Əbɨro 11:16 - Gabri Maja

¹⁶ Leen̰ cɨndi na, kan geyge na cay gɨsəŋ ga kuɗa ɗɨn̰ kan ga kan ba say ɗe coŋ orɨn̰ge a gɨɗɨgɨ-Kumu gɨŋ. Na toy di hɨn̰ wo̰ ma, hɨn̰ gɨ kan na tɨga Kumu naa Kumu koge na, Kumu dasi dayi naŋ. Kɨya wa ban ƴom cay tɨbay cay ƴaa-di-gumu kol cayge.

Əbɨro 11:16 Referans Kwoze

Əbɨro 13:14

Kɨya wa a cay gɨsəŋ gaŋ kɛ le, na ɨran̰ dan̰ cay ƴaa di kɨya sɔmɛ dan̰ tumɔɔ naŋ. Ama na malgɨŋ na cay ƴaa-di-gumu di kɨya caga ƴee.

Əbɨro 11:10

Kɨya wa Abɨraham som gam na cay ƴaa-di-gumu di sige tɔɔ osu. Bɨ Kumu na ba ɔjɛ gɨyəŋ gɨ ni gaɗɨn̰ bɨ, ban na ba gaɗedo bɨ.

Pilib 3:20

Ama na-gandi na, na na kalaŋ ga cay ƴaadɨna na a gɨɗɨgɨ-Kumu gɨŋ. Gɨɗɨgɨ-Kumu na kɨɗɨn̰ ga ba-pɔɗɛ kalaŋ Ba-gulondɨna Jesu-Kɨris gɨ na ba som gamii le, kɨya sayga nee ɨrga a cay gɨsəŋ gaŋ.

Kɔl-gɨ-Ɗari gɨ Ja̰ wal 14:2

Kɨɗɨn̰ sɔmɛ kondɨ woy a duroy ƴaa di da Banɨ dɨŋ. Tumɔ naa hɨn̰ wo̰ naŋ na, ɨŋ ni kɨya yəgɨŋ daa waŋ. Ɨŋ or na kɨya n̰ane kɨɗɨn̰ kɨya caygɨŋ.

Əbɨro 2:11

Jesu ba dorɨn̰ kalaŋ mɨra te ɨsɨna koge gɨŋ bɨ, kan ga ban dorge mɨra te ɨsɨna koge gɨŋ bɨ le, kan nɔm toge dɨŋ bayge na pɨna. Na toy di hɨn̰ wo̰ ma, dasi dayi di ni togɨge karmii ga ban̰aŋ dan̰ ga kandɨ naŋ.

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Əbɨro 12:22

Ama kɨŋ-gandi na, kɨŋ sɨygɨ na gasɨbi garma gɨ Sin̰o gɨŋ bɨ, na gasɨbi cay ƴaa-di-gumu da Kumu gɨ som-bɨra dan̰ tumoyi bɨ, dan̰ Jerusalɛm di gɨɗɨgɨ-Kumu gɨŋ bɨ, dan̰ ka-ƴɔbɛ ga daa dubu-dubu ga dayaŋge nee kɨya leen̰ kɨdɨrɛ bɨ.

Əbɨro 11:14

Na cɨndi, kalaŋ ga yege kɔl hɨn̰ wo̰ na, kan gɨl doŋ yarara gɨ ke na mal naa cay gɨsəŋ kage ga ni somɨn̰ nee.

2 Timote 4:18

Ba-gulɔŋ kɨya bɔɗɔŋ duroy hɨnga nɔm ga ɨsɨnde gaŋ coŋ bɨ. Ban kɨya pɔɗɔŋ kɨya cay dɔɔ-ƴaa toyi di daa nii bɨ. Gusoŋ-tɔgɛ na koyi, ɨlge dan̰ ɨlge! Ɗa-ɗe-woy-hɨn̰-wo̰.

Marg 8:38

Hɨn̰ gɨ ungo na da dasi kol canɨ kɨɗɨn̰ ga kan na tɨga gusonɨ bɨ, kɨɗɨn̰ ga kan na dɨra kɔl hɨnge duroy te kalaŋ ga a boy ɨlge gɨ na ba somɨn̰ nee gɨŋ kɛ, ga na ka-yɔyɛ kandɨ wala ban̰aŋ da kamdɨge bɨ, ka-lɔɔ ɨsɨna bɨ na, ɨŋ-bandi Kurɨn̰-ungo le kalɨn̰ ma ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a di da Banɨ bɨ, dan̰ ka-ƴɔbɛ ga daa nii ga woyge dan̰ cɨndɨge bɨ.»

