1 Pɨyɛr 4:8 - Gabri Maja

⁸ Tumoy hɨnga nɔm na, geygɨŋ gusɨgɨŋ duroygɨŋ dan̰ geye gɨ ɨl cum. Kɨya wa geye na hɨnga ga kɨya tɔlɛ cay ɨsɨnan̰əŋ ga dan̰ kondige.

1 Pɨyɛr 4:8 Referans Kwoze

Kɔlɔs 3:14

Dɨbagɨŋ geye hɨn̰ badɨge wo̰ a cay hɨnga ga nee le nɔm, kɨya wa geye woy gɨlɨn̰ na hɨn̰ gangɨ di saɗɨ kalaŋ pɨna kuɗa duroŋ cɨrɛɗ wo̰.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

Magtubu di Jag wal 5:20

kuɗa gɨ ban hɨn a cay kɔl gɨ ba kɛ: Waŋ waŋ gɨ na jɨgen̰ dan̰ ka-lɔɔ ɨsɨna a te gɨyəŋ gɨ ɗari gɨŋ na, ban ƴeege na kɨbɨ tɨma dɨŋ bɨ, kɨya cay hɨnga ga ban lee le, Kumu kɨya ɗɔɔ kuduroyi jalɨwa cay ɨsɨnan̰əŋ tɔgɨ bɨ.

1 Korɛ̰t 13:1

Ko hɨn̰ gɨ ɨŋ na ya na kɨbɨ gɨ da kalaŋ ga a cay gɨsəŋ gaŋ bɨ, ga da ka-ƴɔbɛ ga daa bɨ, ama wandɨ na unɔ gusɨnɨ na, kɔl yɔnɨ gɨlɨn̰ na hɨn̰ mandaŋ gɨ ye wo̰, naŋ le na hɨn̰ nare gɨ yɨle gɨ wol gɨ joɗɨge wo̰ bɨ.

1 Tesalonigɨ 3:12

Kuɗa gɨ Ba-gulɔŋ laa gɨ geye gɨ kɨŋ gey gusɨgɨŋ duroygɨŋ le malga bɨ ɨra dan̰ cɨndi jɨn̰ tumɔ tumɔ, hɨn̰ geye koni gɨ ni ba orɨn̰ kol caygɨŋ wo̰ bɨ.

Əbɨro 13:1

Kuɗa gɨ geye gɨ da ka-karme ɨra cɨndo tumɔ tumɔ.

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

3 Ja̰ 1:2

Ay, ji gɨ ɨŋ lee-ton̰, ɨŋ ol Kumu ɗe hɨnga nɔm na kuɗa bɨn̰ bɨ, gɨ gusɨn̰ na haban̰ hɨn̰ gɨ turnon̰ ba habɨn̰ wo̰ bɨ.

Magtubu di Jag wal 5:12

Tumɔ pa dɨm na, karmɨnɨ ga ban̰aŋ dan̰ ga kandɨ. Ɓɨsegɨŋ gusɨgɨŋ dan̰ gɨɗɨgɨ-Kumu naŋ bɨ, dan̰ cay gɨsəŋ naŋ bɨ, dan̰ hɨnga ga ani ani naŋ bɨ. Ama kɨɗɨn̰ ga kɨŋ na ya «əw» na əw, leen̰ cɨndi bɨ, naŋ le kɨŋ na ya «naŋ» na naŋ, leen̰ cɨndi bɨ. Na hɨn̰ wo̰ ma, bɔyɛ kɔl gɨ da Kumu kɨya ƴɔmɛ caygɨŋ naŋ.

1 Korɛ̰t 13:4

Ungo gɨ wandɨ woy gusi le dɨbɨ ɗugoy bɨ, lee hɨnga ga ɗari bɨ. Ungo gɨ wandɨ woy gusi le na ba lɔɔ jangɨ naŋ bɨ. Ungo gɨ wandɨ woy gusi le na ba gɨle gusi naŋ bɨ na ba dɔgɛ jorgii naŋ bɨ.