Gɨye-lɔɔ 23:1 - Gabri Maja

¹ Pol si cɨndi a cay ka-bɔyɛ kɔl cay kalaŋ ga ni Jubɨ solge gəɗəɗə bɨ, yege hɨn̰: «Karmɨnɨ, ɔrɛnɨ gɨ ɨŋ ba or tumoy Kumu bɨrɨŋ labɨde le, kuduronɨ gɨləŋ hɨnga ga ɨsɨni dḛ wo̰ cay nee naŋ.»

Gɨye-lɔɔ 23:1 Referans Kwoze

Gɨye-lɔɔ 24:16

Na kɨya cay kɔl gɨ nee le ma, maŋ ƴomɨn̰ togɨnɨ dan̰ wɔlɛ pɨna pɨna ɗe gɨ ɨrɨmenɨ masadi na unɔ tumoy Kumu bɨ, tumoy kalaŋ nee bɨ.»

2 Timote 1:3

Ɨŋ leen̰ Kumu gɨ ɨŋ lee gɨye bii dan̰ ɨrɨmenɨ gɨ arɨn̰ cərərə hɨn̰ gɨ mon̰ɨnɨ ba leen̰ge gɨye le ho’o. Kɨɗɨn̰ ga daa daa, duroy son̰do dan̰ tɨwa di ɨni bɨ, ɨŋ ɨrɨm kol can̰ boy ɔlɛ hɨnge gɨŋ na, ɨŋ leeyi ho’o.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

Əbɨro 13:18

Ulagɨŋ Kumu kol cayni. Ni sol leen̰ cɨndi gɨ ɨrɨmedɨni gɨlni hɨnga ga ɨsɨni kol cayni naŋ. Kɨya wa ni gey kɔbɛ gɨye-lɔɔ gɨ ɗari a te hɨnga nɔm.

1 Korɛ̰t 4:4

Ko hɨn̰ gɨ ɨŋ na sɨla gɨ kɔl na unɔ canɨ kalɨn̰ ma, ɨŋ bɨl ungo gɨ dan̰ durɔ ɗɨngar na kol ban gɨ nee le naŋ. Kɨya wa ba bɔyɛ kɔl canɨ na Ba-gulɔŋ.

Gɨye-lɔɔ 22:5

Mangɨl gɨ da ka-cay ka-bɔgɛ kɨbar bɨ, dayaŋ gɨ da kan ga muɗoldoŋ bɨ, ɓalge lɔɔ tɨmon̰ danaŋ a cay kɔl gɨ nee le. Ɨŋ ƴee magtubu na kobɨge kan, kɨya orɨn̰ bɨn̰ karmɨni Jubɨ ga a cay ƴaa-di-gumu di Damas dɨŋ. Lee gɨ ɨŋ say orɨn̰ Damas, kɨya orɨn̰ ƴomɨn̰ ka-aye kudurɔ ga somge nee, kɨya ɨrgan̰ danage a cay ƴaa-di-gumu di Jerusalɛm dɨŋ, ɗe kan na gɨlge cɨn̰.»

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

Gɨye-lɔɔ 23:6

Pol sol gɨ duroy kalaŋ ga ba dayaŋge le, kɨwayge ga pɨna na Sadusɨn̰ɛn̰əŋ bɨ, kɨwayge ga ɗaŋ na Parɨsɨn̰an̰əŋ bɨ, lee gɨ ban dor noy daa yen̰ ka-bɔyɛ kɔl hɨn̰: «Karmɨnɨ, ɨŋ na Parɨsɨn̰a bɨ, kurɨn̰ Parɨsɨn̰a bɨ! Na kɨya cay bɔyɛ lɨbe gɨ da kalaŋ ga madɨrdaŋ ga ɨŋ bee ɨrɨmenɨ cay nee le ma, kan ɨrgan̰ danaŋ kɛ kɨya bɔyɛ kɔl canɨ.»

1 Pɨyɛr 3:16

Ama gɨlgegɨŋ kardɨge dan̰ kaledɨgɨŋ ga jali bɨ, hurɔmɔ bɨ. Laagɨŋ hɨnga nɔm dan̰ ɨrɨmedɨgɨŋ gɨ arɨn̰ cərərə. Hɨn̰ wo̰ na, dasi kɨya dɔɔ kalaŋ ga ka-pɔyɛ kɔl se caygɨŋ bɨ, ga ka-yagɨdɨgɨŋ kɨya gɨye-lɔɔdɨgɨŋ gɨ ɗari gɨ kɨŋ way te bugoŋ pɨna dan̰ Kɨris le.

