2 Pɨyɛr 2:3 - Gabri Maja

³ Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.

2 Pɨyɛr 2:3 Referans Kwoze

2 Korɛ̰t 2:17

Kalaŋ kondɨ ayge kɔl gɨ da Kumu leen̰ge hɨnga ga ni gɨyaw, ama ni-gandi ni laa hɨn̰ wo̰ naŋ. Dan̰ bugoŋ gɨ ni bugoŋ pɨna dan̰ Kɨris le, ni dor kɔl gɨ sayga gusi Kumu dɨle orɨn̰ dan̰ ɨrɨme gɨ ɗaŋ a kuduroyni tumoy Kumu.

1 Tesalonigɨ 2:5

Hɨn̰ gɨ kɨŋ ba sol le, ni ya na kɔl gɨ ɗe na or te teɗiigɨŋ naŋ bɨrɨŋ bɨ, kɔl yɔ dɨni gɨl gɨ ni na mala naa kandi-wɔɔ kol cayni naŋ bɨrɨŋ bɨ, Kumu na tɨmon̰ koni.

Magtubu di Pol wal bɨn̰ kalaŋ ga Rɔm 16:18

Na cɨndi, kalaŋ ga nee le, laage gɨye bɨn̰ na Ba-gulondɨna Kɨris naŋ, ama leege gɨye bɨn̰ na kuduroyge ƴɔbɨ. Kalaŋ ga hɨnga-sɔlɛ kage baa gɨyəŋ le, kan nadɨrdɨge dan̰ kɔl ga mɔɔ bɨ, ga ni narɨn̰ cɨn̰-kɨɗɨn̰ bɨ.

Magtubu di Jud wal 1:15

kɨya bon̰ kɔl cay kalaŋ nɔm bɨ ɗe kɔl na ƴom cay ka-kuduroy-ɨndɨwa nɔm ojɨn̰ cay ɨsɨna gɨ ani ani gɨ kan leege bɨ, ɗe kɔl na ƴom cay ka-lɔɔ terɨn̰ ga ɨsɨndəŋ ojɨn̰ cay kɔl gɨ ani ani gɨ ɨsɨni gɨ kan ye kol cay Kumu bɨ.»

Titɨ 1:11

Kuɗa gɨ kɨŋ lɨgɨ kɨbɨge daa. Kɨya wa kan na ka-tɔbɛ kalaŋ ga a duroy wandɨ di pɨna dɨŋ nɔm duroy nee, dan̰ hɨnga gɨledɨge. Kan som gɨlɨn̰ kalaŋ hɨnga ga uja naŋ ɗe age na wan̰ gursu di kan ƴɨmage kɨjan̰e kɔldɔ naŋ.

1 Timote 6:5

dan̰ man̰e-kɔl gɨ toy ayaŋ naŋ, gɨ da kalaŋ ga ɨrɨmedɨge mundoŋ coŋ, kɨya wa kɔl gɨ cɨndi le, unɔ gusɨge. Kalaŋ ga nee le, ɨrɨmge gɨ gɨye-lɔɔ gɨ bugoŋ pɨna dan̰ Kumu le, naa gɨyəŋ gɨ ni wan̰ hɨnga.

2 Pɨyɛr 2:9

Hɨn̰ gɨ na wɨya hɨn̰ wo̰ na, ni sol gɨ Ba-gulɔŋ ɓal dɔrɛ kalaŋ ka-lɔɔ hɨnga ga dan̰ durɔ ɗɨngar kɨbɨ hɨnga ga ni gɨybe gaŋ bɨ, ɓal game kalaŋ ga ka-lɔɔ hɨnga ga dan̰ durɔ ɗɨngar naŋ kɨya lɔɔge hɨnga ga homi a wɔlɛ gɨ ni bon̰ kɔl gɨŋ bɨ.

2 Pɨyɛr 2:1

Naa tumɔ, ka-yɔɔ-kɔl-gɨ-Kumu-ba-yɔɔ ga cɨndi naŋ woyge duroy te kalaŋ ga da Kumu. Haw kɛ kalɨn̰ ma, ka-gɨlɨn̰ kalaŋ hɨnga ga cɨndi naŋ woyge duroygɨŋ nee. Kan kɨya andaŋ duroygɨŋ dan̰ n̰ale kɨya gɨlɨn̰ kalaŋ hɨnga ga dan̰ gɨyəŋdɨge naŋ bɨ, hɨnga ga ɨsɨn tɔgɨ bɨ. Ba gɨlge hɨnga gɨ ba bɔyɛ cayge le, kan orge bɨrɨŋ kan̰ii coŋ bɨ. Kan malgage mundoŋ ɨrgan̰ a cay gusɨge koge gɨŋ gaŋ, ama mundoŋ koge le kɨya caga cɛd.

