2 Pɨyɛr 2:2 - Gabri Maja

² Kondɨwadi kalaŋ kɨya kɔbɛge kardɨge kɨɗɨn̰ yɔyɛ gorɨn̰ daa gaŋ le bɨ, kɨya cay kalaŋ ga nee le, kan kɨya yagɨdege te gɨyəŋ gɨ da Kɔl gɨ cɨndi kol cay gɨye-lɔɔdɨge bɨ.

2 Pɨyɛr 2:2 Referans Kwoze

Magtubu di Pol wal bɨn̰ kalaŋ ga Rɔm 2:24

Na toy di hɨn̰ wo̰ ma: «Kalaŋ ga toyge na Jubɨ naŋ yagɨdege Kumu na kol caygɨŋ kɨŋ-gandi hɨn̰ gɨ ba walge duroy Magtubu di da Kumu dɨŋ.»

Magtubu di Jud wal 1:10

Ama kalaŋ ga nee le, yagɨdege hɨnga nɔm ga kan sɨla toyge naŋ. Gɨrɨn̰ cayge laa gɨye naŋ hɨn̰ kɨmɛnɛ nɔm wo̰. Kan kobɨge na te hɨnga nɔm ga ɨrga boy ɨrɨmedɨge gɨŋ, na toy di hɨn̰ wo̰ ma kan kɨya mundoŋge le.

Wasɨn̰a 13:14

Ban nar kalaŋ ga a cay gɨsəŋ gaŋ dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ ga tumɔ ban lee a cɨn̰ kɨmana le. Ban yen̰ kalaŋ na laage turnoy hɨnga gɨsɨn̰ cay kɨmana gɨ way ɨya di da pəlɨm ma jɨga som-bɨra le.

Magtubu di Jud wal 1:15

kɨya bon̰ kɔl cay kalaŋ nɔm bɨ ɗe kɔl na ƴom cay ka-kuduroy-ɨndɨwa nɔm ojɨn̰ cay ɨsɨna gɨ ani ani gɨ kan leege bɨ, ɗe kɔl na ƴom cay ka-lɔɔ terɨn̰ ga ɨsɨndəŋ ojɨn̰ cay kɔl gɨ ani ani gɨ ɨsɨni gɨ kan ye kol cay Kumu bɨ.»

2 Pɨyɛr 2:15

Kan ɗege gɨyəŋ gɨ dan̰ durɔ ɗɨngar coŋ, lee gɨ kan kayaŋge. Kan ayge gɨyəŋ gɨ Balam kurɨn̰ Bosor ba ay le. Balam gɨ nee le, lee gusi-mɔwa kɨya cay gursu di ni cay-kɔbɔ di ban way te gɨye-lɔɔdi gɨ dan̰ durɔ ɗɨngar naŋ gɨ ban lee le.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

Titɨ 2:8

Kuɗa gɨ kɔl yɔdɨn̰ wɨya na kɔl gɨ ɗari bɨ, kɔl gɨ ungo gɨ ɓale ƴɔɔ daa dɔgɛ coŋ naŋ bɨ, ɗe ka-baadɨn̰ dasi diige kol cay kɔl gɨ ɨsɨni gɨ kan kɨya wɔɔ gɨ ni yɔ kol cayna naŋ.

Gɨye-lɔɔ 24:14

Ama hɨnga ga ɨŋ ba sol leen̰ cɨndi ba kɛ: Ɨŋ ay na gɨyəŋ gɨ hɨrɨwa, gɨ kan yege gɨ na gɨyəŋ gɨ dan̰ gɨyəŋdi naŋ le leen̰ gɨye bɨn̰ Kumu gɨ da mon̰inagɨŋ le. Bɨ ɨŋ ay kuduronɨ bɨn̰ hɨnga nɔm ga kan walge a duroy magtubu Gasɨn̰-kɔl gaŋ bɨ, duroy magtubu ga da ka-yɔɔ-kɔl-gɨ-Kumu-ba-yɔɔ gaŋ bɨ.

Gɨye-lɔɔ 16:17

Turmɔ ɗe-gɨye le ay te kɔbɛ kardini ni-gandi dan̰ Pol bɨ, den̰ sɨle ye hɨn̰: «Kalaŋ ga kɛ le, na ka-lɔɔ gɨye ga da Kumu gɨ ɗɨn̰ cay hɨnga nɔm! Kan kɨya gɨlgɨŋ na gɨyəŋ gɨ ungo na aya na, kɨya wan̰ pɔɗɛ.»

