2 Timote 4:2 - Gabri Maja

² Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

2 Timote 4:2 Referans Kwoze

1 Tesalonigɨ 5:14

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ ɗala ka-dabɨr bɨ, dɨbagɨŋ bandɨ kuduroy ka-hundɔrɔ bɨ, jɨbgɨŋ te kan ga togɨyge unɔ bɨ. Dɨbgɨŋ ɗugoygɨŋ cay kalaŋ nɔm bɨ.

Titɨ 2:15

Sɨla! Hɨnga ga ojɨ gɨ ji kɨya gɨlɨn̰ kalaŋ ba kɛ: Dɨbage bandɨ kuduroyge bɨ, ji orɨn̰ dan̰ dɔnɔ cayge gɨ ni ɗalge kɨya gɨye-lɔɔdɨge bɨ. Ɗɔɔ ungo pɨna wo̰ hagɨrɨn̰ naŋ bɨ.

1 Timote 4:13

Ɗa gusɨn̰ a kɨbɨ ɗɔngɨsɛ Magtubu di da Kumu di kan walge tumoy kalaŋ bɨ, kɨbɨ gɨlɨn̰ kalaŋ kɔl bɨ, kɨbɨ bɔgɛ kɔl gɨ ɗari kuduroy kalaŋ bɨ, bɨrɨŋ gɨsɨn̰ gɨ ɨŋ kɨya cagan̰.

Wasɨn̰a 3:19

Ɨŋ-bandi na kalaŋ nɔm ga ɨŋ geyge le, ɨŋ halge bɨ ɨŋ ɗalge bɨ. Na toy di hɨn̰ wo̰ ma, laagɨŋ gusi-hɨmbalwa a te kɔl hɨnge gɨŋ bɨ, bɨlgɨŋ haldɨgɨŋ bɨ.

Titɨ 1:13

Na kɔl gɨ cɨndi ma mani ye. Na toy di hɨn̰ wo̰ ma sayan̰ danage ɗe aye kudurɔ koge woy dan̰ durɔ ɗɨngar,

2 Timote 2:21

Ungo gɨ na dɨran̰ gusi mɨra kɨya cay kɨni gɨ nee le na, ban kɨya bɨləŋ na kɔjɛ ga woy kɨya gɨye gɨ da wɔlɛ gɨ ni kɨdɨrɛ bɨ, gɨ doriige sige dan̰ cɨndi bɨ, gɨ woy na kɨya loon̰ gɨye gɨ da Ba-gulondi gɨ ƴomge cay tɨbayi kuɗa ojɨn̰ cay gɨye nɔm gɨ kuɗa bɨ.

Galad 6:6

Hɨn̰ gɨ ungo na ɨr gɨlgɨŋ kɔl gɨ da Kumu na, ojɨ gɨ kɨŋ ga ka-jɔɔ kɔl gɨle koyi le, kuɗa gɨ kɨŋ dɨra kɨway hɨnga wɔɔdɨgɨŋ bii.

Magtubu di Pol wal bɨn̰ kalaŋ ga Rɔm 12:12

Kuɗa gɨ kɨŋ laa gusi-mɔwa a cay ɨrɨmedɨgɨŋ gɨ kɨŋ bee a cay Kumu bɨ, dɨbɨgɨŋ ɗugoygɨŋ duroy hɨnga ga ni cɨn̰-kula gaŋ bɨ, ulagɨŋ Kumu daa daa dɨle gusi-mare bɨ.

2 Timote 3:10

Ama ji-bandi na, ji ay kardi hɨnga gɨle ga ɨŋ gɨlɨn̰ kalaŋ le bɨ, halnɨ bɨ, hɨnga ga ɨŋ ojɨ ga ni lɔɔ bɨ, aye kudurɔ hɨnge bɨ, dɨbe-ɗugɔ tɨnge bɨ, wandɨ tɨnge bɨ, kɨɗɨn̰ haye-kudurɔ kange bɨ.

1 Timote 5:20

Kan ga ba leege hɨnga ga ɨsɨni le, ji ɗalage cɨn̰ kamdɨge nɔm, ɗe toyge ga baa hɨndarge.

Kɔlɔs 1:25

Ɨŋ bɨle ba lɔɔ gɨye gɨ da Ka-Daye, na kɨya loon̰ gɨye gɨ Kumu ba bəŋ kɔbɔŋ kol caygɨŋ. Gɨye gɨ nee le, na tɔgɛ bɛrnɛ di da kɔl gɨ da Kumu gɨ ban bəŋ kɔbɔŋ ɗəndəŋ bɨgɨŋ.

Magtubu di Pol wal bɨn̰ kalaŋ ga Rɔm 10:15

Hɨn̰ gɨ ungo na ƴɨba kalaŋ naŋ na, kɛ kan kɨya ɔrɛ tɔgɛ bɛrnɛ Kɔl-gɨ-ɗari na mɨna ga? Kɨya wa Magtubu di da Kumu ye hɨn̰: «Sɔlɛ ka-tɔgɛ bɛrnɛ Kɔl-gɨ-Ɗari a te ɨrgadɨge gɨŋ le, naa hɨnga ga kuɗa sɔlɛ tɔgɨ.»