Gɨye-lɔɔ 22:30

Wan̰dodo dɨŋ na, ba-sɔmɛ cay asɨgarn̰əŋ le gey sɔlɛ te hɨnga ga leen̰ cɨndi, ga kalaŋ ga ni Jubɨ ba sɨn̰ge kɔl a cay Pol le. Bɨ ban tor mɔrɨyɔŋ gusi coŋ bɨ. Ban te ka-cay ka-bɔgɛ kɨbar bɨ, ka-bɔyɛ kɔl cay kalaŋ ga ni Jubɨ bɨ. Ɗe kan na dayage cayge. Kardi nee na, ban ɨrgan̰ dan̰ Pol sii tumoyge.

Gɨye-lɔɔ 6:15

Kalaŋ nɔm ga ba dayaŋge kɨɗɨn̰ bɔyɛ kɔl ga da kalaŋ ga ni Jubɨ le, sige cɨndɨge jɛr jɛr cay Etɛn, ɨni na kan solge gɨ cɨndi woy gɨlɨn̰ hɨn̰ cɨn̰ ba-ƴɔbɛ gɨ daa nii wo̰.

Gɨye-lɔɔ 22:1

Ban yege hɨn̰: «Karmɨnɨ bɨ, ban̰anɨ bɨ, Jagɨŋ kɔl gɨ ɨŋ ba kɨya yogɨŋ haw kɛ dorɨn̰ kɔl canɨ coŋ.»

Matɨyo 5:22

«Ama ɨŋ-bandi na ɨŋ yəgɨŋ hɨn̰: Waŋ waŋ gɨ na laa kuduroy-hɔmɛ dan̰ kurɨndi na, kɨya orɨn̰ge danayi tumoy ka-bɔyɛ kɔl gaŋ. Waŋ waŋ gɨ na yan̰ kurɨndi ji naa ba-matɨr na, kɨya orɨn̰ge danayi tumoy ka-bɔyɛ kɔl cay Jubɨn̰əŋ. Waŋ waŋ gɨ na yan̰ kurɨndi ji na ba-dɨngale na, ojɨ gɨ ni orɨn̰ge danayi duroy tɨwa di ƴee dan̰ tumɔɔ di ni gehɛn dɨŋ.

Gɨye-lɔɔ 23:15

Kɨŋ-gandi dan̰ ka-cay ka-bɔgɛ kɨbar bɨ, ga muɗoldoŋ bɨ na, bɨgagɨŋ noygɨŋ pɨna dan̰ ka-bɔyɛ kɔl ga gɨmdəŋ bɨ, ɨran̰gɨŋ wayan̰ ba-cay asɨgarn̰əŋ le, ɨngɨriigɨŋ ɗe ban ɨrgan̰ dan̰ Pol bɨgɨŋ agɨŋ jogɨn̰ kobɨn̰ te kɔl koyi le sol ɗaŋ coŋ. Ɨni na, ni-gandi na ni kɨya ƴɔmɛ cay tɨbayni bɨ, kɨɗɨn̰ ga kan kɨya ɨrgan̰ danayi na, ni kɨya dɨɗii te gɨyəŋ gɨŋ.»

Gɨye-lɔɔ 23:20

Marɨna le jɨga dɨbi cay nee hɨn̰: «Kalaŋ ga ni Jubɨ saɗɨge kɨbɨge pɨna kɨya ɨngɨrɨn̰ge gɨ ji na ɨren̰ dan̰ Pol wan̰do tumoy ka-bɔyɛ kɔl ga gɨmdəŋ. Bɨ ke na gɨ lɔɔ hɨn̰ gɨ ke na gey na kɔbɛ te kɔl koyi sɔlɛ ɗaŋ coŋ wo̰.

Gɨye-lɔɔ 23:28

Ɨŋ gey sɔlɛ te hɨnga ga kan ba sin̰ge kɔl cayi le, na toy di hɨn̰ wo̰ ma, maŋ orɨn̰ danayi tumoy ka-bɔyɛ kɔl cay Jubɨn̰əŋ ga gɨmdəŋ.