Gɨye-lɔɔ 5:26 - Gabri Maja

²⁶ Ɨni na, ba-cay ka-ame ƴaa di da Kumu le, orge dan̰ kalaŋ kay or ɨrgan̰ dan̰ ka-gɨre-gɨye jaŋ dɨle lɔɔge hɨnga ga homi. Kɨya wa kan hɨndarge gɨ kalaŋ na kɨya worɨn̰dige dan̰ oru dɨɗɨge.

Gɨye-lɔɔ 5:26 Referans Kwoze

Gɨye-lɔɔ 5:13

Ungo gɨ ɗaŋ gɨ gey dayaŋ danage le unɔ. Ama karɨn̰ Ɨsɨrayɛl nɔm geygege tɔgɨ.

Gɨye-lɔɔ 4:21

Ka-bɔyɛ kɔl jɨgage teegege gɨm ɗaŋ coŋ, pa dɨm ma jɨga ɗegege daa ƴee. Kan waage gɨyəŋ gɨ ni dɨbɨn̰ kɔl cayge naŋ. Kɨya wa kalaŋ nɔm hɨramge Kumu kɨya cay hɨnga ga ba lee gusɨge le.

Gɨye-lɔɔ 5:24

Kɨɗɨn̰ ga ba-cay ba-ame ƴaa-di-da-Kumu bɨ, ka-cay ka-bɔgɛ kɨbar nɔm bɨ, jege kɔl gɨ nee le na, waage cay tɨbayge naŋ kɨya cay ka-gɨre-gɨye bɨ, ɨngɨrɨn̰ge gusɨge kɛ na wa ba lɔɔ hɨnga ga?

Kɔl-gɨ-Ɗari gɨ Lug wal 22:2

Ka-cay ka-bɔgɛ kɨbar nɔm dan̰ ka-gɨlɨn̰ kalaŋ gasɨn̰-kɔl gɨ da Moyis malge gɨyəŋ gɨ ni dɨɗe Jesu, ama kan hɨndarge na kalaŋ.

Kɔl-gɨ-Ɗari gɨ Lug wal 20:19

Ka-gɨlɨn̰ kalaŋ gasɨn̰-kɔl gɨ da Moyis dan̰ ka-cay ka-bɔgɛ kɨbar nɔm geyge ƴɔmɛ Jesu a tɨwadi di nee dɨŋ le, kɨya wa kan solge hɨn̰ gɨ kɨradi-kɔl gɨ Jesu ba dor le, na ojɨ naa cayge. Ama kan hɨndarge na kalaŋ.

Kɔl-gɨ-Ɗari gɨ Lug wal 20:6

Ama na na ya hɨn̰: “Na sayga na gusi kalaŋ na”, kalaŋ nɔm kuduroyge kɨya hɔmɨge bɨ, kan kɨya worɨn̰dɨnage dan̰ garma dɨɗɨna bɨ. Kɨya wa boy ɨrɨme koge gɨŋ na kan sol leen̰ cɨndi gɨ Ja̰ na ba-yɔɔ-kɔl-gɨ-Kumu-ba-yɔɔ gɨ pɨna duroy kamdi.»

Matɨyo 26:5

Ama kan yen̰ge gusɨge yege hɨn̰: «Na ƴomiigɨŋ cay wɔlɛ gɨ ni kɨɗɨrɛ gɨŋ naŋ, ana mɨn̰gɨŋ do̰ di kɨya bɔɔ duroy kalaŋ.»

Matɨyo 21:26

Ama na na yayi hɨn̰: “Na sayga naa gusi kalaŋ na”, na kɨya hundɔrɔ dɨmdɨrdi kalaŋ, kɨya wa kalaŋ leege Ja̰ leen̰ na ba-yɔɔ-kɔl-gɨ-Kumu-ba-yɔɔ, gɨ pɨna duroy kamdi gaŋ.»

Matɨyo 14:5

Ojɨn̰ cay kɔl gɨ nee le, Ɛrɔd gey dɨɗe Ja̰ hayi, ama ban hɨndar dɨmdɨrdi kalaŋ, kɨya gɨ kan solge Ja̰ leen̰ ba-yɔɔ-kɔl-gɨ-Kumu-ba-yɔɔ.

Matɨyo 26:58

Pɨyɛr kobɨ kardi Jesu, ama ɗe duroyge sɨngɨɗɨ lam. Ban kobɨ kardi bɨrɨŋ andɨn̰ a da mangɨl gɨ da ka-cay ka-bɔgɛ kɨbar. Ban andaŋ a duroy gulɔŋ gɨŋ or somɨn̰ dan̰ marɨne ka-gɨye, kɨya solɨn̰ hɨnga ga kɨya lɔɔ gusɨge.

Kɔl-gɨ-Ɗari gɨ Lug wal 22:4

Judasɨ say or wan̰ ka-cay ka-bɔgɛ kɨbar nɔm dan̰ ba cay ka-ame ƴaa di da Kumu, saɗe kɨbi danage gɨ ni wan̰ gɨyəŋ gɨ ni ayɨn̰ cayi bɨge.

Gɨye-lɔɔ 5:22

Ama kɨɗɨn̰ ga asɨgarn̰əŋ ga ka-ame ƴaa dangay le ɨrgage bugoŋ ƴaa dangay dɨŋ na, kan wayagege naŋ bɨ, bɨlgɨge cayge jɨga dorɨn̰ge ka-gɨyge le, yege hɨn̰:

Gɨye-lɔɔ 5:25

Ama ungo gɨ pɨna wo̰ ɨrga andaŋ cayge yege hɨn̰: «Kalaŋ ga sɔɔ ga kɨŋ ba beege dangay dɨŋ le, ɨrege gɨlɨn̰ge kalaŋ kɔl a duroy gulɔŋ ƴaa-di-da-Kumu dɨŋ nee.»