Əbɨro 10:29 - Gabri Maja

²⁹ Kɛ kɨya osɨwa cɨla coŋ kɨya ungo gɨ ba hagɨre Kurɨn̰-Kumu naŋ ga? Kɨya wa kɨbardi Jesu gɨ Kumu leen̰ saɗe kɨbɨ pɨna ɓɨse gusu gɨ hɨrɨwa le, ungo le sol leen̰ hɨnga ga kalɨn̰ wo̰ dugo. Na kɨbar gɨ nee le ba lɔɔ gɨ ungo gɨ nee le, bɨlɨn̰ ungo gɨ woy dan̰ cɨndi. Bɨ ban say yagɨde Turnɔ di da Kumu di lee gɨ ban sol ɗarwa toyi le. Na cɨndi, ojɨ gɨ ungo gɨ nee le, na waa cɨn̰-gɨle-cɨn̰ gɨɗaŋ cɨla coŋ.

Əbɨro 10:29 Referans Kwoze

Əbɨro 6:6

Ma hɨn̰ wo̰ kalɨn̰ ma, hɨn̰ gɨ kalaŋ ga nee le na ɗage aye kudurɔ coŋ na, gɨyəŋ gɨ kan kɨya jɨgan̰ danage ɗe na bɨlɨn̰ge gɨye-lɔɔdɨge unɔ ɨni. Kɨya wa kalaŋ ga nee le, woy hɨn̰ gɨ kan gusɨge gaŋ na jɨgage gagɨl Kurɨn̰-Kumu a cay sɨya-gɨ-dagɨli gɨŋ ɗaŋ bɨ, wariige cɨn̰ kalaŋ ɗe na dɨbɨge dasi di gumu cayi a cɨn̰ kalaŋ wo̰ bɨ.

Epɛs 4:30

Yɔɔgɨŋ kɔl gɨ ɨsɨni naŋ, kɨya wa kɔl gɨ ɨsɨni le leen̰ dan̰ Turnɔ ɗe-kuduroy-bɛrɛ di Kumu ɗo gusɨnagɨŋ le, cɨn̰-n̰age. Hɨndi na hɨnga ga Kumu jɨbɨ gusɨgɨŋ gɨlɨn̰ gɨ kɨŋ naa kayi bɨ, gɨlɨn̰ gɨ wɔlɛ gɨ ɗaŋ gɨŋ na, Kumu na kɨya ɨrga pɔɗɨnagɨŋ yɔd bɨ.

1 Korɛ̰t 11:27

Na toy di hɨn̰ wo̰ ma ungo gɨ na da mapa wala sa hɨnga ga a bon̰ kobo gɨ ni nare gɨ da Ba-gulɔŋ dan̰ hal gɨ kuɗa gɨ ni dɨn̰ naŋ bɨ son̰ naŋ bɨ na, bɔyɛ kɔl kɨya ƴɔmɛ cayi kɨya wa ban hagɨr kuyon̰ Ba-gulɔŋ bɨ kɨbardi bɨ.

Kɔl-gɨ-Ɗari gɨ Lug wal 12:10

«Waŋ waŋ gɨ na ya kolnɨ ɨŋ-bandi Kurɨn̰-ungo ɨsɨn na, Kumu kɨya ɗɔɔ kuduroy jalɨwa a cayi, ama waŋ waŋ gɨ na yagɨda Turnɔ ɗe-kuduroy-bɛrɛ na, Kumu kɨya ɗɔɔ kuduroyi jalɨwa a cayi naŋ bɨrɨŋ.

Əbɨro 2:3

Pɔɗɛ gɨ gumu gɨ nee le, hɨn̰ gɨ na na sɨla laan̰ hɨnga naŋ na, kɛ kɔl gɨ ƴɔmɛ cayna naŋ na mɨna ga? Pɔɗɛ gɨ gumu gɨ nee le, Ba-gulɔŋ ban gusi koyi ay te tɔgɛ bɛrnɛdi tumɔ pa dɨm ma, kan ga jege koldi dan̰ sɨmayge yenige, lee gɨ or kɨɗɨn̰di gaŋ.

