1 Timote 1:19 - Gabri Maja

¹⁹ Ji gama aye kudurɔ bɨ, ɗɔɔ gɨ ɗugon̰ alɨn̰ naŋ bɨ. Kalaŋ ga pɨna kan̰ge jɔɔ kɔl gɨ da ɗugoyge di alge coŋ. Na hɨn̰ wo̰ ma kan leen̰ge hɨnga, ɗe gɨ aye kudurɔ koge baan̰ coŋ.

1 Timote 1:19 Referans Kwoze

1 Timote 3:9

Kuɗa gɨ kan amɨn̰ bɛrnɛ di Kumu haŋgɨ cɨndɨge haw kɛ cay nee ojɨn̰ cay hɨnga ga na beegɨŋ kuduroynagɨŋ cay nee le, dan̰ ɨrɨme gɨ arɨn̰ cərərə.

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.

1 Timote 6:9

Ama kan ga geyge wɔɔ hɨnga tɔgɨ le, kɨya bugoŋge a boy boy di da hɨnga ga ni gɨybe gaŋ bɨ. Kɨya bugoŋge boy kondɨwadi tabɨlaŋ da hɨnga ga ni dɨngale ga dɨmbɨri gaŋ bɨ, ga na hɨnga ga kɨya mɔndɛ ungo muɗɔgɨ muɗɔgɨ coŋ bɨ, bogɨge kayaŋ bɨ.

Titɨ 1:9

Ban na ba ƴɔmɛ kɔl gɨ ojɨ gɨ ni bɔgɛ kudurɔ cay nee osɨwa gɨ na kɔl gɨ or pɨna dan̰ hɨnga ga ni gɨle bɨ. Hɨn̰ wo̰ na ban kɨya ɓale bɔgɛ kɔl gɨ ɗari kuduroy kalaŋ dan̰ hɨnga ga ni gɨle ga cɨndi bɨ, ban kɨya ɓale gɨle a cɨn̰ tɨwa dɨŋ gɨ kɔl gɨ da ka-man̰e-kɔl gɨ da Kumu naa cɨndi naŋ bɨ.

Wasɨn̰a 3:8

“Ɨŋ sol gɨye-lɔɔdɨgɨŋ nɔm. Sɨlagɨŋ, ɨŋ haŋgɨ kɨbɨ-ƴaa ɗe hangɨwa a tumoygɨŋ”. Ungo pɨna wo̰ kalɨn̰ ma kɨya ɓale lɨge naŋ. Ɨŋ sol gɨ togɨygɨŋ na dḛ wo̰ haa, ama na hɨn̰ wo̰ kalɨn̰ ma, kɨŋ gam dan̰ kɔl hɨnge bɨ kɨŋ man̰a kɨbɨgɨŋ kol canɨ naŋ bɨ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

2 Timote 4:4

Kan kɨya lɨgɨdege sɨmayige daa cay kɔl gɨ cɨndi, ama bɨlege gusɨge na gusi dɔrɛ te hɨnga ga toyge bɨ cayge bɨ unɔ gaŋ.

1 Ja̰ 2:19

Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.

1 Timote 6:21

Hɨnga ga ni sɔlɛ ga ni poy ga nee le, kalaŋ ga pɨna yege gɨ ke na orɨn̰. Lee gɨ kan kayaŋge a te aye kudurɔ koge gɨŋ orɨn̰ge gehɛn dɨŋ. Kuɗa gɨ ɗarwa di da Kumu ba danagɨŋ nɔm.

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

Galad 5:4

Kɨŋ ga ka-male gɨ kalaŋ na sɨlagɨŋge laan̰ kalaŋ ga dan̰ durɔ ɗɨngar dan̰ gɨyəŋ gɨ da gasɨn̰-kɔl le, kɨŋ curoŋ yɔd dan̰ Kɨris, bɨlɨn̰ kardɨgɨŋ bɨn̰ ɗarwa di da Kumu toyi bɨ.

1 Korɛ̰t 11:19

Ho’o, na wa wa kalɨn̰ ma ɗa gɨ ɗe puyoŋ woy duroygɨŋ ɗe kalaŋ ga leen̰ cɨndi gɨl gusɨge gerɨn̰ gerɨn̰ daa duroygɨŋ.

Wasɨn̰a 3:3

Hɨngɨŋ a cay kɔl gɨ tumɔ kɨŋ ba je bɨ a cay gɨyəŋ gɨ kɨŋ ba ƴen̰ kɔl gɨ nee le bɨ. Gamagɨŋ kɔl gɨ nee le bɨ, bɨlgɨŋ haldɨgɨŋ bɨ. Hɨn̰ gɨ kɨŋ na sɨma-bɨra naŋ na, ɨŋ kɨya andaŋ caygɨŋ dus hɨn̰ ba hase wo̰ dan̰ tɨwa di kɨŋ kɨya sɔlɛ caa naŋ.

Matɨyo 6:27

Na waŋ duroy gɨŋ ba kɨya ɓale dan̰ sɔlɛ koyi, sɨye wɔlɛdi gɨ ban kɨya somɨn̰ a cay gɨsəŋ gaŋ, tumɔ dḛ ga?

1 Timote 6:12

Wɨrɨn̰a wɔrɨn̰ɛ gɨ kuɗa gɨ da aye kudurɔ bɨ, ƴɨma sɔmɛ-bɨra gɨ dan̰ cɨndi gɨ Kumu ba teen̰ koldi le bɨ. Hɨn̰ gɨ ji ba yen̰ kɔl aye kudurɔ kon̰ kuɗa tumoy tɨmon̰ ga kondi gaŋ le.

2 Timote 2:18

Kan cɨroŋge te gɨyəŋdi kɔl gɨ cɨndi yen̰ge hɨn̰: «Bɔyɛ lɨbe gɨ kalaŋ boyge lɨbɨ le, naa hɨnga ga na lee gusɨge ɨni.» Lee gɨ kalaŋ ga pɨna ɗege aye kudurɔ koge coŋ kol cayge.