1 Timote 1:10 - Gabri Maja

¹⁰ ka-lɔɔ gɨye yɔyɛ gɨ toy kan̰di kan̰di bɨ, ka-wɔyɛ dan̰ kamdɨge ban̰aŋ bɨ, ka-dɔnɛ-gɔyɔŋ leen̰ gɨyaw bɨ, ka-poy bɨ, ka-dɔrɛ gusɨge kalɨn̰ wo̰ bɨ, ka-lɔɔ hɨnga ga ɗaŋ nɔm ga bugoŋ pɨna dan̰ hɨnga ga ni gɨle ga cɨndi naŋ bɨ.

1 Timote 1:10 Referans Kwoze

2 Timote 4:3

Kɨya wa wɔlɛ tɨlga nee gɨ kalaŋ kɨya geyege gɨle hɨnga ga cɨndi naŋ, ama kɨya lɔɔge na hɨnga ga kuduroyge gey. Lee gɨ kan kɨya daye kalaŋ ga ka-gɨlge hɨnga nɔm dan̰ kondɨwayge ga ka-gɨlge hɨnga ga kɨya mooge.

Magtubu di Pol wal bɨn̰ kalaŋ ga Rɔm 1:26

Na toy di hɨn̰ wo̰ ma, Kumu ɗege a kobi tabɨlaŋdi hɨnga nɔm ga lee dasi ga leege le. Na hɨn̰ wo̰ ma, kandiige malage na ban̰aŋ naŋ ama malge na kamdɨge kandɨ.

Wasɨn̰a 21:27

Hɨnga ga ni kɨni kɨya andaŋ a duroy cay ƴaa-di-gumu dɨŋ le naŋ bɨ, kalaŋ ga ka-lɔɔ bɨrane bɨ, ka-poy bɨ, kɨya andaŋge a duroy cay ƴaa-di-gumu dɨŋ le naŋ. Ama na kan ga walge gusondɨge a duroy magtubu sɔmɛ-bɨra da Kurɨn̰-dɨmangɨ dɨŋ le ƴɔbɨ, ba kɨya andaŋge a duroy cay ƴaa di nee dɨŋ le.

1 Timote 6:3

Hɨn̰ gɨ ungo na gɨlɨn̰ kalaŋ hɨnga tɨrabe ga ɗaŋ na, ban ɗe na kɔl gɨ cɨndi gɨ da Ba-gulondɨna Jesu-Kɨris coŋ bɨ, ɗe na gɨle hɨnga ga or pɨna dan̰ aye kudurɔ kona coŋ bɨ,

Magtubu di Jud wal 1:7

Kuɗa gɨ kuduroygɨŋ hɨn a cay gɨsəŋ ga Sɔdɔm bɨ Gɔmɔr bɨ, cay ƴaan̰əŋ ga gɨmdəŋ ga bongi nee bɨ. Kalaŋ ga boy nee leege hɨnga ga ɨsɨni hɨn̰ ga da ka-ƴɔbɛ ga daa nii ga nee le bɨ. Kan dɨbɨge gusɨge coŋ boy ajɨba dɨŋ, lee gɨ ban̰aŋ won̰ge dan̰ kamdɨge ban̰aŋ kɨya cay gusi-mɔwa toge. Kan wayge hɨnga ga ni gɨle-cɨn̰ kɨya cay ɨsɨna koge. Hɨnga ga ni gɨle-cɨn̰ kage le, na tɨwa di ba kɨya ƴɔɔ dan̰ tumɔɔ bɨ, hɨnga ga leege le bɨləŋ na sɨman̰ kɔl kɨya cay kalaŋ nɔm bɨ.

Titɨ 1:9

Ban na ba ƴɔmɛ kɔl gɨ ojɨ gɨ ni bɔgɛ kudurɔ cay nee osɨwa gɨ na kɔl gɨ or pɨna dan̰ hɨnga ga ni gɨle bɨ. Hɨn̰ wo̰ na ban kɨya ɓale bɔgɛ kɔl gɨ ɗari kuduroy kalaŋ dan̰ hɨnga ga ni gɨle ga cɨndi bɨ, ban kɨya ɓale gɨle a cɨn̰ tɨwa dɨŋ gɨ kɔl gɨ da ka-man̰e-kɔl gɨ da Kumu naa cɨndi naŋ bɨ.