Gɨye-lɔɔ 7:51

Bɨ Etɛn ye ɗaŋ coŋ ye hɨn̰: «Kɨŋ ka-cay osɨwa, ɗugoygɨŋ bɨ, sɨmaygɨŋ bɨ, lugdəŋ daa. Kɨŋ na ka-geye kɔl gɨ da Turnɔ ɗe-kuduroy-bɛrɛ naŋ dan̰ wɔlɛ pɨna pɨna. Kɨŋ gɨlɨn̰ hɨn̰ mon̰iigɨŋ wo̰ dɛj dɛj.

Əbɨro 12:25

Hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ. Kɨŋ ɗɔɔ ba kan̰e jɔɔ kɔl gɨ da ban gɨ ba-yɔɔ kɔl danagɨŋ le naŋ. Kɨya wa Moyis sogɨ sɨmay karɨn̰ Ɨsɨrayɛl a cay gɨsəŋ gɨŋ kɛ, ama kan ga kan̰ge jɔɔ kɔl koyi le wayge hale. Koni ni-gandi na Kumu som na gɨɗɨgɨ-Kumu gɨŋ yen̰ kɔl danani. Hɨn̰ gɨ ni na bɨl kardɨni bii na, kɛ ni kɨya wɔɔ wɨdɨlde gɨ ɗɨn̰ a wɔlɛdi gɨ nee gɨŋ le naŋ ga?

Əbɨro 9:13

Tumɔ kalaŋ ga mɨdagɨdaŋge tumoyi Kumu le, kan dorge mɨra na dan̰ wɨje gɨ da kɨbardi kuga bɨ, si gɨ bara bɨ, bundudi si di tama di ulge bɨ.

1 Korɛ̰t 11:29

Kɨya wa waŋ waŋ gɨ na da bɨ sa bɨ dɨle dorɨn̰ cɨn̰ kuyon̰ Ba-gulɔŋ na, hɨnga ga ban di bɨ si bɨ le na bɔyɛ kɔl gɨ ban boy a cay gusi koyi gɨŋ.

Əbɨro 6:4

Kalaŋ ga asɨn̰a gɨ da Kumu asɨn̰ kɨɗɨn̰ kuduroyge bɨ, wayge ɗarwa di sayga kobɨ Kumu kondɨ bɨ, wayge Turnɔ ɗe-kuduroy-bɛrɛ bɨ le,

Əbɨro 2:11

Jesu ba dorɨn̰ kalaŋ mɨra te ɨsɨna koge gɨŋ bɨ, kan ga ban dorge mɨra te ɨsɨna koge gɨŋ bɨ le, kan nɔm toge dɨŋ bayge na pɨna. Na toy di hɨn̰ wo̰ ma, dasi dayi di ni togɨge karmii ga ban̰aŋ dan̰ ga kandɨ naŋ.

Kɔl-gɨ-Ɗari gɨ Ja̰ wal 17:19

Ɨŋ ay gusɨnɨ hɨnge ɨŋ-bandi si dan̰ cɨndi kɔl cayge, ɗe gɨ kan kalɨn̰ ma na wɨyage dan̰ cɨndɨge dan̰ gɨyəŋ gɨ da kɔl gɨ cɨndi bɨ.»

Matɨyo 7:6

«Kɨŋ ɗɔɔ ba dɨbe hɨnga ga woy dan̰ cɨndɨge bɨn̰ gaye naŋ bɨ, kɨŋ ɗɔɔ ba dɨbe mon̰ kogɨŋ dugo tumoy gɔsɨyɔŋn̰əŋ naŋ bɨ, naŋ na kan da ɗɔdɨrdɛ dugo bɨ, bɨləŋge caygɨŋ bɨ sagɨdɨgɨŋge bɨ.

Əbɨro 13:20

Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.

Kɔl-gɨ-Ɗari gɨ Ja̰ wal 10:36

Banɨ ba dɔrɔŋ gɨyigəŋ a cay gɨsəŋ gaŋ. Na mɨna ma magɨŋ yəŋ gɨ ɨŋ na yagɨde naa Kumu, kɨya gɨ ɨŋ ye gɨ ɨŋ naa Kurɨn̰-Kumu le ga?