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Wasɨn̰a 12:9

Kɨmana gɨ gumu gɨ teeyige dɨrago̰ le nongɨliige dibiige dugo. Ban na kumbulo gɨ som jɨne hayi gɨ teeyige Haban̰ bɨ Sidan bɨ, gɨ na ba nare kalaŋ nɔm ga a cay gɨsəŋ gaŋ bɨ. Nongɨliige dibiige a cay gɨsəŋ gaŋ dan̰ ka-ƴɔbɛ kayi nɔm.

2 Pɨyɛr 2:21

Hɨn̰ gɨ tumɔ kan ni na sɨla gɨyəŋ gɨ ni lɔɔ hɨnga ga dan̰ durɔ ɗɨngar naŋ na, golgo ɗɨn̰ gɨ kan sol pa dɨm ma bɨlɨn̰ge kardɨge bɨn̰ te tumɔ da Kumu di kan bɨge le.

Titɨ 2:5

gɨyəŋ gɨ ni solɨn̰ hɨnga ga ɗari dɨm ma lɔɔ bɨ, ɗe gɨ kan wɨyage na kandɨ ga duroŋge mɨra bɨ, gɨyəŋ gɨ ni ɗɔɔ gusɨge kɨbɨ gɨye gɨ a duroy ƴaa toge dɨŋ bɨ, ɗe won̰ge kalaŋ ga kuɗudaŋ bɨ, dobɨn̰ge cayge bɨn̰ kodɨn̰ige bɨ. Ɗe ungo wan̰ gɨyəŋ gɨ ni yagɨdɨn̰ kɔl gɨ da Kumu naŋ.

1 Timote 5:14

Kuɗa gɨ kandɨ ga kodɨn̰ige ma ga baage kambɨle ƴee le, ɨŋ gey gɨ kan ƴage ban̰aŋ bɨ, wɔɔge karɨn̰aŋ bɨ, ɗage cɨndɨge kardi kalaŋ ga a duroy ƴaadɨge gɨŋ kuɗa bɨ. Na hɨn̰ wo̰ ma kɨya bɨn̰ ka-baadɨnagɨŋ gɨyəŋ yon̰ kɔl gɨ ɨsɨni caynagɨŋ naŋ.

Gɨye-lɔɔ 19:9

Ama kondɨwadɨge leege cay osɨwa kan̰ɨn̰ge bɔgɛ kuduroyge cay nee bɨ, yen̰ge kɔl gɨ ɨsɨni ojɨn̰ cay gɨyəŋ gɨ da Ba-gulɔŋ tumoy kalaŋ ga dayge cayge le. Kɨɗɨn̰ ga nee le, Pol dor gusi coŋ bɨ, don ka-aye-cay-tɨbay Jesu orɨn̰ danage. Ban gɨlge kɔl gɨ da Kumu dan̰ wɔlɛ pɨna pɨna a duroy ƴaa gɨle hɨnga ga da Tiranus dɨŋ.

Gɨye-lɔɔ 18:26

Ban say ye kɔl dan̰ cɨn̰-bandɨ duroy ƴaa-daye-di-da-Jubɨn̰əŋ dɨŋ. Kɨɗɨn̰ ga Pɨrisil dan̰ Agilas jege kɔl koyi ɨni na, kan ƴomiige walaŋ bɨ, gɨliige gɨyəŋ gɨ da Kumu dan̰ gɨyəŋdi tɛrɛrɛ tɛrɛrɛ ɗɨn̰ gɨ tumɔ ƴee.

Gɨye-lɔɔ 14:2

Ama Jubɨn̰əŋ ga ba ayage kuduroyge naŋ le, gosɨrge kalaŋ ga toyge na Jubɨ naŋ, lee gɨ kan ɨrɨmge gɨ ni lɔɔ hɨnga ga ɨsɨni dan̰ karmɨni ka-aye kudurɔ.

Gɨye-lɔɔ 13:10

bɨ ban yey hɨn̰: «Ji na ungo gɨ terɨn̰ walɨn̰ kuduron̰ bɨ, ba-jɨba bɨ, ji na kurɨn̰ Haban̰ bɨ, ji na ba-baa gɨ da hɨnga ga dan̰ durɔ ɗɨngar bɨ, kɛ ji gɨ ɗɔɔ kɔngɨdɛ gɨyəŋ gɨ dan̰ durɔ ɗɨngar gɨ da Ba-gulɔŋ le baa naŋ ga?

