Gɨye-lɔɔ 20:3 - Gabri Maja

³ Bɨ ban som nee leen̰ kɨdɨrɛ sɨbɨ. Kɨɗɨn̰ ga ban or kɨya aye koburo gɨ gumu taa taa kɨya orɨn̰ a cay gɨsəŋ ga Siri gaŋ ɨni na, ban je gɨ Jubɨn̰əŋ na boyge koldi kɨya looyiige ɨsɨna. Ɨni na, ban ojɨ gɨ ni bɨle cay jɔgɛ Siri dan̰ gɨyəŋ gɨ Masedɨwan dan̰ tɨbayi.

Gɨye-lɔɔ 20:3 Referans Kwoze

Gɨye-lɔɔ 20:19

Ɨŋ lee gɨye gɨ da Ba-gulɔŋ dɨle dogɨn̰ jorgɨnɨ bɨ, dan̰ ɨle bɨ, duroy cɨn̰-n̰age dɨŋ bɨ, kɨya wa Jubɨ ga pɨna boyge kolnɨ gɨ ni looŋ ɨsɨna.

2 Korɛ̰t 11:26

Ɨŋ or tɨrga tɨba kondɨ, lee gɨ ɨŋ way hɨnga ga ɓal tɨma a cay kuray gɨŋ bɨ, kobɨ ka-dɨɗe kalaŋ bɨ, kobɨ karmɨnɨ ga ni te wɔɔ hɨnge gaŋ bɨ, kobɨ te kalaŋ ga toyge na Jubɨ naŋ bɨ. Ɨŋ way hɨnga ga ɓal tɨma a cay ƴaa-di-gumu dɨŋ bɨ duroy daldɨŋ bɨ. Ɨŋ way hɨnga ga ɓal tɨma a cay kuray gɨ gumu taa taa gɨŋ bɨ, kobɨ ka-aye kudurɔ ga cɨndi naŋ bɨ.

Gɨye-lɔɔ 25:3

gɨ ban na laa kuduroy-ɗarwa danage bɨ, ɨran̰ dan̰ Pol a Jerusalɛm. Leen̰ cɨndi na, kan ƴom cay gusɨge kɨya won̰ Pol mage te gɨyəŋ gɨŋ age na diɗii.

2 Korɛ̰t 7:5

Na cɨndi, kɨɗɨn̰ ga ni bugoŋ a cay gɨsəŋ ga Masedɨwan gaŋ na, ni dɨra gɨlale naŋ bɨrɨŋ. Gɨle-cɨn̰ ba cayni dan̰ gɨyəŋ gɨ toy kan̰di kan̰di: Ni worɨn̰dɨde dan̰ kalaŋ ga ɗaŋ bɨ, hundɔrɔ woy kuduroyni bɨ.

Galad 1:21

Kardi nee na, ɨŋ say or a cay gɨsəŋ ga Siri gaŋ dan̰ ga Sɨlisi gaŋ bɨ.

2 Korɛ̰t 1:15

Na cɨndi, ɨŋ bee kuduronɨ caygɨŋ osu. Na toy di hɨn̰ wo̰ ma ɨŋ gey ɔrɛ gusɨgɨŋ pa dɨm. Hɨn̰ wo̰ na kɨŋ kɨya ɓale wɔɔ tɔrɛ-kɨbɨ caygɨŋ sɔɔ.

Gɨye-lɔɔ 21:3

Ni bugoŋ mɨnde a kɨɗɨn̰ ga ni sol cay gɨsəŋ ga Sɨpɨr cɨndɨni ɨni na, ni cangɨ cɨn̰ ga manga da hɔgɨwa gɨ nee gɨŋ le, kɨya orɨn̰ jɨn̰ cay gɨsəŋ ga Siri gaŋ. Ni ɨre dugo a Tir kɨya gɨsɨnɨn̰ hɨnga ga a boy koburo gɨ gumu taa taa gɨŋ a nee.

Gɨye-lɔɔ 19:21

Kardi hɨngan̰əŋ ga ba lee gusɨge le, Pol ojɨ gaye cay gɨsəŋ ga Masedɨwan bɨ, ga Agay bɨ, andɨn̰ kɨya orɨn̰ jɨn̰ cay ƴaa-di-gumu di Jerusalɛm dɨŋ. Ban ye hɨn̰: «Hɨn̰ gɨ ɨŋ na bugoŋ ni na, naa wa wa kalɨn̰ ma, ɨŋ kɨya ɔrɛ sɔlɛ Rɔm bɨ.»

Gɨye-lɔɔ 18:18

Pol som Korɛ̰t kardi sɨngɨɗɨ coŋ. Kardi nee ɨni na, ban say ɗe karmii bɨ, nan̰ boy koburo gɨ gumu taa taa gɨŋ kɨya orɨn̰ jɨn̰ cay gɨsəŋ ga Siri gaŋ, pɨna dan̰ Pɨrisil bɨ, Agilas bɨ. Ban dɨl cay coŋ a boy cay ƴaa di Saŋkɨre dɨŋ, gɨlɨn̰ gɨ ɗi na dɨɗɨ kɨbɨ te tumɔ di ban ay bɨn̰ Kumu le.

Gɨye-lɔɔ 16:9

Duroy son̰dodo dɨŋ na, hɨnga buyoŋ cɨn̰ Pol hɨn̰ dḛḛ wo̰: Ban sol ungo gɨ Masedɨwan gɨ pɨna wo̰. Ungo gɨ nee le ɨre daa dan̰ tɨbay olii yey hɨn̰: «Ɨre gɨrni daa, a Masedɨwan.»

Matɨyo 4:24

Gusondi ye ƴee cay gɨsəŋ ga Siri nɔm, lee gɨ kalaŋ ɨrgan̰ge dan̰ ka-hɔmɨn̰ɛ bɨ, ga hɔmɨn̰ɛ gɨ toy kan̰di kan̰di leege mɨrɨn̰tɨn̰i bɨ: Kan ga turnɔ ga ɨsɨndəŋ woy kuduroyge bɨ, ga jɨmgɨl leege bɨ, ka-mɨraye bɨ. Ban poɗɨge nɔm.

Gɨye-lɔɔ 16:12

Ni say nee or a cay ƴaa-di-gumu di Pilib dɨŋ. Hɨndi na cay ƴaa di a cay gɨsəŋ ga Masedɨwan di ɗɨn̰ kamdo nɔm bɨ, kalaŋ ga somge nee kondɨ, na kalaŋ ga Rɔm bɨ. Ni wol a cay ƴaa-di-gumu di nee dɨŋ le, lee wɔlɛ kondɨ.

Gɨye-lɔɔ 20:1

Kɨɗɨn̰ ga do̰ di baa le tɔɔ ayaŋ ɨni na, Pol te ka-aye-cay-tɨbay Jesu bɨ, dobɨ bandɨ kuduroyge bɨ. Kardi nee ɨni na, ban leege lapɨya bɨ ay gɨyəŋ orɨn̰ Masedɨwan.

Gɨye-lɔɔ 20:2

Ban kayde cay gɨsəŋ ga nee le bɨ, dobɨ bandɨ gɨɗaŋ kuduroy ka-aye kudurɔ ga somge nee. Ban say nee or bɨrɨŋ bugoŋ a cay gɨsəŋ ga Gɨrɛs gaŋ.