Əbɨro 9:20

Ban ye hɨn̰: «Gɨ ba kɛ le, na kɨbar gɨ ni saɗe kɨbɨ pɨna ɓɨse gusu gɨ Kumu ay noy koldi gɨ kɨŋ na bɨga kɔl cay nee.»

1 Korɛ̰t 15:25

Kɨya wa naa wa wa kalɨn̰ ma ojɨ gɨ ban na da dɔɔ-ƴaa bɨrɨŋ gɨsɨn̰ gɨ Kumu na bɨl ka-baadi nɔm laan̰ hɨnga ga ban kɨya bogɨn̰ gondii cay nee.

Magtubu di Pol wal bɨn̰ kalaŋ ga Rɔm 16:20

Baa mɨnde gɨ Kumu gɨ ba-bee gusi-dɔbɛ kɨya rade cay Sidan a te tɨbayigɨŋ dɨŋ dugo. Kuɗa gɨ ɗarwa di da Ba-gulondɨna Jesu baa danagɨŋ.

Matɨyo 26:28

Kɨya gɨ hɨnga ga kɛ le na kɨbarnɨ, na kɨbar gɨ da saɗe kɨbɨ pɨna ɓɨse gusu gɨ bugoŋ dugo kol cay kondɨwa gɨ da kalaŋ, bɨ ɗe Kumu ɗen̰ kuduroy jal cay ɨsɨnan̰əŋ kage bɨ.

1 Korɛ̰t 15:27

Ho’o: «Kumu dobɨ hɨnga nɔm a te dɔnɔ toy dɨŋ.» Ama kɨɗɨn̰ ga ban ye hɨn̰ ban na dobɨ hɨnga nɔm a te dɔnɔ toy dɨŋ na, ban Kumu gusi na a te dɔnɔ toy dɨŋ naŋ. Gɨ nee le woy doŋ arɨn̰ carara.

Marg 7:2

Kan solge ka-aye-cay-tɨbayi ga pɨna diige dɔɔ dan̰ kobɨge gɨ mɨdagi, kɨya wa kan pɨl kobɨge dan̰ gɨyəŋ gɨ da hada naŋ.

1 Korɛ̰t 6:11

Ama kalaŋ ga pɨna duroygɨŋ, tumɔ na kalaŋ ga hɨn̰ wo̰. Ama kɨŋ le pɨlge ɨsɨna togɨŋ coŋ bɨ, kɨŋ le dorgɨŋge sɨgɨŋ dan̰ cɨndɨgɨŋ bɨ, kɨŋ le ləgɨŋge gɨ kɨŋ bɨle kalaŋ ga dan̰ durɔ ɗɨngar na dan̰ guson̰ Ba-gulɔŋ Jesu-Kɨris bɨ, na dan̰ gɨyəŋ gɨ da Turnoy Kumu kona bɨ.

Epɛs 5:26

Ban lee hɨn̰ wo̰ ay na ɗege dan̰ cɨndɨge bɨn̰ Kumu. Ban dorge mɨra ɗege arɨn̰ dan̰ kaŋ bɨ dan̰ kɔl koyi bɨ.

Əbɨro 4:14

Naa hɨn̰ wo̰ na, kuɗa gɨ ɗe ana ƴom aye kudurɔ gɨ na ba ye koldi le osu. Kɨya wa na orɨn̰ dan̰ mangɨl gɨ da ka-cay ka-bɔgɛ kɨbar gɨ gumu. Mangɨl gɨ da ka-cay ka-bɔgɛ kɨbar gɨ nee le, na Jesu, Kurɨn̰-Kumu gɨ gay gɨɗɨgɨ-Kumu orɨn̰ bɨrɨŋ andɨn̰ gusi Kumu.

Əbɨro 10:10

Jesu-Kɨris lee hɨnga ga kuduroy Kumu gey ɗəndəŋ. Kuyoŋdi-gusi gɨ ban ay been̰ kɨbar cay pɨna ɗɔɔ dan̰ cɨndi le, dorna mɨra te ɨsɨna gɨŋ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.