɔ 11:27

Boy wɔlɛ gɨ nee gɨŋ le, ka-yɔɔ-kɔl-gɨ-Kumu-ba-yɔɔ saygage Jerusalɛm ɨrgage Antɨyɔs.

Gɨye-lɔɔ 22:20

Etɛn gɨ na ba lɔɔ tɨmon̰ ton̰ le, kɨɗɨn̰ ga kan beege kɨbardi dugo le, ɨŋ ɨre nee bɨ. Ɨŋ bugoŋ dan̰ ka-dɨɗedi bɨ, ɨŋ gam badɨge kage bɨ.”