Gɨye-lɔɔ 2:27 - Gabri Maja

²⁷ Kɨya wa ji kɨya ɗɔŋ duroy kɨɗɨn̰ Ga da kalaŋ ga madɨrdaŋ gaŋ naŋ bɨ, ji kɨya ɗɔɔ gundi ungo kon̰ gɨ woy dan̰ cɨndi le, Ɔsɨn̰ɛ a boy umboŋ kamɨn̰aŋ gaŋ naŋ bɨrɨŋ bɨ.

Gɨye-lɔɔ 2:27 Referans Kwoze

Gɨye-lɔɔ 2:31

Dabid sol bɔyɛ lɨbe gɨ da Kɨris na jɨne hayi bɨ, na kɨya cayi ban ma ban ye hɨn̰: “Kumu kɨya ɗɔɔ Kɨris ban gɨ Kumu dorii le, A kɨɗɨn̰ ga da kalaŋ ga madɨrdaŋ gaŋ naŋ bɨ, Ban kɨya ɗɔɔ kuyoŋdi ɔsɨn̰ɛ duroy kamɨn̰aŋ gaŋ naŋ bɨ”.

Wasɨn̰a 1:18

Ɨŋ-bandi le, ɨŋ na ba-sɔmɛ-bɨra. Tumɔ ɨŋ ma, ama haw kɛ na ɨŋ som-bɨra, ɨŋ kɨya mare naŋ bɨrɨŋ ɨni. Ɨŋ orɨn̰ dan̰ dɔnɔ a cay tɨma dɨŋ bɨ, a cay dɔɔ-ƴaado dɨŋ bɨ.

Wasɨn̰a 20:13

Ho’o, kalaŋ nɔm ga mage bɨ, ga woyge duroy dɔɔ-ƴaa da tɨma dɨŋ bɨ, dan̰ kalaŋ ga mage duroy kuray gɨ gumu taa taa gɨŋ le boyge lɨbɨ ɨrege tumoy Kumu ɗe gɨ ban na boy kɔl cayge dan̰ gɨyəŋ gɨ da gɨye-lɔɔdɨge.

1 Korɛ̰t 15:55

«Ay tɨma, banga tɛɛ ba ani ga? Ay tɨma, dɔnɔ tɛɛ ba ani ga?»

1 Korɛ̰t 15:52

Hɨnga ga nee le kɨya lɔɔ gusɨge na haw wo̰ hɨn̰ ti ungo di lee bɨɗɨm wo̰ kɨɗɨn̰ ga burun̰ji di ni dɨɗɨn̰ kɨbɨ kɔl kɨya yɔ. Kɨya wa burun̰ji kɨya yɔ bɨ kalaŋ ga madɨrdaŋ kɨya bɔyɛge lɨbe dan̰ kuyoŋdi-gusɨge gɨ kɨya ɔsɨn̰ɛ naŋ bɨ, na-gandi nɔm kuyoŋdi-gusɨna kɨya bɨle.

Kɔl-gɨ-Ɗari gɨ Ja̰ wal 11:39

Jesu yege hɨn̰: «Nɨngɨlagɨŋ garma le coŋ.» Ɨni na Mart ba-mare tɨmdi le, yeyi hɨn̰: «Ba-gulɔŋ, gundi ɗo̰ ɨni, kɨya wa ban lee wɔlɛ poɗɨn̰ labɨde.»

Wasɨn̰a 3:7

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Piladelpi. «Ban gɨ woy dan̰ cɨndi bɨ, ban gɨ na ungo gɨ hɨnde bɨ, ban gɨ ƴom lakɨle ga da kɨlma Dabid kobi bɨ. Ban gɨ na hanga kɨbɨ-ƴaa na, ungo pɨna wo̰ kalɨn̰ ma kɨya ɓale lɨge naŋ bɨ, ban gɨ na lɨgɨ kɨbɨ-ƴaa na, ungo pɨna wo̰ kalɨn̰ ma kɨya ɓale hange naŋ bɨ le, ye hɨn̰:

1 Ja̰ 2:20

Ama kɨŋ-gandi na, kɨŋ gɨlɨn̰ hɨn̰ kan wo̰ naŋ. Kɨris n̰ɨgɨ Turnɔ ɗe-kuduroy-bɛrɛ caygɨŋ hɨn̰ gɨ kan n̰ɨgɨn̰ sɔŋ a cay ungo wo̰, lee gɨ kɨŋ-gandi nɔm kɨŋ orɨn̰ dan̰ hɨnga-sɔlɛ.

