1 Timote 3:2 - Gabri Maja

² Ɨni na, kuɗa gɨ ban wɨya na ungo gɨ masadi unɔ bɨ, tamdi na pɨnaa bɨ, ban na ungo gɨ ba ƴɔmɛ gusi osɨwa cay hɨnga bɨ, ba sɔlɛ-hɨnga ga ɗari dɨm ma kɨya lɔɔ bɨ, na ungo gɨ gɨye-lɔɔdi ƴee cɨn̰ kalaŋ bɨ, na ungo gɨ ba ƴɔmɛ kɨrge gusi kuɗa bɨ, gɨ sol gɨlɨn̰ kalaŋ hɨnga bɨ.

1 Timote 3:2 Referans Kwoze

2 Timote 2:24

Ama kuɗa gɨ marɨna ba-gɨye gɨ da Ba-gulɔŋ bɔjɨn̰dɛ naŋ. Kuɗa gɨ ban sɨma dan̰ gusi-dɔbɛ dan̰ kalaŋ nɔm bɨ, ɓala gɨlɨn̰ kalaŋ hɨnga bɨ, haya kuduroyi cay are-kɔl gɨ da ka-cɨbe cay kalaŋ dan̰ kɔl nɔm bɨ.

Magtubu di Pol wal bɨn̰ kalaŋ ga Rɔm 12:13

Kuɗa gɨ kɨŋ jɨbɨ te kalaŋ ga woyge dan̰ cɨndɨge ga orɨn̰ge dan̰ n̰agedi hɨnga. Ƴɨmagɨŋ kɨrge gusɨgɨŋ dan̰ gusi-mɔwa.

1 Timote 5:9

Bɨndɨ kandɨ ga kodɨn̰ige ma ga ɨlgedɨge toyi-jii orɨn̰ tumɔ bɨ, di ƴee bara na cay pɨna ƴɔbɨ bɨ.

1 Pɨyɛr 4:9

Kuɗa gɨ waŋ waŋ kalɨn̰ ma duroygɨŋ, ƴɨma karmii ga ɨrgage gusi dɨle yamɨn̰-kɔl.

1 Pɨyɛr 5:8

Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.

Əbɨro 13:2

Ɗɔɔ gɨ kuduroygɨŋ hale gɨybəŋ a cay ƴɔmɛ kɨrge naŋ. Kɨya wa dan̰ gɨyəŋ gɨ da ƴɔmɛ kɨrge le, kalaŋ ga pɨna ƴomge ka-ƴɔbɛ ga daa nii gusɨge dɨle sɔlɛ.

Titɨ 2:2

Yan̰ ban̰aŋ ga əsɨdəŋ gɨ kan naa ka-ƴɔmɛ gusɨge kɨbɨ hɨnga gaŋ bɨ, kalaŋ ga ɓalge gɨ kalaŋ bɨgage kɔl cayge bɨ, ka-sɔlɛ hɨnga ga ɗari dɨm ma kɨya lɔɔge bɨ. Yage gɨ kan na ƴɨma usa a te aye kudurɔ gɨŋ bɨ, te geye bɨ, te dɨbe-ɗugɔ dɨŋ bɨ.

Pilib 2:15

ɗe agɨŋ bɨlɨn̰ kalaŋ ga masadɨge unɔ bɨ, duroŋge mɨra bɨ, karɨn̰ Kumu ga hɨnga ga ɨsɨni dḛ wo̰ cɨlge naŋ bɨ, ga sɨmage duroy kalaŋ ga dan̰ durɔ ɗɨngar gaŋ naŋ, naŋ bɨ, duroy kalaŋ ga mundoŋ coŋ ga a cay gɨsəŋ gaŋ kɛ naŋ bɨ. Wɨyagɨŋ duroyge hɨn̰ dɨngɛ di asɨn̰ duroy dɨlɨm dɨŋ wo̰,