2 Pɨyɛr 1:16

Kɔl gɨ ni ba tee bɛrnɛdi bɨgɨŋ ojɨ cay dɔnɔ di da Ba-gulondɨna Jesu-Kɨris bɨ, caga koyi bɨ le, na dɔrɛ kɔl gɨ cayi bɨ toyi bɨ unɔ hɨn̰ dɔrɛ kɔl gɨ kalaŋ dorge dan̰ cɨn̰-muɗɔlɛ koge wo̰ naŋ. Na cɨndi, ni-gandi ni sol gɨmɨn̰aw toyi dan̰ cɨndɨni bɨ, lee tɨmon̰ toyi bɨ.

1 Pɨyɛr 5:2

Te gamge ga da Kumu ga beegege kobɨgɨŋ le, dɨragɨŋ tumoyge kuɗa bɨ. Ɗagɨŋ cɨndɨgɨŋ kuɗa kardɨge bɨ. Ama ɗɔɔgɨŋ gɨ ɗe ungo san̰ danagɨŋ pa dɨm ma magɨŋ lee ƴee naŋ. Ama kɨŋ sa laa dan̰ kuduroy-geye bɨ, dan̰ gɨyəŋ gɨ da Kumu bɨ. Kɨŋ laa gɨye kogɨŋ na gɨ ni won̰ nare gɨ kɨya dɨbe dasi caygɨŋ naŋ. Ama na kɨya se gɨ kɨŋ si gusɨgɨŋ kɨbɨ nee.

Titɨ 1:7

Ba-dɔrɛ tumoy Ka-Daye gɨ na ungo gɨ beeyige gɨye gɨ ni solɨn̰ kardi hɨnga ga da Kumu kobi le, kuɗa gɨ ban wɨya na ungo gɨ ungo kɨya ɓale dɨbe kɔl cayi naŋ bɨ. Kuɗa gɨ ban wɔyɛ ba-dɔrɛ n̰ərə naŋ bɨ, ba kuduroy-hɔmɛ naŋ bɨ, ba-kɔydɛ cɛrɛ naŋ bɨ, ba wale man̰e naŋ bɨ, ungo gɨ ba male gursu dan̰ gɨyəŋ gɨ dan̰ durɔ naŋ, naŋ bɨ.

Magtubu di Jud wal 1:11

Ɓɨse woy gamge. Kan ayge gɨyəŋ gɨ da Kayin. Kan ayge gɨyəŋ gɨ da poy di da Balam haw age na wan̰ cay kobɨge nee bɨ. Kan kan̰ɨn̰ge kɔl kɨbɨ Kumu hɨn̰ Kore wo̰ bɨ. Na toy di hɨn̰ wo̰ ma kan kɨya mundoŋ leen̰ cɨndi.

Magtubu di Jud wal 1:7

Kuɗa gɨ kuduroygɨŋ hɨn a cay gɨsəŋ ga Sɔdɔm bɨ Gɔmɔr bɨ, cay ƴaan̰əŋ ga gɨmdəŋ ga bongi nee bɨ. Kalaŋ ga boy nee leege hɨnga ga ɨsɨni hɨn̰ ga da ka-ƴɔbɛ ga daa nii ga nee le bɨ. Kan dɨbɨge gusɨge coŋ boy ajɨba dɨŋ, lee gɨ ban̰aŋ won̰ge dan̰ kamdɨge ban̰aŋ kɨya cay gusi-mɔwa toge. Kan wayge hɨnga ga ni gɨle-cɨn̰ kɨya cay ɨsɨna koge. Hɨnga ga ni gɨle-cɨn̰ kage le, na tɨwa di ba kɨya ƴɔɔ dan̰ tumɔɔ bɨ, hɨnga ga leege le bɨləŋ na sɨman̰ kɔl kɨya cay kalaŋ nɔm bɨ.

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.

1 Pɨyɛr 2:8

Bɨ walge duroy Magtubu di da Kumu dɨŋ ɗaŋ coŋ yege hɨn̰: «Na oru gɨ kɨya dɔgɛ tɨbay ungo bɨ, Na garma gɨ kɨya lɔɔ gɨ ungo kɨya bɔɔ bɨ.» Kalaŋ ga nee le, dege tɨbayge oru gɨŋ le na kɨya gɨ kan kan̰ge bɔgɛge kɔl a cay kɔl gɨ da Kumu gɨŋ. Na toy di hɨn̰ wo̰ ma, hɨnga ga kan ojɨ kol cayge le andaŋ cayge.