Kɔl-gɨ-Ɗari gɨ Lug wal 4:34

Haya ga! Jesu gɨ Najarɛt, ji gey na wa gusɨnɨ ga? Ji ɨrga na kɨya mondɨni ga? Ɨŋ solɨn̰ kuɗa wo̰: «Ji woy dan̰ cɨndɨn̰ na Kumu ba gɨygɨn̰.»

Kɔl-gɨ-Ɗari gɨ Lug wal 1:35

Ba-ƴɔbɛ gɨ daa nii le, jɨga dɨboo cay nee yo hɨn̰: «Turnɔ ɗe-kuduroy-bɛrɛ kɨya gɨsɨne cɛɛ bɨ, dɔnɔ di da Kumu di ɗɨn̰ cay hɨnga nɔm kɨya umboŋ cɛɛ hɨn̰ turnɔ wo̰ bɨ. Na toy di wo̰ ma, kɨye gɨ woy dan̰ cɨndi gɨ me kɨya wooyi le, kan kɨya togii Kurɨn̰-Kumu.

Marg 1:24

«Jesu gɨ Najarɛt, ji gey na wa gusɨni ga? Ji ɨrga na kɨya mondɨni ga? Ɨŋ solɨn̰ kuɗa wo̰: Ji woy dan̰ cɨndɨn̰, na Kumu ba gɨygɨn̰.»

Matɨyo 11:23

Kɨŋ kalaŋ ga cay ƴaa-di-gumu di Kapɛrnɔm, kɨŋ ɨrɨm kuduroygɨŋ hɨn̰ gɨ kɨŋ na kɨya sɔɔ bɨrɨŋ ɔrɛ gɨɗɨgɨ-Kumu gɨŋ ga? Naŋ! Kɨŋ kɨya gɨsɨne boy tɨwa di ƴee dan̰ cɨndo dɨŋ. Kɨya wa hɨnga ga ni belin̰əŋ ga lee gusɨge a tɛɛ le, hɨn̰ gɨ ni na laa gusɨge naa Sɔdɔm na, labɨde kalɨn̰ ma kalaŋ ga cay ƴaa di Sɔdɔm le, ni kɨya sɔmɛge nee ƴee.

Gɨye-lɔɔ 4:27

«Kɔl gɨ nee le na cɨndi, kɨya wa Ɛrɔd bɨ, Po̰s Piladɨ bɨ, te wɔɔ gɨ da kalaŋ ga cay gɨsəŋ gaŋ bɨ, te wɨn̰je gɨ da Ɨsɨrayɛl bɨ, dayge gusɨge a boy cay ƴaa-di-gumu di kɛ dɨŋ le a cay Jesu, ba-gɨre-gɨye kon̰ gɨ woy dan̰ cɨndi bɨ, gɨ ji dorii bɨ.

Gɨye-lɔɔ 3:14

Kɨŋ-gandi kɨŋ kan̰ ungo gɨ woy dan̰ cɨndi bɨ, gɨ dan̰ durɔ ɗɨngar bɨ, ama kɨŋ ɨngɨrɨn̰ Piladɨ na ɗaa ba-dɨɗe kalaŋ daa bɨgɨŋ.

Kɔl-gɨ-Ɗari gɨ Lug wal 16:23

Ban som na kɨɗɨn̰ ga ni mɨrɨn̰tɨn̰i gaŋ ga kalaŋ ga madɨrdaŋ somɨn̰ge nee, ban ay tɨdi daa bɨ sol Abɨraham som hən̰ bɨ Lajar som kɨway.

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Gɨye-lɔɔ 2:26

Na toy di hɨn̰ wo̰ ma gusɨnɨ mɔŋ bɨ, Ɨŋ kɨbɨn̰ kɨra dan̰ gusi-mɔwa di gumu taa taa nee bɨ. Hɨn̰ gɨ ɨŋ na mara coŋ kalɨn̰ ma, Ɨŋ bee ɨrɨmenɨ can̰.

Gɨye-lɔɔ 2:28

Ji gɨləŋ gɨyəŋ gɨ ni somɨn̰-bɨra dan̰ cɨnɨ bɨ, A tumon̰ le gusi-mɔwa kɨya ƴɔɔ gusɨnɨ nɔm nɔm nee bɨ.”