Gɨye-lɔɔ 7:32

“Ɨŋ na Kumu gɨ da mon̰iigɨŋ bɨ, Kumu gɨ da Abɨraham bɨ, Isag bɨ, Jagob bɨ.” Kɨɗɨn̰ ga ban ba je kɔl gɨ nee le hɨn̰ wo̰ na, gusi n̰orii jag jag dan̰ hundɔrɔ bɨ, tabɨlaŋdi sɔlɛ kɨɗɨn̰ ga tɨwa ba ƴee nee le laayi naŋ bɨrɨŋ, kɨya cay hundɔrɔ.

Kɔl-gɨ-Ɗari gɨ Lug wal 12:32

«Ay gamge kange ga lagɨɗe, hundɔrɔ gɨŋ naŋ! Kɨya wa Baygɨŋ ay noyi gɨ ɗi na kɨya bɨgɨŋ dɔɔ-ƴaa toyi.

Marg 12:26

Kɔl gɨ ojɨ cay kalaŋ ga kɨya bɔyɛ lɨbe le, kɛ kɨŋ hal gɨybəŋ a cay kɔl gɨ kɨŋ ɗongɨsɨ a duroy magtubu di da Moyis dɨŋ le ga? Ɨrɨmgɨŋ a cay kɔl gɨ ojɨ cay hɨya gɨ gɔju gɨ ƴee tɨwa le. A kɨɗɨn̰ ga nee gaŋ le, Kumu yeyi hɨn̰: “Ɨŋ-bandi ɨŋ na Kumu gɨ da Abɨraham bɨ, Kumu gɨ da Isag bɨ, Kumu gɨ da Jagob bɨ.”

Kɔl-gɨ-Ɗari gɨ Lug wal 20:37

Kɔl gɨ ojɨ cay kalaŋ ga kɨya bɔyɛ lɨbe a duroy kalaŋ ga madɨrdaŋ le, Moyis kalɨn̰ ma, wasɨn̰ cayi a duroy magtubu dɨŋ, ojɨn̰ cay hɨya gɨ gɔju gɨ ƴee tɨwa, kɨɗɨn̰ ga ban ba te Ba-gulɔŋ, Kumu gɨ da Abɨraham bɨ, Kumu gɨ da Isag bɨ, Kumu gɨ da Jagob bɨ.

Əbɨro 10:34

Kɨya wa gɨ kɨŋ sol cɨn̰-n̰age da kan ga kan ƴomgege dangay dɨŋ bɨ, kɨŋ jɨbɨ toyge daa bɨ. Kɨɗɨn̰ ga kalaŋ donge hɨnga wɔɔdɨgɨŋ na, kɨŋ lee gusi-mɔwa kɨya gɨ kɨŋ sol gɨ kɨŋ na orɨn̰ dan̰ hɨnga wɔɔ ga kuɗa cɨla ɗɨn̰ na woy tumoygɨŋ, hɨnga ga ni wɔɔ ga nee le, kɨya wɔyɛ dan̰ tumoyge.

Əbɨro 11:40

Kɨya wa ayɨn̰ toy tumɔ hayi Kumu ojɨ hɨnga ga kuɗa ɗɨn̰ kol cay nagɨŋ. Na toy di hɨn̰ wo̰ ma, ban gey gɨ kalaŋ ga nee le na bɨləŋge kuɗa duroŋ cɨrɛɗ dɨle na-gandi naŋ. Ama ban gey gɨ na na bugoŋgɨŋ pɨna a nee.

Wasɨn̰a 21:2

Ɨni na, ɨŋ sol cay ƴaa-di-gumu di woy dan̰ cɨndo di na Jerusalɛm di hɨrɨwa le, sayga gɨɗɨgɨ-Kumu a gusi Kumu gɨsɨngɨ dugo. Hɨndi lee marna tɔgɨ hɨn̰ tɨmbali di n̰an guso kɨya gorɨn̰ ƴaa dan̰ kudurɔɔ wo̰.