Gɨye-lɔɔ 18:21 - Gabri Maja

²¹ Pa dɨm ma, ban kɨya sɔ ɔrɛ ƴee na ban yege hɨn̰: «Hɨn̰ gɨ Kumu na gey na, ɨŋ kɨya jɨga gusɨgɨŋ ƴee.» Ban say nayi a boy koburo gɨ gumu taa taa gɨŋ a Epɛs orɨn̰ tɨrga toyi.

Gɨye-lɔɔ 18:21 Referans Kwoze

1 Korɛ̰t 4:19

Ama hɨn̰ gɨ Ba-gulɔŋ na gey na, ɨŋ kɨya jɔgɛ tagɨŋ mɨnde. Kɨɗɨn̰ ga nee le, kan ga ka-dɔgɛ jorgiige tɔgɨ le, ɨŋ kɨya sɔlɛ na kɔl yɔdɨge ƴɔbɨ naŋ, ama na gɨye-lɔɔdɨge.

Magtubu di Jag wal 4:15

Dɔdɨ gɨ kɨŋ ya hɨn̰: «Hɨn̰ gɨ Ba-gulɔŋ na uja sɔmɛ-bɨra toni ƴee na, ni kɨya lɔɔ hɨnga ga kɛ, naŋ le ni kɨya lɔɔ hɨnga ga hɨn̰ wo̰ bɨ.»

Əbɨro 6:3

Kuɗa gɨ ana orgɨŋ dan̰ cɨndɨna tumɔ dan̰ hɨnga ga ni gɨle ga da kalaŋ ga cɨndɨge nadɨrdaŋ. Hɨn̰ gɨ Kumu na gey na, na hɨnga ga nee le ma mana kɨya lɔɔ.

Magtubu di Pol wal bɨn̰ kalaŋ ga Rɔm 15:32

Hɨn̰ wo̰ na, hɨn̰ gɨ Kumu na uja na, ɨŋ kɨya bugoŋ gusɨgɨŋ dan̰ gusi-mɔwa bɨ, ƴomɨn̰ gusɨnɨ danagɨŋ dḛ bɨ.

Magtubu di Pol wal bɨn̰ kalaŋ ga Rɔm 1:10

a boy ɔlɛ hɨnge gɨŋ nɔm bɨ. Ɨŋ woy te ɔlɛ Kumu hɨn̰ gɨ naa kuduroy geye koyi na, ban na hanga gɨyəŋ bəŋ ɗe aŋ na orɨn̰ gusɨgɨŋ.

Gɨye-lɔɔ 20:16

Kɨya wa Pol gey pɨde Epɛs dɨle ɨre dugo, kɨya gɨ ban gey nɨngɨdɨde tɔgɨ a cay gɨsəŋ ga Aji gaŋ naŋ. Kɨya wa ban gey ɔrɛ haw dan̰ cɨndi tumɔ. Bɨ hɨn̰ gɨ na uja na, ban gey bugoŋ a cay ƴaa-di-gumu di Jerusalɛm tumoy wɔlɛ gɨ ni leen̰ kɨdɨrɛ gɨ ni Pantekot.

1 Pɨyɛr 3:17

Kɨya wa wɔɔ cɨn̰-gɨle-cɨn̰ te lɔɔ hɨnga ga ɗari gaŋ dan̰ gɨyəŋ gɨ kuduroy Kumu gey le, golgo tɔgɨ ɗɨn̰ wɔɔ cɨn̰-n̰age te lɔɔ hɨnga ga ɨsɨni gaŋ.

2 Korɛ̰t 13:11

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

1 Korɛ̰t 16:7

Kɨya wa ɨŋ gey sɔ haw kɛ ɔrɛ solgɨŋ dan̰ tɨbanɨ daa ƴɔbɨ naŋ, ama hɨn̰ gɨ Ba-gulɔŋ na hanga gɨyəŋ na ɨŋ ɨrɨm gɨ ni sɔmɛ danagɨŋ ɓale kɔl.

