Gɨye-lɔɔ 10:4 - Gabri Maja

⁴ Kɔrney si cɨndi cay solii gəɗəɗə bɨ, hundɔrɔ leeyi bɨ, lee gɨ ban ye hɨn̰: «Na wa ga Ba-gulɔŋ?» Ba-ƴɔbɛ gɨ daa nii le yey hɨn̰: «Kumu je ɔlɛ kon̰ nɔm bɨ, gey hɨnga kan̰ nɔm ga ji ba lee dan̰ ka-n̰age le bɨ, ban halan̰ gɨybəŋ naŋ bɨ.

Gɨye-lɔɔ 10:4 Referans Kwoze

Pilib 4:6

Sɔlɛgɨŋ hɨnga pɨna naŋ, ama a duroy hɨnga nɔm na, laan̰gɨŋ Kumu ho’o bɨ, ɨren̰gɨŋ dan̰ hɨnga ga kɨŋ or n̰agedɨge a tumoyi dan̰ ɔlɛ bɨ, dan̰ lɔɗɨdɛ bɨ.

Əbɨro 6:10

Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

Gɨye-lɔɔ 10:31

bɨ yəŋ hɨn̰: “Kɔrney, Kumu je ɔlɛ kon̰ bɨ, kuduroyi hala gɨybəŋ cay hɨnga ga ni bee ga ji bɨn̰ ka-n̰age le naŋ bɨ.

Wasɨn̰a 8:4

Kɨɗɨn̰ ga ba-ƴɔbɛ gɨ daa nii ul kɨrbaŋdi hɨnga ga ɗo̰ tɨna ga woy a kobi le na, gusadɨge say cul jɨn̰ daa tumoy Kumu pɨna dan̰ ɔlɛ gɨ da kalaŋ ga woyge dan̰ cɨndɨge le.

Pilib 4:18

Hɨnga ga kɨŋ ba gɨyɨn̰ bəŋ le ɨŋ way nɔm. Hɨnga le ɗɨn̰ cay hɨnga ga n̰agedɨge ləŋ coŋ. Kɨɗɨn̰ ga Epapərodit bəŋ hɨnga ga kɨŋ ba bii ɗe na bəŋ le na, hɨnga nɔm ga n̰agedɨge ləŋ le ɨŋ way. Hɨnga ga kɨŋ ba bəŋ le, woy gɨlɨn̰ hɨn̰ hɨnga ga ni bogɨn̰ kɨbar ga walge bɨn̰ Kumu ga tɨnadɨge ɗo̰ kuɗa bɨ, ga Kumu gey bɨ ƴee cɨndi bɨ.

Əbɨro 13:16

Kɨŋ ɗɔɔ ba hale gɨybəŋ cay lɔɔ ɗarwa naŋ. Jɨbɨgɨŋ te gusɨgɨŋ duroygɨŋ bɨ, kɨya gɨ na hɨnga ga ni bogɨn̰ kɨbar ga hɨn̰ wo̰ le ba-ƴɔɔ cɨn̰ Kumu.

Kɔl-gɨ-Ɗari gɨ Lug wal 1:29

Kɨɗɨn̰ ga Mari je kɔl gɨ nee le ɨni na, kudurɔɔ woy kəgəgə bɨ, hɨndi ɨngɨr guso ye hɨn̰: Kɛ na lapɨya di mɨna ba hɨn̰ wo̰ ga?

Matɨyo 26:13

Aŋ yəgɨŋ daa waŋ na cɨndi: Kɨɗɨn̰ nɔm ga kan kɨya togɨn̰ bɛrnɛ Kɔl-gɨ-Ɗari gɨ kɛ le nee gon̰ cay gɨsəŋ gaŋ na, kan kɨya dɔrɛ kol hɨnga ga tama di kɛ le lee bɨ, kɨya hɨnege caa bɨ.»

Gɨye-lɔɔ 22:10

Kɨɗɨn̰ ga nee gaŋ le, ɨŋ ɨngɨr kɔl ye hɨn̰: “Kɛ ɨŋ gɨ lɔɔ na wa ɨni ga, Ba-gulɔŋ?” Ɨni na, Ba-gulɔŋ jɨga dɨbəŋ cay nee yəŋ hɨn̰: “Saa daa ɨra a Damas. Kɨya wa na a Damas ma kan kɨya yon̰ hɨnga nɔm ga ji kɨya lɔɔ le.”

Kɔl-gɨ-Ɗari gɨ Lug wal 24:5

Hundɔrɔ lee kandɨ le bɨrɨŋ gɨ kan dobɨ cayge dugo. Ama kalaŋ le yege hɨn̰: «Na kɨya wa ma magɨŋ mal ungo gɨ som-bɨra dan̰ cɨndi duroy kalaŋ ga madɨrdaŋ gaŋ ga?

Gɨye-lɔɔ 3:4

Ɨni na, Pɨyɛr dan̰ Ja̰ soliige gəɗəɗə bɨ, yeyge hɨn̰: «Sɨlani kuɗa!»

Gɨye-lɔɔ 14:9

Wɔlɛ gɨ pɨna wo̰ ban som je kɔl gɨ Pol dor. Kɨɗɨn̰ ga Pol solii gəɗəɗə ɨni na, ban sol gɨ ungo gɨ nee le orɨn̰ dan̰ aye kudurɔ gɨ kɨya poɗii.