Gɨye-lɔɔ 3:21 - Gabri Maja

²¹ Pa dɨm ma ɗe wɔlɛ gɨ nee le na ɨrga ƴee na, naa wa wa kalɨn̰ ma Jesu kɨya sɔmɛ a daa nii bɨrɨŋ gɨsɨn̰ wɔlɛ gɨ Kumu kɨya bɨlɨn̰ hɨnga nɔm leen̰ ga hɨrɨwa, hɨn̰ gɨ ban ba ye jɨne hayi dan̰ te tumɔ di da ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge le.

Gɨye-lɔɔ 3:21 Referans Kwoze

Magtubu di Pol wal bɨn̰ kalaŋ ga Rɔm 8:21

Wɔlɛ pɨna karɨn̰ Kumu kalɨn̰ ma kɨya andaŋge doŋ coŋ a te dɔnɔ di da guyɔŋ di ba mɔndɔɔ le. Ɨni na, hɨndi kɨya wɔɔ sɔmɛ ca-kalɨn̰ bɨ gusoŋ-tɔgɛ gɨ da karɨn̰ Kumu bɨ.

Gɨye-lɔɔ 1:11

bɨ yege hɨn̰: «Kɨŋ kalaŋ ga Galile ga ba kɛ, na kɨya wa ma, magɨŋ ɨre sol kɨɗɨn̰ jɨn̰ gɨɗɨgɨ-Kumu gɨŋ hɨrɨm wo̰ ga? Sɨlagɨŋ! Jesu gɨ ba kɛ gɨ kan ayige duroygɨŋ orɨn̰ a daa nii le. Ban kɨya bɨlgɨ cayi jɨga na hɨn̰ wo̰ bɨ.»

Wasɨn̰a 22:6

Kardi nee, ba-ƴɔbɛ gɨ daa nii le yəŋ hɨn̰: «Kɔl nɔm gɨ kɛ le na hɨnde bɨ ban kɨya lɔɔ gusi leen̰ cɨndi bɨ. Ba-gulɔŋ Kumu gɨ gɨyɨn̰ dan̰ kɔl koyi a cay ka-yɔɔ-kɔl-gɨ-Kumu-ba-yɔɔ dan̰ gɨyəŋ gɨ da Turnɔ di da Kumu le, ban gɨy dan̰ ba-ƴɔbɛ koyi gɨ daa nii kɨya gɨlɨn̰ marɨne kayi ka-gɨye hɨnga ga naa wa wa kalɨn̰ ma kɨya ɨrga mɨnde.»

Kɔl-gɨ-Ɗari gɨ Lug wal 1:70

Na hɨnga ga nee le ma, Ban naa ye koldɨge jɨne hayi ni ba je le. Ban ɗe kɔl le na kɨbɨ ka-yɔɔ-kɔl-gɨ-Kumu-ba-yɔɔ Ga na kalaŋ kayi ga woyge dan̰ cɨndɨge.

2 Pɨyɛr 3:2

Ɨrɨmgɨŋ a cay kɔl gɨ ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge yege tumɔ le bɨ, cay te tumɔ da Ba-gulɔŋ bɨ Ba-pɔɗɛ kalaŋ bɨ ga ka-gɨre-gɨye kagɨŋ gɨlgɨŋge le bɨ.

2 Pɨyɛr 1:21

Kɨya wa na kuduroy geye gɨ da ungo ba andɨn̰ dan̰ kɔl gɨ Kumu ɗe kɨbɨ ka-yɔɔ-kɔl-gɨ-Kumu-ba-yɔɔ naŋ, ama na kol jɨbe gɨ Turnɔ ɗe-kuduroy-bɛrɛ ba jɨbɨge ma kalaŋ yen̰ge kɔl gɨ Kumu ɗe kɨbɨge le.

Gɨye-lɔɔ 10:43

Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.

Wasɨn̰a 18:20

Gɨɗɨgɨ-Kumu, laagɨŋ gusi-mɔwa kol mundoŋ gɨ hɨndi mundoŋ kurɔm kurɔm coŋ le! Kɨŋ kalaŋ ga woy dan̰ cɨndɨgɨŋ bɨ, ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ kalɨn̰ ma, laagɨŋ gusi-mɔwa bɨ. Kɨya wa Kumu boy kɔl caa na kol hɨnga ga ɨsɨni ga hɨndi lee danagɨŋ.

Gɨye-lɔɔ 3:19

Naa hɨn̰ wo̰ na, bɨlgɨŋ gɨye-lɔɔdɨgɨŋ bɨ, jɨgegɨŋ gusi Kumu ɗe ban yɨde ɨsɨna kogɨŋ nɔm coŋ.

Gɨye-lɔɔ 3:20

Ɨni na, Ba-gulɔŋ kɨya bɨgɨŋ wɔlɛ gɨ ni dorɨn̰ gɨlale, kɨɗɨn̰ ga ban kɨya gɨygɨn̰ dan̰ Jesu-Kɨris gɨ ban naa dorii tumɔ ojɨn̰ caygɨŋ le.

Əbɨro 1:1

A boy ɨlge ga jɨne jɨne gaŋ, Kumu yen̰ mon̰ina kɔl dan̰ gɨyəŋ gɨ da ka-yɔɔ-kɔl-gɨ-Kumu-ba-yɔɔ tɨbaa kondɨ bɨ, dan̰ gɨyəŋ gɨ toyge kan̰dɨge kan̰dɨge bɨ.