Gɨye-lɔɔ 20:7

Ni dayaŋ dan̰ wɔlɛ gɨ ni dɨmasɨ kɨbɨ hɨnga ga ni dɔɔ ga da Ba-gulɔŋ gaŋ, kɨya doon̰ mapa pɨna ɨni na, Pol say dor kɔl bɨn̰ kalaŋ ga dayaŋ le bɨrɨŋ andɨn̰ duroy kɨɗɨn̰, kɨya wa ban gey ɔrɛ tɨrga dan̰ jogɨɗɨ.

Gɨye-lɔɔ 16:13

Dan̰ wɔlɛ gɨ ni dɔrɛ gɨlale gɨ da Jubɨ na, ni andaŋ ɗe cay ƴaa-di-gumu coŋ bɨ, or cɨndɨni jɨn̰ kɨbɨ kuray gɨ pɨna wo̰ gɨŋ, na kɨɗɨn̰ ga ni ɨrɨm gɨ ni na kɨya wɔɔ kɨɗɨn̰ ga ni ɔlɛ Kumu ga da Jubɨ nee. Ni say som dugo bɨ, yen̰ kandɨ ga ɨrgage dayaŋge a kɨɗɨn̰ ga nee gaŋ le kɔl.

Kɔl-gɨ-Ɗari gɨ Lug wal 9:60

Jesu jɨga dɨbii cay nee hɨn̰: «Ɗa kalaŋ ga woyge hɨn̰ kalaŋ ga madɨrdaŋ wo̰ tumoy Kumu le, ɗe ɨmgege tɨma toge. Ama ji bandi na, ji ɨra tɔgɛ bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨn̰ kalaŋ.»

Kɔl-gɨ-Ɗari gɨ Lug wal 7:4

Kan bugoŋge gusi Jesu ɨni na, kan oliige dan̰ kaŋdi cɨndɨge yeyge hɨn̰: «Ungo le, ojɨ gɨ ji gɨ lɔɔ hɨnga ga ban ɨngɨrɨn̰ le bii han̰.

1 Tesalonigɨ 5:20

Kan ga sayge duroygɨŋ bɨ yege gɨ, kɔl gɨ ke na ye naa kɔl-gɨ-Kumu-ba-yɔɔ le, sɔlɛgɨŋ kɔl koge leen̰ hɨnga ga kalɨn̰ wo̰ dugo naŋ,

Kɔl-gɨ-Ɗari gɨ Lug wal 7:23

Tumoy wolwa woy kɨya cay ungo gɨ ɨŋ narayi bɔgɛ kuduroy a cay Kumu naŋ.»

2 Timote 2:25

Ban kɨya hale ka-jɨbe kɔl kɨbi coŋ le, dan̰ kaledi ga jal jɔm. Gajanaŋ Kumu da lɔɔ gɨ kan da bɨle gɨye-lɔɔdɨge bɨ, sɔlɛ kɔl gɨ cɨndi bɨ.

Əbɨro 13:22

Ay! Karmɨnɨ ga ban̰aŋ dan̰ ga kandɨ, ɨŋ olgɨŋ gɨ kɨŋ ƴa kɔl gɨ ɨŋ ba gɨyɨn̰ bɨgɨŋ kɨya dobɨn̰ bandɨ kuduroygɨŋ le, dan̰ dɨbe-ɗugɔ. Ɨŋ wal kɔl bɨgɨŋ na dḛ wo̰ ƴɔbɨ.

Gɨye-lɔɔ 28:16

Kɨɗɨn̰ ga ni bugoŋ a Rɔm ɨni na, ɗege gɨyəŋ bɨn̰ Pol gɨ ban na ɨra sɔmɛ kan̰di a duroy ƴaa dɨŋ, ama kan ɗege asɨgar pɨna danayi gɨ ba-ame kɨbi.

Gɨye-lɔɔ 13:5

Kɨɗɨn̰ ga kan gɨsɨnge a cay ƴaa-di-gumu di Salamin dɨŋ ɨni na, kan teege bɛrnɛ di da kɔl gɨ da Kumu duroy ƴaa-daye-di-da-Jubɨn̰əŋ dɨŋ bɨ. Kan orɨn̰ge dan̰ Ja̰ Marg kobɨge ɗe na awnɨge.

Kɔlɔs 4:3

Ulayigɨŋ kol cayni bɨ. Ulagɨŋ Kumu ɗe haŋgɨ gɨyəŋ gɨ da tɔgɛ bɛrnɛ a tumoyni ɗe ani teen̰ bɛrnɛ gɨ da hɨnga ga woy a kɨɗɨn̰ wɔsɛdɨge gaŋ ojɨn̰ cay Kɨris, gɨ ɨŋ won̰ dangay dɨŋ koldi le bɨn̰ kalaŋ.

1 Tesalonigɨ 1:6

Kɨŋ bɨle ka-aye-cay-tɨbayni bɨ, ka-aye-cay-tɨbay Ba-gulɔŋ bɨ. Kɨɗɨn̰ ga kalaŋ dosɨde ɗugoygɨŋ gɨɗaŋ kalɨn̰ ma, kɨŋ ƴom kɔl gɨ da Kumu gusɨgɨŋ dan̰ gusi-mɔwa di sayga gusi Turnɔ ɗe-kuduroy-bɛrɛ.