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Marg 13:22

Kɨya wa kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan gey kayge kan ga Kumu torge bɨ.

Marg 12:14

Bugoŋge gusi ɨni na, kan yeyige hɨn̰: «Ba-gɨlɨn̰ kalaŋ hɨnga, ni sol gɨ ji na ungo ba yɔɔ kɔl gɨ cɨndi bɨ, ji hɨndara cɨn̰ ungo naŋ bɨ, kɨya wa ji dɨra cɨn̰ ungo naŋ. Ama ji gɨlɨn̰ kɔl kalaŋ na te gɨyəŋ gɨ da Kumu dan̰ gɨyəŋ gɨ da kɔl gɨ cɨndi. Yani ƴee bɨ, kɛ gasɨn̰-kɔl bɨn̰ ungo gɨyəŋ gɨ ni bɨn̰ kɨlma gɨ gumu Sejar lambo wala, narii ga? Kɛ ojɨ gɨ ni gɨ bee wala bee naŋ ga?»

Matɨyo 22:16

Kardi nee na, gɨyge ka-aye-cay-tɨbayige ga pɨna wo̰ duroyge dan̰ kalaŋ ga da Ɛrɔd gusi Jesu, ɗe na or ɨngɨriige yon̰ hɨn̰: «Ba-gɨlɨn̰ kalaŋ hɨnga, ni sol gɨ ji na ba yɔ kɔl gɨ cɨndi bɨ, ji gɨlɨn̰ kalaŋ gɨyəŋ gɨ da Kumu na dan̰ kɔl gɨ cɨndi dɨle hɨndare ungo bɨ. Kɨya wa ji laa hɨnga na kɨya ƴon̰ cɨn̰ ungo naŋ.

Matɨyo 7:14

Ama kɨbɨ-ƴaa gɨ sɛlgɛgɛ bɨ, gɨyəŋ gɨ jəngi bɨ le, kɨya orɨn̰ dan̰ kalaŋ na pɔɗɛ gɨŋ, ama ka-wɔɔdi na lagɨɗe wo̰.

Wasɨn̰a 13:8

Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.

2 Pɨyɛr 2:12

Ama kalaŋ ga nee le, leege hɨnga dɨle ɨrɨme hɨn̰ kɨmɛnɛ ga coŋ ga kan woogege kɨya ƴomgege bɨ, dɨɗɨgege bɨ wo̰. Kan yagɨdege hɨnga ga kan sɨlage naŋ le. Kan kɨya mare na tɨma di gɨlɨn̰ hɨn̰ da kɨmɛnɛ ga coŋ wo̰.

Gɨye-lɔɔ 22:4

Kalaŋ ga ba ayge gɨyəŋ gɨ da Ba-gulɔŋ Jesu le, ɨŋ gɨlge cɨn̰ tɔgɨ bɨrɨŋ tɨmaydɨge. Ɨŋ ƴom ban̰aŋ bɨ, kandɨ bɨ, beege dangay dɨŋ bɨ.

2 Pɨyɛr 2:7

Lotɨ gɨ na ungo gɨ ba lɔɔ hɨnga ga dan̰ durɔ ɗɨngar le, Kumu dorii duroy nee coŋ. Gɨye-lɔɔ gɨ ni yɔyɛ gorɨn̰ daa gɨ da kalaŋ gɨ dɨlage hɨnga cay nee naŋ boy ɨlge gɨ da Lotɨ gɨŋ le, gɨlii-cɨn̰.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.

Magtubu di Jud wal 1:7

Kuɗa gɨ kuduroygɨŋ hɨn a cay gɨsəŋ ga Sɔdɔm bɨ Gɔmɔr bɨ, cay ƴaan̰əŋ ga gɨmdəŋ ga bongi nee bɨ. Kalaŋ ga boy nee leege hɨnga ga ɨsɨni hɨn̰ ga da ka-ƴɔbɛ ga daa nii ga nee le bɨ. Kan dɨbɨge gusɨge coŋ boy ajɨba dɨŋ, lee gɨ ban̰aŋ won̰ge dan̰ kamdɨge ban̰aŋ kɨya cay gusi-mɔwa toge. Kan wayge hɨnga ga ni gɨle-cɨn̰ kɨya cay ɨsɨna koge. Hɨnga ga ni gɨle-cɨn̰ kage le, na tɨwa di ba kɨya ƴɔɔ dan̰ tumɔɔ bɨ, hɨnga ga leege le bɨləŋ na sɨman̰ kɔl kɨya cay kalaŋ nɔm bɨ.