1 Timote 4:16 - Gabri Maja

¹⁶ Ɗa cɨndɨn̰ kardi gusɨn̰ kon̰ bɨ, kardi gɨle kɔl kon̰ bɨ. Ƴɨma gusɨn̰ usa cay hɨnga nɔm ga nee le. Kɨɗɨn̰ ga ji na laa hɨn̰ wo̰ na, ji kɨya pɔɗɛ gusɨn̰ kon̰ bɨ, ji kɨya pɔɗɛ kan ga jege kɔl kɨbɨn̰ bɨ.

1 Timote 4:16 Referans Kwoze

Titɨ 1:9

Ban na ba ƴɔmɛ kɔl gɨ ojɨ gɨ ni bɔgɛ kudurɔ cay nee osɨwa gɨ na kɔl gɨ or pɨna dan̰ hɨnga ga ni gɨle bɨ. Hɨn̰ wo̰ na ban kɨya ɓale bɔgɛ kɔl gɨ ɗari kuduroy kalaŋ dan̰ hɨnga ga ni gɨle ga cɨndi bɨ, ban kɨya ɓale gɨle a cɨn̰ tɨwa dɨŋ gɨ kɔl gɨ da ka-man̰e-kɔl gɨ da Kumu naa cɨndi naŋ bɨ.

Titɨ 2:7

Ji Titɨ, kalɨn̰ ma ji laa hɨnga ga ɗari ɗe kan ƴolɨn̰ge bɨ. Kuɗa gɨ hɨnga ga ni gɨle kan̰ wɨya na hɨnga ga ni gɨle ga duroŋ mɨra bɨ, ga koldɨge homɨn̰ bɨ.

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

Epɛs 4:14

Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

Əbɨro 13:9

Kɨŋ ɗɔɔ gɨ hɨnga ga ni gɨle ga hɨrɨwa ga caga ga toyge kan̰dɨge kan̰dɨge lɔɔgɨŋ gɨ kɨŋ gɨ kayaŋ naŋ. Kuɗa gɨ ɗe kuduroy ungo waa tɔgɨ na a te ɗarwa di da Kumu dɨŋ ƴɔbɨ. Ama na te dɔɔn̰əŋ gaŋ naŋ. Kalaŋ ga ka-kɔbɛ hɨnga ga ni gɨle ga nee le waage hɨnga pɨna toy nee naŋ.

Əbɨro 12:15

Ɗagɨŋ cɨndɨgɨŋ kardi gusɨgɨŋ, ɗe ungo duroygɨŋ dor gusi coŋ a te ɗarwa di da Kumu dɨŋ naŋ. Kuɗa gɨ ungo mɔndɛ kalaŋ kondɨwa hɨn̰ gɨ ban naa hɨya gɨ a duroygɨŋ gɨ wɔɔdi orɨn̰ dan̰ sɛm, di kɨya nɔɔ cay kalaŋ jɨn̰ tumɔ tumɔ wo̰ naŋ.

2 Timote 3:14

Ama ji-bandi na, ji ɨr jaŋ cay hɨnga ga kan gɨlɨn̰ge bɨ, ga naa ji ba bee kuduron̰ cay nee kuɗa le bɨ. Kɨya wa ji sol kalaŋ ga ka-gɨlɨn̰ge hɨnga ga nee le kuɗa.

Kɔl-gɨ-Ɗari gɨ Lug wal 21:34

«Ɗagɨŋ muɗɔlɛ cay gusɨgɨŋ. Ɗɔɔgɨŋ gɨ ɨrɨme kol hɨnga ga kɨŋ gey dan̰ wɔlɛ pɨna pɨna, lɔɔ gɨ kɨŋ hale gɨybɨŋ cay caga hɨnge ɨŋ-bandi Kurɨn̰-ungo le naŋ. Naŋ na, ɨŋ kɨya andaŋ caygɨŋ dus.