Wasɨn̰a 21:8

Ama ka-hundɔrɔ bɨ, ka-ɨre a cay gasɨndɨge gaŋ naŋ bɨ, kalaŋ ga haldɨge ɨsɨn tɔgɨ bɨ, ka-dɨɗe kalaŋ bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-lɔɔ tɨmba bɨ, ka-n̰ɨre kula bɨ, ka-poy nɔm bɨ le, kɨɗɨn̰ kage kɨya wɔyɛ na a duroy kuraydi tɨwa di ƴee hɨn̰ kɨrbaŋdi hɨnga ga ƴee hɨn̰ tɨwa wo̰. Hɨnga ga nee le, ma na tɨma di cay-sɔɔ.»

Əbɨro 13:4

Kuɗa gɨ kalaŋ nɔm dɨbɨge hurɔmɔ a cay ƴɔɔ gɨŋ bɨ, ɗɔɔ gɨ kɨni cɨle gasɨlaŋ gɔrɛ ƴaa le naŋ bɨ. Kɨya wa Kumu kɨya bɔyɛ kɔl a cay ka-lɔɔ gɨye yɔyɛ gɨ toy kan̰di kan̰di bɨ, ka-yɔyɛ kandɨ wala ban̰aŋ ga da kamdɨge bɨ.

Wasɨn̰a 22:15

Ama gaye bɨ, ka-lɔɔ tɨmba bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-dɨɗe kɨɗɨn̰ bɨ, ka-n̰ɨre kula bɨ, ka-geye kɔl yɔ ga ni poy naŋ le, yɔɔdɔ kɔl ga ni poy dan̰ wɔlɛ pɨna pɨna bɨ le, kɨya bɔɔge doŋ.

2 Timote 1:13

Ji je kɔl gɨ cɨndi danaŋ: Aya laan̰ hɨnga ga ni dɔrɛ an̰ leen̰ gɨye, dan̰ aye kudurɔ bɨ, geye bɨ, gɨ ni ba orɨn̰ dan̰ gɨyəŋ gɨ da bugoŋ pɨna dan̰ Jesu-Kɨris le.

Kɔl-gɨ-Ɗari gɨ Ja̰ wal 8:44

Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

Titɨ 1:13

Na kɔl gɨ cɨndi ma mani ye. Na toy di hɨn̰ wo̰ ma sayan̰ danage ɗe aye kudurɔ koge woy dan̰ durɔ ɗɨngar,

Wasɨn̰a 18:13

Hɨnga kage ga ni gɨyaw ga ɗaŋ ga ni urbu di sɨya gɨ ɗo̰ kuɗa gɨ teeyige kanɛl bɨ, hɨnga ga ni bɔgɛ kɨlɨn̰ gaŋ ga ɗo̰ kuɗa bɨ, ɨdɨr bɨ, ɨleledi mir bɨ, kɨrbaŋdi hɨnga ga ɗo̰ tɨna bɨ, cɛrɛ di suru bɨ, sɔŋ bɨ, kɨndɨre bɨ, cɨn̰ gɛmɛ bɨ, sɨn̰əŋ bɨ, gamge bɨ, hɨndɛrɛŋ bɨ, pusu ga ni kɨmbɨln̰əŋ bɨ, gɔyɔŋ bɨ, dangayn̰əŋ bɨ.

1 Timote 4:6

Hɨn̰ gɨ ji na gɨlɨn̰ karmɨn̰ ga ban̰aŋ dan̰ ga kandɨ hɨnga ga nee le na, ji na ba-gɨye gɨ da Jesu-Kɨris gɨ kuɗa. Gɨ kan abiige dan̰ kɔl gɨ ojɨ cay aye kudurɔ bɨ, hɨnga ga ni gɨle ga kuɗa gɨ ji ba kobɨ kardɨge kuɗa le bɨ.