Gɨye-lɔɔ 21:14

Hɨn̰ gɨ ban ba kan̰ jɔɔ kɔl kɨbɨni na, ni laa ləgɨnə toyi naŋ bɨ, ni yey hɨn̰: «Kuɗa gɨ Ba-gulɔŋ laa kuduroy geye koyi.»

Gɨye-lɔɔ 19:21

Kardi hɨngan̰əŋ ga ba lee gusɨge le, Pol ojɨ gaye cay gɨsəŋ ga Masedɨwan bɨ, ga Agay bɨ, andɨn̰ kɨya orɨn̰ jɨn̰ cay ƴaa-di-gumu di Jerusalɛm dɨŋ. Ban ye hɨn̰: «Hɨn̰ gɨ ɨŋ na bugoŋ ni na, naa wa wa kalɨn̰ ma, ɨŋ kɨya ɔrɛ sɔlɛ Rɔm bɨ.»

Gɨye-lɔɔ 15:29

Kuyoŋ gɨ kan dɨɗɨge n̰ɨrɨn̰ge kulan̰əŋ le, kɨŋ ɗɔɔ ba dɔɔ bɨ, kɨŋ ɗɔɔ ba dɔɔ kɨbar bɨ, culom gɨ da kɨmana gɨ asɨri bɨ, kɨŋ ɗɔɔ ba yɔyɛ dan̰ gangɨ caygɨŋ naŋ bɨ. Hɨn̰ gɨ kɨŋ na nara gusɨgɨŋ coŋ cay hɨnga nɔm ga nee le na, kɨŋ lee na hɨnga ga kuɗa. Ni leegɨŋ lapɨya.»

Kɔl-gɨ-Ɗari gɨ Lug wal 9:61

Ungo gɨ pɨna ɗaŋ coŋ yen̰ Jesu hɨn̰: «Ba-gulondɨni, ɨŋ kɨya kɔbɛ kardɨn̰, ama ɗaŋ aŋ or sɔlɛ cɨn̰ kanɨ ban̰ pa dɨm.»

Matɨyo 26:39

Ban dor toyi dḛ walaŋ ɨni na, ban poy gɨbayi dugo bɨrɨŋ gɨ jɨndi ɨsɨbɨ gɨsəŋ bɨ olɨn̰ Kumu ye hɨn̰: «Banɨ, hɨn̰ gɨ gɨyəŋ gɨ ni lɔɔ gɨ ɗe kobo gɨ ni son̰ hɨnga ga ni cɨn̰-n̰age ga kɛ le na ɨra sɛdɨ walaŋ gusɨnɨ coŋ, na wɨya nee na, ji laa gɨ ɗe or walaŋ sɛdɨ gusɨnɨ coŋ. Ama ɗa ɗe woy na hɨn̰ gɨ ji-bandi ji gey, wala na hɨn̰ gɨ ɨŋ-bandi ɨŋ gey wo̰ naŋ.»

Marg 6:46

Kɨɗɨn̰ ga Jesu yen̰ kalaŋ ɗe na orge ɨni na, ban nay a cay garma gɨŋ kɨya ɔlɛ Kumu.

Gɨye-lɔɔ 18:19

Kɨɗɨn̰ ga kan bugoŋge a cay ƴaa-di-gumu di Epɛs dɨŋ ɨni na, Pol ɗe Pɨrisil dan̰ Agilas a nee. Bɨ ban say or duroy ƴaa-daye-di-da-Jubɨn̰əŋ gaŋ arɨn̰ kɔl danage bɨ.

Gɨye-lɔɔ 18:20

Kan ɨngɨrige gɨ ban na sɨma danage lam nee, ama ban kan̰ coŋ.

Gɨye-lɔɔ 18:24

Jubɨ gɨ pɨna wo̰ gɨ gusondi na Apolos ɨrga bugoŋ a cay ƴaa-di-gumu di Epɛs dɨŋ. Kan wooyge na a cay ƴaa-di-gumu di Alegjandɨri dɨŋ. Ban na ungo gɨ orɨn̰ dan̰ jɨba di kɔl bɨ, ban na ungo gɨ sol kɔl gɨ a boy kɔl gɨ woy a duroy Magtubu di da Kumu dɨŋ di kan walge tɔgɨ bɨ.