1 Timote 4:6

Hɨn̰ gɨ ji na gɨlɨn̰ karmɨn̰ ga ban̰aŋ dan̰ ga kandɨ hɨnga ga nee le na, ji na ba-gɨye gɨ da Jesu-Kɨris gɨ kuɗa. Gɨ kan abiige dan̰ kɔl gɨ ojɨ cay aye kudurɔ bɨ, hɨnga ga ni gɨle ga kuɗa gɨ ji ba kobɨ kardɨge kuɗa le bɨ.

1 Timote 1:3

Hɨn̰ gɨ ɨŋ ba yen̰ tumɔ pa dɨm ma, maŋ ba san̰ orɨn̰ a cay gɨsəŋ ga Masedɨwan ƴee le, ji sɨma a cay ƴaa di Epɛs dɨŋ, an̰ san̰ dan̰ kalaŋ ga pɨna ɗe ɗege ba, gɨlɨn̰ kalaŋ hɨnga ga dan̰ gɨyəŋdɨge naŋ bɨ,

Magtubu di Pol wal bɨn̰ kalaŋ ga Rɔm 16:17

Ay karmɨnɨ ga ban̰aŋ dan̰ ga kandɨ, aŋ halgɨŋ cay hɨnga ga pɨna. Ɗagɨŋ muɗɔlɛ a cay gusɨgɨŋ gɨŋ, a cay kalaŋ ga ka-gɨlgɨŋ hɨnga ga woy kan̰dɨge dan̰ hɨnga ga ni gɨle ga kɨŋ ba je tumɔ. Kalaŋ ga nee le, na ka-pɔyɛ ka-aye kudurɔ duroy nee bɨ, ka-dɨbe sɨya tumon̰ ka-aye kudurɔ bɨ. Dɨragɨŋ gusɨgɨŋ sɛdɨ gusɨge coŋ.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

1 Korɛ̰t 9:27

Ho’o ɨŋ lee gɨ kuyoŋdi-gusɨnɨ sunoŋ dan̰ hɨnga ga osu bɨ, ɨŋ ƴomii a te dɔnɔ tɨnge dɨŋ bɨ. Kɨya wa hɨn̰ gɨ ɨŋ na ƴɨma gusɨnɨ usa naŋ na gajanaŋ ɨŋ da tɔgɛ bɛrnɛ bɨn̰ kalaŋ ga ɗaŋ, ama hɨn̰ gɨ ɨŋ na curoŋ a te gɨyəŋ gɨ da Kɔl-gɨ-Ɗari gɨŋ na, ɨŋ kɨya wɔɔ cay kɔbɔŋ naŋ.

Gɨye-lɔɔ 6:4

Ama ni-gandi na, ni kɨya ɔrɛ cɨndɨni tumɔ kɨbɨ gɨye gɨ ni olɨn̰ Kumu bɨ, gɨ ni togɨn̰-bɛrnɛ bɨ.»

Marg 13:9

Ama kɨŋ-gandi na, ɗagɨŋ muɗɔlɛ a cay gusɨgɨŋ kogɨŋ kɨŋ-gandi gaŋ. Kɨya wa kalaŋ kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya togɨgɨŋ duroy ƴaa-daye-di-da-Jubɨn̰əŋ dɨŋ bɨ. Kan kɨya orɨn̰ danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Ɗe agɨŋ wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ.

Magtubu di Jag wal 5:20

kuɗa gɨ ban hɨn a cay kɔl gɨ ba kɛ: Waŋ waŋ gɨ na jɨgen̰ dan̰ ka-lɔɔ ɨsɨna a te gɨyəŋ gɨ ɗari gɨŋ na, ban ƴeege na kɨbɨ tɨma dɨŋ bɨ, kɨya cay hɨnga ga ban lee le, Kumu kɨya ɗɔɔ kuduroyi jalɨwa cay ɨsɨnan̰əŋ tɔgɨ bɨ.