1 Timote 3:8

Ka-lɔɔ gɨye game hɨnga le, koge kalɨn̰ ma, na hɨn̰ wo̰ bɨ. Kuɗa gɨ kan wɨyage na kalaŋ ga kalaŋ beege kɔl cayge bɨ, kalaŋ ga kɨbɨge sɔɔ sɔɔ naŋ bɨ, ka-ɗɔɔ gusɨge bɨn̰ cɛrɛ di suru naŋ bɨ, ka-male wɔɔ gɨ dan̰ gɨyəŋdi naŋ, naŋ bɨ.

1 Timote 3:3

Na guyɔŋ gɨ da cɛrɛ naŋ bɨ, ba-wɔrn̰ɛ dan̰ kalaŋ naŋ bɨ, ama na ungo gɨ kaledi jal bɨ, ba-bɔjɨn̰ɛ dan̰ kalaŋ naŋ bɨ, gɨ tabɨlaŋ di gursu ƴɨmayi naŋ bɨ.

1 Tesalonigɨ 5:3

Kɨɗɨn̰ ga kalaŋ kɨya sɔmɛge yɔɔge hɨn̰: «Gusi-dɔbɛ woy bɨ, kɔl unɔ bɨ», ɨni na kɨɗɨn̰di ga nee gaŋ le bɨ mundoŋ kɨya andaŋ dus cayge gɨlɨn̰a na hɨn̰ wɔɔ gɨ ay te lɔɔ tama wo̰. Lɔɔ gɨ kan kɨya ɓale andaŋ kɨbɨ nee naŋ.

Kɔl-gɨ-Ɗari gɨ Ja̰ wal 2:16

ban yen̰ ka-lɔɔ gɨyaw da guu di bɛdɨrdɛŋ dan̰ togi ye hɨn̰: «Dɨnagɨŋ hɨnga ga nee le nɔm coŋ bɨ, dɨle gɨŋ bɨle ƴaa di da Banɨ Kumu loon̰ ƴaa gɨyaw.»

Kɔl-gɨ-Ɗari gɨ Lug wal 22:47

Bɨ ga ma, dɨmdɨrdi kalaŋ andaŋge cayi kɨɗɨn̰ ga kɔl baa kɨbi ƴee. Judasɨ ba-aye-cay-tɨbayi gɨ pɨna, duroy kan ga mɔjɨ-cayge-sɔɔ, ba-dɔrɛ tumoyge. Bɨ ban ɨrga gusi Jesu kɨya ƴomii gasɨbii.

Kɔl-gɨ-Ɗari gɨ Lug wal 20:20

Na toy di hɨn̰ wo̰ ma, kan ay te sɔbɨrɛ kɨbɨ Jesu. Bɨ kan say gɨyge kalaŋ ga ka-nare cɨn̰ kalaŋ ga leege gusɨge hɨn̰ kalaŋ ga gɨye-lɔɔdɨge na or dan̰ durɔ ɗɨngar wo̰ a gusi. Kalaŋ ga nee le, kan gɨyge na kɨya gɨybe Jesu dan̰ kɔl gɨ ni ɨngɨre, ɗe age na wan̰ gɨyəŋ gɨ ni ƴomii dobii kobɨ ba-kɨbɨ kɨlma gɨ gumu gɨ orɨn̰ dan̰ tɔgɨ bɨ, gɨ na ba-dɔɔ cay ƴaa bɨ.

Kɔl-gɨ-Ɗari gɨ Lug wal 18:8

Aŋ yəgɨŋ da waŋ: Ban kɨya bɔyɛ kɔl haw wo̰ bɨge. Ama kɨɗɨn̰ ga ɨŋ-bandi Kurɨn̰-ungo ɨŋ kɨya caga le, ɨŋ kɨya wɔɔ aye kudurɔ a cay gɨsəŋ gaŋ hange ga?»

Magtubu di Jud wal 1:16

Kalaŋ ga hɨn̰ wo̰ le gusɨge mooge naŋ bɨ, na ka-ɨle gusɨge dan̰ wɔlɛ pɨna pɨna bɨ, na ka-kɔbɛ hɨnga ga kuduroyge gey bɨ, na ka-yɔɔ-kɔl gɨ ni dogɨn̰ jɔrgɔ bɨ, na ka-nare cɨn̰ kalaŋ gɨ ni won̰ hɨnga bɨ.

Matɨyo 23:14

[Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨŋ lobɨ hɨnga ga da kandɨ ga kodɨn̰ige ma bɨ, kɨɗɨn̰ ga kɨŋ ɨre tumoy kalaŋ kɨya ɔlɛ Kumu na, kɨŋ ol Kumu sɨngɨɗɨ tɔgɨ leen̰ gusɨgɨŋ leen̰ kalaŋ ga dan̰ durɔ ɗɨngar. Na toy di hɨn̰ wɔ ma, kɔl gɨ kan kɨya bɔyɛ caygɨŋ le, kɨya dɨmbɨrwa tɔgɨ!]