Gɨye-lɔɔ 26:3 - Gabri Maja

³ Kɨya wa hada ga da kalaŋ ga ni Jubɨ nɔm bɨ, hɨnga ga kan man̰ɨn̰ge kɔl cay nee ɨngɨr bɨ le, ga mɨn̰ɨn̰ unɔ. Lee gɨ ɨŋ olɨn̰ gɨ ji dɨra sɨman̰ kuɗa jan̰ kɔl gɨ ɨŋ ba kɨya dɔrɛ kɛ le.»

Gɨye-lɔɔ 26:3 Referans Kwoze

Gɨye-lɔɔ 6:14

Ni je gɨ ban ye gɨ Jesu gɨ Najarɛt na kɨya mɔndɛ ƴaa-di-da-Kumu le coŋ bɨ, ɗi na kɨya bɨle hɨnga kana ga ni te ba ga Moyis ba bɨna le coŋ bɨ.»

Gɨye-lɔɔ 26:26

Kɨlma Agɨripa sol hɨnga ga nee le, lee gɨ ɨŋ ɓal dɔrɛ koldi tumon̰ dɨle hundɔrɔ. Bɨ ɨŋ sol leen̰ cɨndi gɨ hɨnga ga nee le nɔm ban sol. Kɨya wa na hɨnga ga laa gusɨge a kɨɗɨn̰ ga wosi gaŋ naŋ.

1 Korɛ̰t 13:2

Ko hɨn̰ gɨ ɨŋ na ya naa kɔl-gɨ-Kumu-ba-yɔɔ, naŋ le ɨŋ na sɨla naa hɨnga ga woy kɨɗɨn̰ wɔsɛdɨge gaŋ nɔm, naŋ le ɨŋ na sɨla hɨnga nɔm, naŋ le aye kudurɔ hɨnge na usa tɔgɨ laa gɨ ɨŋ na ɗɨdan̰ garman̰əŋ kalɨn̰ ma, hɨn̰ gɨ wandɨ na unɔ gusɨnɨ na, ɨŋ na hɨnga naŋ.

Gɨye-lɔɔ 28:17

Lee wɔlɛ sɨbɨ ɨni na, Pol tee kalaŋ ga ni Jubɨ ga gɨmdəŋ gɨmdəŋ ga a cay ƴaa-di-gumu di Rɔm dɨŋ a tayi. Kɨɗɨn̰ ga kan dayge cayge ɨni na, ban yege hɨn̰: «Karmɨnɨ, ɨŋ laa hɨnga ga ɨsɨni pɨna jɨbɨn̰ te wɔɔ gɨ da kalaŋ kana coŋ naŋ bɨ, jɨbɨn̰ hɨnga ga ni hada ga da mon̰inagɨŋ coŋ naŋ bɨ. Ama kan ƴɔmɔŋge a Jerusalɛm dɔbɔŋge a kobi kalaŋ ga ni Rɔmɛn̰əŋ.

Gɨye-lɔɔ 26:7

Te tumoyi di ban ay bɨge le, te wɨn̰je ga mɔjɨ-cayge-sɔɔ ga da te kalaŋ kani beege ɨrɨmedɨge cay nee. Gɨ na kɨya ɨrga bɨrɨŋ dɨɗe kɨbi, lee gɨ kan leege gɨyedi bɨn̰ Kumu son̰do dan̰ tɨwa di ɨni dɨle dɔrɛ gɨlale. Kɨlma Agɨripa, na kɨya cay bɔgɛ ɨrɨmenɨ cay te tumɔn̰əŋ ga nee le ma, Jubɨn̰əŋ səŋge kɔl canɨ le.

Gɨye-lɔɔ 25:26

Ama hɨn̰ gɨ ɨŋ na kɨya orɨn̰ danayi bɨn̰ Sejar na, ɨŋ sɨla hɨnga ga jɛɗ ga ɨŋ kɨya wale duroy magtubu dɨŋ kɔl cayi naŋ. Na toy di hɨn̰ wo̰ ma, maŋ ɨrgan̰ danayi tumoygɨŋ bɨ, tumoy kɨlma Agɨripa bɨ. Gajanaŋ kɨɗɨn̰ ga ni na ja kɔl koyi na, ɨŋ kɨya wɔɔ hɨnga ga ojɨ wale a duroy magtubu dɨŋ.

Gɨye-lɔɔ 24:10

Kɨɗɨn̰ ga ba-kɨbɨ kɨlma gɨ gumu dobɨ kobi a cay Pol gɨ ban na ya kɔl gaa ma, Pol yey hɨn̰: «Ɨŋ sol gɨ ji na ba-bɔyɛ kɔl a cay te wɔɔ gɨ da kalaŋ ga ba kɛ le, ɨlge kondɨ labɨde. Lee gɨ ɨŋ ɨre tumon̰ na dan̰ kuduronɨ ga pɨna kɨya dorɨn̰ kɔl ɗe gɨ aŋ na dorɨn̰ kɔl canɨ coŋ.

Gɨye-lɔɔ 24:4

Ama ni gey jogdɨn̰ tɔgɨ naŋ bɨ, yɔɔ kɔl ɗɛj wo̰ bɨ. Na toy di hɨn̰ wo̰ ma, mani olɨn̰ gɨ ji laa kuduroy-ɗarwa danani bɨ. Dɨra sɨman̰ jan̰ kɔl koni dḛ bɨ.

Gɨye-lɔɔ 21:21

Kan jege kɔl kɨbɨ kalaŋ ga yege gɨ ji na gɨlɨn̰ kalaŋ ga ni Jubɨ nɔm ga somge a cay jaa di da te wɔɔ gɨ da kalaŋ ga toyge na Jubɨ naŋ gaŋ, ji na yege gɨ na ojɨ gɨ kan na ɗa gasɨn̰-kɔl gɨ da Moyis coŋ bɨ, ojɨ gɨ kan na gɨ walɨn̰ karɨndɨge ban̰a naŋ bɨ, ojɨ gɨ kan na gɨ kɔbɛ hada ga da mon̰inagɨŋ naŋ bɨ.

Gɨye-lɔɔ 26:2

«Kɨlma Agɨripa, gusɨnɨ mɔŋ tɔgɨ kɨya yɔɔ kɔl dorɨn̰ kɔl canɨ labɨde tumon̰ ojɨn̰ cay hɨnga nɔm ga kalaŋ ga ni Jubɨ ba səŋge koldɨge canɨ le.