Gɨye-lɔɔ 10:23 - Gabri Maja

²³ Kɨɗɨn̰di ga nee gaŋ le, Pɨyɛr orɨn̰ danage ƴen̰ bɨ, bɨge kɨɗɨn̰ ga ni won̰. Wan̰dodo ɨni na, ban baa or danage. Karmɨge ga pɨna ga a Jope beeyige orɨn̰ danayi.

Gɨye-lɔɔ 10:23 Referans Kwoze

Gɨye-lɔɔ 11:12

Turnɔ di da Kumu yəŋ ɨŋ na sa ɨra danage dɨle ɗɔɔ ɗugonɨ alaŋ. Karmɨnɨ ga jii ga ba ɨrege kɛ ga ɨŋ ɨrgan̰ danage le bəŋge a Sejare bɨ, ni andaŋ nɔm toni dɨŋ a duroy ƴaa di da Kɔrney dɨŋ bɨ.

Gɨye-lɔɔ 10:45

Duroy ka-aye kudurɔ ga bɨgɨgage Pɨyɛr ga na Jubɨn̰əŋ le, kɔl kayge sɛl sɛl kɨya wa kalaŋ ga toyge na Jubɨ naŋ kalɨn̰ ma wayige Turnɔ ɗe-kuduroy-bɛrɛ di Kumu bee.

1 Pɨyɛr 4:9

Kuɗa gɨ waŋ waŋ kalɨn̰ ma duroygɨŋ, ƴɨma karmii ga ɨrgage gusi dɨle yamɨn̰-kɔl.

Əbɨro 13:2

Ɗɔɔ gɨ kuduroygɨŋ hale gɨybəŋ a cay ƴɔmɛ kɨrge naŋ. Kɨya wa dan̰ gɨyəŋ gɨ da ƴɔmɛ kɨrge le, kalaŋ ga pɨna ƴomge ka-ƴɔbɛ ga daa nii gusɨge dɨle sɔlɛ.

2 Korɛ̰t 8:21

Ni mal lɔɔ hɨnga ga ɗari na cɨn̰ Ba-gulɔŋ ƴɔbɨ naŋ, ama na cɨn̰ kalaŋ bɨ.

Gɨye-lɔɔ 10:33

Kɨɗɨn̰di ga nee gaŋ le bɨ, ɨŋ gɨy kalaŋ kardɨn̰, lee gɨ ji ɨrga na, ji lee na hɨnga ga kuɗa tɔgɨ. Haw kɛ na, ni som nɔm na tumoyi Kumu, kɨya jon̰ kɔl nɔm gɨ Ba-gulɔŋ ba yen̰ gɨ ji na yani le.»

Gɨye-lɔɔ 10:29

Na toy di hɨn̰ wo̰ ma, kɨɗɨn̰ ga kɨŋ ba gɨy karɨnɨ le, ɨŋ ɨrga dɨle gangɨre tonɨ. Ama haw kɛ na yangɨŋ te kɔl gɨ kɨŋ ba gɨyɨn̰ karɨnɨ le.»

Gɨye-lɔɔ 9:42

Kalaŋ ga Jope nɔm jege kol hɨnga ga ba lee gusɨge le, lee gɨ duroyge kondɨ beege kuduroyge cay Ba-gulɔŋ.

Gɨye-lɔɔ 9:38

Ka-aye-cay-tɨbay Jesu ga somge a cay ƴaa-di-gumu di Jope le, jege gɨ Pɨyɛr na woy a cay gɨsəŋ ga Lida gaŋ. Sɔ Lida ɔrɛ Jope na mɨnde. Kan gɨyge kalaŋ sɔɔ ɗe gɨ kan na ɨra yay hɨn̰: «Kɔgɨɗɔ, ɨre haw wayani.»

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Gɨye-lɔɔ 9:36

Ɗe-aye-cay-tɨbay Jesu di pɨna wo̰ som a cay ƴaa di Jope dɨŋ, gusɔndɔ na Tabita. Gusɔndɔ le dan̰ kɨbɨ Gɨrɛg na Dorkas duroy na paya. Tama di nee le lee gɨye gɨ ɗari tɔgɨ bɨ, bɨn̰ ka-n̰age hɨnga tɔgɨ bɨ.

Gɨye-lɔɔ 28:15

Karmɨni ga somge a Rɔm jege koldi ni ɨni na, ga pɨna yalgage cɨndɨni bɨrɨŋ andɨn̰ge kɨɗɨn̰ sugu ga kan teege «Apayus» bɨ, ga ɗaŋ waynige a kɨɗɨn̰ ga teege naa «karɨn̰ ƴaa ga sɨbɨ ga ni ƴomɨn̰ kɨrge» bɨ. Kɨɗɨn̰ ga Pol solge ɨni na, ban leen̰ Kumu ho’o bɨ, ɗugoy ba dugo po̰ bɨ.