1 Timote 1:4 - Gabri Maja

⁴ ɗe gɨ an̰ san̰ dan̰ kalaŋ, ɗe kan lun̰doŋ te dɔrɛ te hɨnga ga toyge bɨ cayge bɨ unɔ bɨ, kardi dɔrɛ te mon̰ gɨ kagadi unɔ bɨ naŋ. Kɨya wa hɨnga ga nee le, kɨya haŋge gɨyəŋ bɨn̰ na man̰e-kɔl bɨ, kɨya narge lɔɔ gɨye cay hɨnga ga Kumu gɨsɨ. Hɨnga ga Kumu gɨsɨ le, lee gusɨge na dan̰ gɨyəŋ gɨ da aye kudurɔ.

1 Timote 1:4 Referans Kwoze

Titɨ 3:9

Ama male te hɨnga ga kalɨn̰ wo̰ bɨ, dɔrɛ te wɨn̰je bɨ, man̰e-kɔl bɨ, gaŋgɨde kɔl cay gasɨn̰-kɔl gaŋ bɨ le, hɨnga ga nee le nɔm na hɨnga ga kɨya andaŋ hɨnga naŋ bɨ, na hɨnga ga kalɨn̰ wo̰ dugo bɨ. Ji ɗɔɔ ba dɨbe kɨbɨn̰ boy nee naŋ.

Titɨ 1:14

kuɗa gɨ kan lun̰doŋge kardi lɛngɛ lɛngɛ di sayga a duroy Jubɨn̰əŋ gaŋ naŋ bɨ, kobɨn̰ hada di da kalaŋ ga bɨlge kardige bɨn̰ kɔl gɨ cɨndi naŋ, naŋ bɨ.

1 Timote 4:7

Ama dɔrɛ te hɨnga ga toyge bɨ cayge bɨ unɔ bɨ, dɔrɛ kɔl da kandɨ ga əsɨdəŋ bɨ le, jɨbɨge sɛdɨ coŋ. Ama ji tɨraba na gɨye-lɔɔ gɨ bugoŋ pɨna dan̰ Kumu.

2 Timote 4:4

Kan kɨya lɨgɨdege sɨmayige daa cay kɔl gɨ cɨndi, ama bɨlege gusɨge na gusi dɔrɛ te hɨnga ga toyge bɨ cayge bɨ unɔ gaŋ.

2 Pɨyɛr 1:16

Kɔl gɨ ni ba tee bɛrnɛdi bɨgɨŋ ojɨ cay dɔnɔ di da Ba-gulondɨna Jesu-Kɨris bɨ, caga koyi bɨ le, na dɔrɛ kɔl gɨ cayi bɨ toyi bɨ unɔ hɨn̰ dɔrɛ kɔl gɨ kalaŋ dorge dan̰ cɨn̰-muɗɔlɛ koge wo̰ naŋ. Na cɨndi, ni-gandi ni sol gɨmɨn̰aw toyi dan̰ cɨndɨni bɨ, lee tɨmon̰ toyi bɨ.

1 Timote 6:20

Ay Timote, gama hɨnga ga Kumu ba day been̰ kobɨn̰ kuɗa. Ji kan̰a are-kɔl ga badɨ badɨ wo̰ dugo ga ɨra dan̰ aye kudurɔ pɨna naŋ le. Man̰e-kɔl gɨ da ka-sɔlɛ hɨnga ga ni poy le kalɨn̰ ma, ji kan̰a coŋ bɨ.

Əbɨro 13:9

Kɨŋ ɗɔɔ gɨ hɨnga ga ni gɨle ga hɨrɨwa ga caga ga toyge kan̰dɨge kan̰dɨge lɔɔgɨŋ gɨ kɨŋ gɨ kayaŋ naŋ. Kuɗa gɨ ɗe kuduroy ungo waa tɔgɨ na a te ɗarwa di da Kumu dɨŋ ƴɔbɨ. Ama na te dɔɔn̰əŋ gaŋ naŋ. Kalaŋ ga ka-kɔbɛ hɨnga ga ni gɨle ga nee le waage hɨnga pɨna toy nee naŋ.

2 Timote 2:14

Gɨlge hɨnga ga kɛ le, ɗe kuduroyge hɨn cay nee. Halage tumoy Kumu ɗe kan ɗe bɔjɨn̰ɛ ojɨn̰ cay kɔl nɔm baa. Kɨya wa bɔjɨn̰ɛ gɨ nee le, kɨya andaŋ hɨnga naŋ, ama kɨya mɔndɛ na kan ga ka-jɔɔdi.

2 Timote 2:22

Dɨra gusɨn̰ coŋ gusi tabɨlaŋdi hɨnga ga lee marɨne. Ama mala na gɨye-lɔɔ gɨ dan̰ durɔ ɗɨngar bɨ, aye kudurɔ bɨ, geye bɨ, gusi-dɔbɛ bɨ, dan̰ kalaŋ nɔm ga teege guson̰ Ba-gulɔŋ dan̰ kuduroyge ga arɨn̰ cərərə.

1 Timote 6:11

Ama ji ungo gɨ da Kumu na, aya gusɨn̰ coŋ cay hɨnga nɔm ga nee le. Ji mala na lɔɔ hɨnga ga dan̰ durɔ ɗɨngar bɨ, gɨye-lɔɔ gɨ bugoŋ pɨna dan̰ Kumu bɨ, aye kudurɔ bɨ, geye bɨ, ƴɔmɛ kuduroy-osɨwa bɨ, kale ga jali bɨ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Titɨ 1:1

Ɨŋ-bandi Pol, ɨŋ na marɨna ba-gɨye gɨ da Kumu bɨ, ba-gɨre-gɨye gɨ da Jesu-Kɨris bɨ. Na nɨn̰wa gɨ sɨge canɨ gɨ ɨŋ na gɨlɨn̰ kalaŋ ga Kumu torge le kɔl, ɗe kan na ayɨn̰ kuduroyge bɨ gɨ ɨŋ na laa ɗe kan na sɨlan̰ kɔl gɨ cɨndi gɨ bugoŋ pɨna dan̰ gɨye-lɔɔ gɨ bugoŋ pɨna dan̰ Kumu bɨ,

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

Epɛs 3:2

Aye gɨ Kumu ayaŋ leen̰ gɨye kol caygɨŋ dan̰ kuduroy-ɗarwa toyi le, kɨŋ je koldi.

2 Timote 2:23

Ama ɗa man̰e-kɔl ga badɨ badɨ coŋ bɨ, dɨngali coŋ bɨ. Kɨya wa ji sol gɨ kɨya ɨrgan̰ dan̰ bɔjɨn̰ɛ.