Əbɨro 3:14 - Gabri Maja

¹⁴ Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Əbɨro 3:14 Referans Kwoze

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Əbɨro 6:11

Ama kuduroy geye koni na gɨ waŋ waŋ kalɨn̰ ma duroygɨŋ gusi-hɨmbalayi cɨndi tumɔ tumɔ bɨrɨŋ dɨɗɨn̰ kɨbi. Kɨɗɨn̰ ga nee le, hɨnga ga kɨŋ bee ɨrɨmedɨgɨŋ cay nee gɨ na kɨya ɨrga le, kɨya ɔrɛ kɨɗɨn̰dɨge gaŋ nɔm.

1 Pɨyɛr 4:13

Ama kɨŋ laa gusi-mɔwa kɨya cay cɨn̰-gɨle-cɨn̰ di leegɨŋ hɨn̰ gɨ ba leen̰ Kɨris wo̰ bɨ le. Ɗe wɔlɛ gɨ gusoŋ-tɔgɛ koyi na gɨl gusi doŋ na, gusɨgɨŋ kɨya moogɨŋ bɨ, kɨŋ kɨya tɔgɛ pɨre bɨ.

Əbɨro 12:10

Ban̰an̰nagɨŋ ga cay gɨsəŋ gaŋ kɛ, halnagɨŋge na gɨ ni tɨwa lam wo̰ ƴɔbɨ dan̰ gɨyəŋ gɨ da ɨrɨme gɨ kan ɨrɨm. Ama Kumu halnagɨŋ na kɨya ɗarwa tonagɨŋ ɗe ana na bɨləŋgɨŋ kalaŋ ga woy dan̰ cɨndɨge, hɨn̰ gɨ ban ba won̰ dan̰ cɨndi wo̰ bɨ.

Əbɨro 6:4

Kalaŋ ga asɨn̰a gɨ da Kumu asɨn̰ kɨɗɨn̰ kuduroyge bɨ, wayge ɗarwa di sayga kobɨ Kumu kondɨ bɨ, wayge Turnɔ ɗe-kuduroy-bɛrɛ bɨ le,

Epɛs 3:6

Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

Magtubu di Pol wal bɨn̰ kalaŋ ga Rɔm 11:17

Te wɨn̰je gɨ da Ɨsɨrayɛl woy gɨlɨn̰ na hɨn̰ hɨyadi olibɨye gɨ woy ɨndi gɨ sɨrdɨrdege kobɨn̰i ga pɨna coŋ wo̰. Ji gɨ na Jubɨ naŋ le, ji woy gɨlɨn̰ na hɨn̰ kobɨ hɨyadi olibɨye gɨ caa gɨŋ wo̰. Kan ayɨn̰ge bɨ, sɨlɨyɨn̰ge dan̰ hɨya gɨ woy a ɨndi a ban̰dɨ kobɨn̰i ga sɨdɨrdege coŋ le. Na toy di hɨn̰ wo̰ ma, ji-bandi kalɨn̰ ma, ji kɨya sɔmɛ-bɨra na kɨya cay sarnayn̰əŋ ga ɗadɨrdaŋ dan̰ kobɨn̰i ga baa.

1 Korɛ̰t 10:17

Ho’o, kɨya gɨ mapa di nee le na pɨnaa kəɗ kəɗ bɨ, na-gandi ga dan̰ kondiina le kalɨn̰ ma na bɨləŋgɨŋ na kuyoŋ-gusu gɨ pɨna dan̰ gɨyəŋ gɨ da dɔɔ mapa di pɨnaa kəɗ kəɗ di nee le bɨ.

1 Ja̰ 1:3

Hɨnga ga ni ba sol dan̰ cɨndɨni bɨ, je koldɨge dan̰ sɨmayni bɨ le, ni te bɛrnɛdɨge bɨgɨŋ, kɨya gɨ ni gey gɨ kɨŋ-gandi kalɨn̰ ma kɨŋ na bugoŋ pɨna danani te bugoŋ pɨna gɨ nee gɨŋ le bɨ. Bugoŋ pɨna gɨ na ba orɨn̰gɨŋ le, na bugoŋ pɨna dan̰ Bayna bɨ, dan̰ Kurondi Jesu-Kɨris bɨ.

1 Korɛ̰t 1:30

Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

1 Timote 6:2

Kan ga ka-gulondɨge na ka-aye kudurɔ le, ɗɔɔ gɨ kan ɗɔɔ gusɨge kardi tɔgɛ gɨ na teen̰ gusɨnagɨŋ karme bɨ, kan̰ɨn̰ hɨndarɨn̰ turnoy ka-gulondɨge le naŋ bɨ. Ama kɨɗɨn̰ ga kan ga kan lee gɨye bɨge le, naa ka-aye kudurɔ bɨ, ka-wandɨ bɨ le, kuɗa gɨ kan laa gɨye kuɗa ɗɨn̰ gɨ tumɔ coŋ, bɨge. Na hɨnga ga nee le ma kuɗa gɨ ji tɨraban̰ kalaŋ bɨ, dɨbage bandɨ kuduroyge, ɗe ayge leen̰ gɨye bɨ.

1 Korɛ̰t 9:23

Ɨŋ lee hɨnga ga nee le nɔm na kɨya cay Kɔl-gɨ-Ɗari ɗe aŋ na wan̰ ɗarwa di woy a boy nee le.

Magtubu di Pol wal bɨn̰ kalaŋ ga Rɔm 11:22

Ɨrɨm a cay ɗarwa di da Kumu dɨŋ bɨ, a cay osɨwa koyi gɨŋ bɨ. Ban gɨl osɨwa koyi dan̰ kalaŋ ga andaŋge a te gɨyəŋ gɨŋ coŋ, ama ban sol cɨn̰-n̰age ton̰ tɔgɨ kɨɗɨn̰ ga ji na sɨma usa a te ɗarwa toyi dɨŋ. Hɨn̰ gɨ ji na ɨr usa cay nee naŋ na, ji-bandi kalɨn̰ ma kan kɨya sɨrɨn̰ coŋ bɨ.

Əbɨro 11:1

Aye kudurɔ le na hɨnga ga ungo sol leen̰ cɨndi gɨ hɨnga ga ban ba bee ɨrɨmedi cay nee le, ɗi na kɨya wɔɔ. Hɨnga ga ungo baa sɔlɛ dan̰ cɨndi le, woy nee leen̰ cɨndi jɛɗɨ jɛɗɨ.