1 Pɨyɛr 4:7

Wɔlɛ gɨ te hɨnga nɔm kɨya ayaŋ le woy mɨnde. Na toy di hɨn̰ wo̰ ma sɨmagɨŋ dan̰ cɨn̰-muɗɔlɛ bɨ, ƴɨmagɨŋ gusɨgɨŋ usa a cay hɨnga nɔm bɨ, ɗe gɨ agɨŋ ɓal olɨn̰ Kumu dan̰ tɨwa nɔm.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

1 Timote 4:3

Kan narge kalaŋ ƴɔɔ gusɨge bɨ, narge ka-aye kudurɔ ga solge kɔl gɨ cɨndi le, dɔɔ hɨnga ga pɨna ga Kumu ɗe gɨ kan na daa laan̰ge ho’o cay nee le.

Kɔl-gɨ-Ɗari gɨ Lug wal 1:6

Kan sɔɗɨmɔŋ na kalaŋ ga gɨye-lɔɔdɨge or dan̰ durɔ ɗɨngar tumoy Ba-gulɔŋ Kumu bɨ. Gorge a cay te tumɔ di da Ba-gulɔŋ Kumu dɨŋ nɔm bɨ, hɨnga nɔm ga Kumu ye gɨ kan na laa le, beege kɔl cay nee leege dan̰ gɨyəŋdɨge kuɗa, ɗe masadɨge unɔ.

Kɔl-gɨ-Ɗari gɨ Lug wal 2:36

A duroy ƴaa di da Kumu gɨ da Jubɨ gɨ nee le kalɨn̰ ma, tama ɗe-yɔɔ-kɔl-gɨ-Kumu-ba-yɔɔ di esi di kan toge Ana ɨre nee. Hɨndi na Panowɛl turmoy a te wɨn̰je gɨ da Ajɛr gɨŋ. Kɨɗɨn̰ ga tama di nee le ƴee bara na, hɨndi gor ƴaa danayi ɨlge jurgum:

1 Timote 3:8

Ka-lɔɔ gɨye game hɨnga le, koge kalɨn̰ ma, na hɨn̰ wo̰ bɨ. Kuɗa gɨ kan wɨyage na kalaŋ ga kalaŋ beege kɔl cayge bɨ, kalaŋ ga kɨbɨge sɔɔ sɔɔ naŋ bɨ, ka-ɗɔɔ gusɨge bɨn̰ cɛrɛ di suru naŋ bɨ, ka-male wɔɔ gɨ dan̰ gɨyəŋdi naŋ, naŋ bɨ.

1 Timote 3:12

Kuɗa gɨ ba-lɔɔ gɨye game hɨnga le, na ungo gɨ tamdi pɨna bɨ, sol dɔrɛ tumoy karɨndi bɨ, kalaŋ ga a duroy ƴaadi dɨŋ kuɗa bɨ.

1 Timote 5:10

Kuɗa gɨ ɗe kalaŋ solge gɨye-lɔɔdo gɨ kuɗa bɨ. Kuɗa gɨ hɨndi aba karɨn̰aŋ bɨ, ƴɨma kalaŋ kuɗa gusoo bɨ, pɨl tɨbay kalaŋ ga da Kumu bɨ, jɨbɨ te kalaŋ ga somge duroy n̰age dɨŋ bɨ, ɗe-gusoo kɨbɨ gɨye nɔm ga kuɗa bɨ.

1 Timote 5:22

Ji ɗɔɔ ba sɔ kɨrɛd dɨbe kobɨn̰ cay ungo gɨ ni bogii gɨye kobi naŋ. Dɔbɛ gusɨn̰ boy ɨsɨna gɨ da ungo gɨŋ naŋ. Ɗa muɗɔlɛ cay gusɨn̰, mɔndɛ gɨye-lɔɔdɨn̰ gɨ arɨn̰ cərərə le coŋ naŋ.