Titɨ 2:15

Sɨla! Hɨnga ga ojɨ gɨ ji kɨya gɨlɨn̰ kalaŋ ba kɛ: Dɨbage bandɨ kuduroyge bɨ, ji orɨn̰ dan̰ dɔnɔ cayge gɨ ni ɗalge kɨya gɨye-lɔɔdɨge bɨ. Ɗɔɔ ungo pɨna wo̰ hagɨrɨn̰ naŋ bɨ.

Kɔlɔs 4:17

Ɨni na, yan̰gɨŋ Argip ya hɨn̰: «Sɨma-bɨra a kɨbɨ gɨye gɨ Ba-gulɔŋ ba been̰ kobɨn̰ le, ɗe an̰ lee duroŋ cɨrɛɗ.»

1 Korɛ̰t 9:22

Kɨɗɨn̰ ga ɨŋ na sɨma duroy kalaŋ ga hɨmbaɗɨdaŋ gaŋ na, ɨŋ bɨle gusɨnɨ leen̰ hɨn̰ ungo gɨ hɨmbaɗɨ bɨ. Ɨŋ lee hɨn̰ wo̰ ɗe aŋ na wan̰ kalaŋ ga hɨmbaɗɨdaŋ bɨn̰ Kɨris. Ɨŋ lee gusɨnɨ hɨn̰ kalaŋ nɔm a te gɨye-lɔɔ gɨ ani ani gɨŋ, ɗe naa dan̰ gɨyəŋ gɨ ani ani kalɨn̰ ma kan ga pɨna duroyge na waage pɔɗɛ.

Magtubu di Pol wal bɨn̰ kalaŋ ga Rɔm 11:14

Bɨ ɨŋ lee gɨye gɨ nee le ɨrɨmɨn̰ gɨ karmɨnɨ ga ni kɨbarnɨ ga na Jubɨ na laan̰ge jangɨ koldi, aŋ na poɗɨn̰ kan ga pɨna duroyge.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

Gɨye-lɔɔ 26:22

Ama na kɨya dɨbe gɨ Kumu dɨbɨ kobi canɨ amaŋ bɨrɨŋ gɨsɨn̰ labɨde le ma maŋ ɨrɨn̰ kɛ, ɨrɨn̰ leen̰ tɨmon̰ tɨnge tumoy kalaŋ nɔm ga gɨmdəŋ bɨ, ga n̰ən̰əŋ bɨ. Na kol hɨnga ga ka-yɔɔ-kɔl-gɨ-Kumu-ba-yɔɔ bɨ, Moyis ba yege gɨ naa wa wa kalɨn̰ ma, na kɨya lɔɔ gusɨge le, ma maŋ ye ɗɔɔ ƴɔbɨ.

Pilemo 1:19

Na ɨŋ-bandi Pol ba wale kɨbɨ kɔl gɨ kɛ le dan̰ kɔbɔŋ hɨnge gɨ ɨŋ na gɨ bɔyɛ tugɨla ton̰ le. Ji-bandi kalɨn̰ ma hale gɨybəŋ gɨ ɨŋ na orɨn̰ dan̰ tugɨla a can̰ naŋ. Ɨŋ ye kɔl gɨ kɛ le, na kɨya gɨ ji je kol sɔmɛ-bɨra gɨ dan̰ tumon̰ na a kɨbɨnɨ.

1 Tesalonigɨ 2:16

Ni-gandi ni tee bɛrnɛ bɨn̰ kalaŋ ga toyge na Jubɨ naŋ ɗe na poɗɨn̰ge, ama Jubɨn̰əŋ ga nee le narnige coŋ. Hɨn̰ wo̰ na, kan kɨya dɨɗe kɨbɨ hada gɨ da ɨsɨna koge yɔd. Ama kagadi gɨŋ na, kuduroy-hɔmɛ di da Kumu ba cayge.

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

1 Timote 4:15

Hɨnga ga ojɨ gɨ ji gɨ lɔɔ ba kɔ, ɗa gusɨn̰ kɨbɨ nee. Na kɨɗɨn̰ ga nee le ma, kalaŋ nɔm kɨya solɨn̰ge cɨn̰ ɔrɛ tumɔ ton̰ bɨ.