Gɨye-lɔɔ 19:1

Kɨɗɨn̰ ga Apolos baa a Korɛ̰t ƴee na, Pol gay cay gɨsəŋ ga Aji ga garman̰əŋ kondɨ nee bɨ, ɨrgan̰ bugoŋ a cay ƴaa-di-gumu di Epɛs dɨŋ. Ban way ka-aye-cay-tɨbay Jesu ga pɨna wo̰ a nee.

Gɨye-lɔɔ 19:17

Kalaŋ ga Epɛs nɔm, kalaŋ ga ni Jubɨ bɨ, kalaŋ ga ni Gɨrɛg bɨ, jege kol hɨnga ga ba lee gusɨge le. Kan nɔm hundɔrɔ ƴee gusɨge bɨ, kalaŋ hɨramge guson̰ Ba-gulɔŋ Jesu bɨ.

Gɨye-lɔɔ 21:29

Kan ye kɔl gɨ nee le, na kɨya gɨ kan tumɔ solge Tɨropim gɨ na ungo gɨ Epɛs dan̰ Pol a duroy cay ƴaa-di-gumu dɨŋ bɨ, kan ɨrɨm gɨ Pol na gɨ ɗoyi andaŋ danayi boy ƴaa-di-da-Kumu dɨŋ bɨ.

1 Korɛ̰t 15:32

Wɔrɨn̰ɛ gɨ ɨŋ worɨn̰ dan̰ kɨmɛnɛ a cay ƴaa-di-gumu di Epɛs le, hɨn̰ gɨ ɨŋ na laa naa dan̰ gɨyəŋ gɨ da ɨrɨme gɨ da ungo gɨ ɨndi na kɛ kɨya andaŋ na wa ga? Hɨn̰ gɨ kalaŋ ga mage na kɨya bɔyɛge lɨbe naŋ na ɗa gɨ na da bɨ sa bɨ, kɨya gɨ wan̰do na kɨya mare.

1 Korɛ̰t 16:8

Ama ɨŋ kɨya sɔmɛ a cay ƴaa-di-gumu di Epɛs dɨŋ kɛ bɨrɨŋ gɨsɨn̰ wɔlɛ gɨ da kɨdɨrɛ gɨ ni Pantekot,

Epɛs 1:1

Na ɨŋ-bandi Pol ba wale magtubu di kɛ le. Ɨŋ na ba-gɨre-gɨye gɨ da Jesu-Kɨris, kɨya gɨ na kuduroy geye gɨ da Kumu koyi. Ɨŋ wal magtubu di kɛ le bɨn̰ na kalaŋ ga woyge dan̰ cɨndɨge a cay ƴaa-di-gumu di Epɛs dɨŋ bɨ, ga ɨrege cay tɨbayige dɨŋ dan̰ wɔlɛ pɨna pɨna a te bugoŋ pɨna dan̰ Jesu-Kɨris koge gɨŋ bɨ.

Wasɨn̰a 1:11

Noy ungo le ye hɨn̰: «Hɨnga ga ji ba naa sɨlga dan̰ cɨndɨn̰ le, wala dugo duroy magtubu dɨŋ gɨyɨn̰ bɨn̰ Ka-Daye ga kɨɗɨn̰ jurgum ga a cay gɨsəŋ ga Aji gaŋ: A Epɛs bɨ, Simirnɨ bɨ, Pɛrgam bɨ, Tɨyatir bɨ, Sardɨ bɨ, Piladelpi bɨ, Lawdise bɨ.»

Wasɨn̰a 2:1

Ungo gɨ ɨŋ ba solii le, ye ɗaŋ coŋ ye hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Epɛs dɨŋ. «Ban gɨ ba ƴɔmɛ dɛsɨɗɛŋ ga jurgum a kobi gɨ bara gɨŋ bɨ, gɨ ba gɔrɛ duroy lamban̰əŋ ga jurgum ga leege dan̰ nare gɨ ni lɔr le, ye hɨn̰: