Əbɨro 8:2 - Gabri Maja

² A nii le, ban lee gɨye a kɨɗɨn̰ ga woy dan̰ cɨndɨge gaŋ, kɨɗɨn̰ ga nee le ma na ƴaa-di-da-Kumu di leege dan̰ ɓala gɨ hɨnde gɨ ungo gɨ ɨndi ba gaɗe naŋ. Ba-gulondɨna gusi ba gaɗe.

Əbɨro 8:2 Referans Kwoze

2 Korɛ̰t 5:1

Kuyoŋdi-gusɨna na ƴaa tona di a cay gɨsəŋ gaŋ kɛ di woy gɨlɨn̰ hɨn̰ dabaŋ wo̰. Ama na solgɨŋ kuɗa hɨn̰ gɨ ƴaa di nee le na mundoŋ coŋ na, na orɨn̰ dan̰ hɨndi di kɨya sɔmɛ dan̰ tumɔɔ a gɨɗɨgɨ-Kumu gɨŋ. Ƴaa di nee le, na ƴaa di ungo gɨ ɨndi ba lɔɔ dan̰ kobi naŋ, ama na Kumu ba lɔɔ kol cayna.

Magtubu di Pol wal bɨn̰ kalaŋ ga Rɔm 15:8

Aŋ yəgɨŋ, Kɨris bɨle marɨna ba-gɨye gɨ da Jubɨn̰əŋ na kɨya gɨlɨn̰ gɨ Kumu naa ungo gɨ ɨre a cay tɨbayi dɨŋ bɨ, dɨɗɨn̰ kɨbɨ hɨnga ga Kumu ye gɨ ɗi na kɨya bɨn̰ mon̰iige bɨ.

Əbɨro 11:10

Kɨya wa Abɨraham som gam na cay ƴaa-di-gumu di sige tɔɔ osu. Bɨ Kumu na ba ɔjɛ gɨyəŋ gɨ ni gaɗɨn̰ bɨ, ban na ba gaɗedo bɨ.

Əbɨro 10:21

Leen̰ cɨndi, na orɨn̰gɨŋ dan̰ mangɨl gɨ da ka-bɔgɛ kɨbar pɨna gɨ siige a cay ƴaa-di-da-Kumu dɨŋ.

Kɔlɔs 2:11

Dan̰ bugoŋ gɨ kɨŋ bugoŋ pɨna dan̰ Kɨris le, kɨŋ bɨle kalaŋ ga walgege ban̰a. Ɨni na, na wale ban̰a di ungo ba wale dan̰ kobi naŋ, ama na wale ban̰a di Kɨris gusi ba wale. Kɨya dorɨn̰ dɔnɔ di da kuyoŋdi-gusɨna gɨ ɨre orɨn̰ danana ɨsɨna gɨŋ le coŋ.

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Əbɨro 9:1

Saɗe kɨbɨ pɨna ɓɨse gusu gɨ cay wase orɨn̰ dan̰ gasaŋ ga ojɨ cay lɔɔ gɨye bɨn̰ Kumu bɨ, orɨn̰ dan̰ ƴaa-di-da-Kumu di cay gɨsəŋ gaŋ kɛ bɨ.

Əbɨro 10:11

Dan̰ wɔlɛ pɨna pɨna ka-bɔgɛ kɨbar nɔm ɨrege dan̰ tɨbayge daa kɨya loon̰ gɨye koge. Bɨdɨn̰ge Kumu hɨnga ga ni bogɨn̰ kɨbar ga toyge pɨna hage, ga kɨya ɓale dɔrɛ ɨsɨnan̰əŋ naŋ bɨrɨŋ le.

Wasɨn̰a 21:3

Ɨni na, ɨŋ je noy ungo gɨ ye dan̰ togi sayga a cay kali-tɨrɨmbala dɨŋ ye hɨn̰: «Sɨlagɨŋ! Kɨɗɨn̰ sɔmɛ ga da Kumu kɨya wɔyɛ duroy kalaŋ ga ɨndəŋ! Ban kɨya sɔmɛ duroyge bɨ, kan kɨya bɨləŋ te kalaŋ kayi bɨ. Ho’o, Kumu gusi koyi kalɨn̰ ma kɨya sɔmɛ danage bɨ, ban kɨya wɔyɛ na Kumu koge bɨ.