Gɨye-lɔɔ 10:41 - Gabri Maja

⁴¹ Ban gɨl gusi na cɨn̰ kalaŋ nɔm naŋ, ama ban andaŋ na cayni ni-gandi ga ban torni leen̰ tɨmon̰ kayi, ga dii danayi bɨ, sii danayi bɨ, kardi bɔyɛ lɨbe koyi duroy kalaŋ ga madɨrdaŋ gaŋ.

Gɨye-lɔɔ 10:41 Referans Kwoze

Kɔl-gɨ-Ɗari gɨ Ja̰ wal 14:22

Judasɨ, gɨ na Judasɨ Isikarɨyɔt naŋ, yeyi hɨn̰: «Ba-gulɔŋ, lee na mɨna ma ji kɨya gɨlni gusɨn̰ bɨ, ji kɨya gɨlɨn̰ kalaŋ ga a cay gɨsəŋ gaŋ gusɨn̰ naŋ ga?»

Kɔl-gɨ-Ɗari gɨ Ja̰ wal 21:13

Kɨɗɨn̰ ga nee gaŋ le Jesu ɨrga ay mapa gosɨndɨge bɨ, ban lee hɨn̰ wo̰ dan̰ gusa bɨ.

Kɔl-gɨ-Ɗari gɨ Ja̰ wal 14:17

Ban na Turnɔ di da kɔl gɨ cɨndi. Kalaŋ ga a cay gɨsəŋ gaŋ kɨya ɓale ƴomiige gusɨge naŋ. Kɨya wa kan sɨlayige naŋ bɨ, sɨlayige dan̰ cɨndɨge naŋ bɨ. Ama kɨŋ-gandi na, kɨŋ solii kɨya gɨ ban som danagɨŋ bɨ, som kuduroygɨŋ nee bɨ.

Gɨye-lɔɔ 10:39

Gɨye nɔm gɨ ban lee a cay gɨsəŋ ga da Jubɨ gaŋ bɨ, a cay ƴaa-di-gumu di Jerusalɛm dɨŋ bɨ le, ni na tɨmon̰dɨge. Kan gagɨlige a cay sɨya-gɨ-dagɨli gɨŋ ɗeyge ma.

Gɨye-lɔɔ 13:31

Kalaŋ ga gorge dan̰ Jesu saygan̰ge danayi cay gɨsəŋ ga Galile gaŋ ɨrgan̰ge cay ƴaa-di-gumu di Jerusalɛm dɨŋ le, Jesu gɨl gusi bɨge wɔlɛ kondɨ. Haw kɛ na, kan na ka-lɔɔ tɨmon̰ toyi tumoy karɨn̰ Ɨsɨrayɛl.

Gɨye-lɔɔ 1:22

Ayɨn̰ toy a cay batɛm da Ja̰ dɨŋ, bɨrɨŋ gɨsɨn̰ wɔlɛ gɨ Kumu ba ayi duroy nagɨŋ orɨn̰ danayi daa nii le. Ungo gɨ na ba kɨya dorii le, kɨya bɨle tɨmon̰ di da bɔyɛ lɨbe gɨ da Jesu danana.»

Kɔl-gɨ-Ɗari gɨ Ja̰ wal 15:16

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Kɔl-gɨ-Ɗari gɨ Lug wal 24:30

Kɨɗɨn̰ ga ban som dugo danage kɨbɨ dɔɔ gɨŋ na, ban ay dan̰ mapa tor-kɨbi cay nee pa dɨm ma, ƴom boy duroy nee bɨge ƴee.

Kɔl-gɨ-Ɗari gɨ Lug wal 24:48

Kɨŋ na ka-sɔlɛ dan̰ cɨndɨgɨŋ bɨ, ka-yɔɔ kol hɨnga ga nee le nɔm bɨ.

Kɔl-gɨ-Ɗari gɨ Ja̰ wal 14:19

Lam wo̰ nee na, kalaŋ ga cay gɨsəŋ gaŋ kɨya sɔlɔŋ dan̰ cɨndɨge naŋ bɨrɨŋ. Ama kɨŋ na, kɨŋ kɨya sɔlɔŋ dan̰ cɨndɨgɨŋ kɨya gɨ ɨŋ som-bɨra bɨ, kɨŋ kalɨn̰ ma kɨŋ kɨya sɔmɛ-bɨra bɨ.

Kɔl-gɨ-Ɗari gɨ Ja̰ wal 15:27

Kardi nee na, na kɨŋ-gandi ba kɨya lɔɔ tɨmon̰ tɨnge bɨn̰ kalaŋ ga ɗaŋ, kɨya wa kɨŋ ay te gɨye danaŋ bɨrɨŋ gɨsɨn̰ labɨde.»

Gɨye-lɔɔ 1:4

Wɔlɛ gɨ pɨna gɨŋ, kɨɗɨn̰ ga ban som danage kɨbɨ dɔɔ gɨŋ na, ban yege hɨn̰: «Ɗɔɔgɨŋ cay ƴaa-di-gumu di Jerusalɛm coŋ naŋ. Ama sɨmagɨŋ nee, gaman̰gɨŋ hɨnga ga Banɨ ba ye gɨ ɗi na kɨya lɔɔ bɨgɨŋ le, na hɨnga ga kɨŋ ba je koldɨge kɨbɨnɨ tumɔ le.