Gɨye-lɔɔ 22:4 - Gabri Maja

⁴ Kalaŋ ga ba ayge gɨyəŋ gɨ da Ba-gulɔŋ Jesu le, ɨŋ gɨlge cɨn̰ tɔgɨ bɨrɨŋ tɨmaydɨge. Ɨŋ ƴom ban̰aŋ bɨ, kandɨ bɨ, beege dangay dɨŋ bɨ.

Gɨye-lɔɔ 22:4 Referans Kwoze

1 Korɛ̰t 15:9

A duroy ka-gɨre-gɨye nɔm le ɨŋ-bandi ma na gɨ dḛ ɗige bɨrɨŋ uja gɨ ni tɔgɔŋge ba-gɨre-gɨye kalɨn̰ ma naŋ, kɨya wa tumɔ ɨŋ gɨlɨn̰ Ka-Daye ga da Kumu cɨn̰-gɨle-cɨn̰.

Pilib 3:6

Gɨ ojɨ cay gusi-hɨmbalwa na, ɨŋ lun̰doŋ kardi gasɨn̰-kɔl osu bɨrɨŋ gɨ ɨŋ gɨlɨn̰ Ka-Daye cɨn̰-gɨle-cɨn̰ gɨɗaŋ. Ungo wo̰ kɨya ɓale dɨbe kɔl canɨ gɨ ɨŋ na hangɨɗɨ cay gasɨn̰-kɔl naŋ, kɨya wa ɨŋ bee kɔl cay nee ɗəndəŋ.

Gɨye-lɔɔ 24:14

Ama hɨnga ga ɨŋ ba sol leen̰ cɨndi ba kɛ: Ɨŋ ay na gɨyəŋ gɨ hɨrɨwa, gɨ kan yege gɨ na gɨyəŋ gɨ dan̰ gɨyəŋdi naŋ le leen̰ gɨye bɨn̰ Kumu gɨ da mon̰inagɨŋ le. Bɨ ɨŋ ay kuduronɨ bɨn̰ hɨnga nɔm ga kan walge a duroy magtubu Gasɨn̰-kɔl gaŋ bɨ, duroy magtubu ga da ka-yɔɔ-kɔl-gɨ-Kumu-ba-yɔɔ gaŋ bɨ.

Gɨye-lɔɔ 19:23

A boy ɨlgedi gɨ nee le, kɔl gɨ gumu baa a cay ƴaa-di-gumu di Epɛs dɨŋ, kɨya cay gɨyəŋ gɨ da Ba-gulɔŋ.

Gɨye-lɔɔ 19:9

Ama kondɨwadɨge leege cay osɨwa kan̰ɨn̰ge bɔgɛ kuduroyge cay nee bɨ, yen̰ge kɔl gɨ ɨsɨni ojɨn̰ cay gɨyəŋ gɨ da Ba-gulɔŋ tumoy kalaŋ ga dayge cayge le. Kɨɗɨn̰ ga nee le, Pol dor gusi coŋ bɨ, don ka-aye-cay-tɨbay Jesu orɨn̰ danage. Ban gɨlge kɔl gɨ da Kumu dan̰ wɔlɛ pɨna pɨna a duroy ƴaa gɨle hɨnga ga da Tiranus dɨŋ.

Gɨye-lɔɔ 18:26

Ban say ye kɔl dan̰ cɨn̰-bandɨ duroy ƴaa-daye-di-da-Jubɨn̰əŋ dɨŋ. Kɨɗɨn̰ ga Pɨrisil dan̰ Agilas jege kɔl koyi ɨni na, kan ƴomiige walaŋ bɨ, gɨliige gɨyəŋ gɨ da Kumu dan̰ gɨyəŋdi tɛrɛrɛ tɛrɛrɛ ɗɨn̰ gɨ tumɔ ƴee.

Gɨye-lɔɔ 16:17

Turmɔ ɗe-gɨye le ay te kɔbɛ kardini ni-gandi dan̰ Pol bɨ, den̰ sɨle ye hɨn̰: «Kalaŋ ga kɛ le, na ka-lɔɔ gɨye ga da Kumu gɨ ɗɨn̰ cay hɨnga nɔm! Kan kɨya gɨlgɨŋ na gɨyəŋ gɨ ungo na aya na, kɨya wan̰ pɔɗɛ.»

Gɨye-lɔɔ 9:21

Kalaŋ nɔm ga ba jege bɛrnɛ toyi le, kɔl kayge sɛl sɛl, lee gɨ kan yege hɨn̰: «Kɛ na ungo gɨ kɛ le, ma na ba loon̰ ka-tɔgɛ guson̰ Jesu cɨn̰-gɨle-cɨn̰ tɔgɨ a cay ƴaa-di-gumu di Jerusalɛm dɨŋ le naŋ ga? Kɛ ban ɨrga na yɔd kɨya ƴomge orɨn̰ danage bɨn̰ ka-cay ka-bɔgɛ kɨbar nɔm naŋ ga?»

Gɨye-lɔɔ 7:58

ƴomiige siriige orɨn̰ge danayi kardi cay ƴaa-di-gumu dɨŋ doŋ coŋ bɨ, worɨn̰diige dan̰ oru dɨɗiige. Tɨmon̰ ga da ka-ɨre worɨn̰iige le, torge badɨge kage ga tobɨge cay kamdɨge gaŋ beege tumoy marɨna gɨ pɨna wo̰ gɨ gusondi na Sol.

Galad 1:13

Kɨya wa kɨŋ je kol gɨye-lɔɔnɨ gɨ jɨne, kɨɗɨn̰ ga ɨŋ ba leen̰ gɨye bɨn̰ Kumu dan̰ gɨyəŋ gɨ da kalaŋ ga ni Jubɨ le. Ɨŋ gɨlɨn̰ Ka-Daye ga da Kumu kayi cɨn̰-gɨle-cɨn̰ dan̰ man̰e tɔgɨ bɨ, ɨŋ leege hɨnga ga ɨsɨni tɔgɨ bɨ.

2 Pɨyɛr 2:2

Kondɨwadi kalaŋ kɨya kɔbɛge kardɨge kɨɗɨn̰ yɔyɛ gorɨn̰ daa gaŋ le bɨ, kɨya cay kalaŋ ga nee le, kan kɨya yagɨdege te gɨyəŋ gɨ da Kɔl gɨ cɨndi kol cay gɨye-lɔɔdɨge bɨ.