1 Pɨyɛr 3:22 - Gabri Maja

²² Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.

1 Pɨyɛr 3:22 Referans Kwoze

Əbɨro 9:24

Ho’o, kɨɗɨn̰ ga woy dan̰ cɨndɨge ga Kɨris andaŋ boy nee le, na ga kobɨ ungo ba lɔɔ naŋ. Kɨɗɨn̰ ga nee le na turnoy hɨnga ga cɨndi ƴɔbɨ naŋ. Ama ban andaŋ a gɨɗɨgɨ-Kumu gɨŋ jada ɗe na ɨrɨn̰ tumoy Kumu kol cayna boy tɨwa di haw kɛ dɨŋ.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 10:12

Ama ban Jesu-Kɨris na, ay gusi been̰ kɨbar na cay pɨna ɗɔ ƴɔbɨ. Ɗe hɨnga ga ni bogɨn̰ kɨbar kayi na wɨya dan̰ tumoyge yɔd kɨya cay ɨsɨnan̰əŋ. Kardi nee ɨni na, ban som na kɨway Kumu cay kobi gɨ bara gɨŋ dan̰ tumoyi.

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Əbɨro 8:1

Te kɔl nɔm gɨ ni ba ye le bambadi ba kɛ: Leen̰ cɨndi, na mangɨl gɨ da ka-cay ka-bɔgɛ kɨbar gɨ gɨlɨn̰ hɨn̰ ban gɨ nee le ma mana orɨn̰gɨŋ. Ban som durdi kali-tɨrɨmbala da Kumu ba dɔnɔ gɨ ɗɨn̰ dɔnɔ nɔm a cay kobi gɨ bara gɨŋ a gɨɗɨgɨ-Kumu.

Əbɨro 6:20

Ho’o, na kɨɗɨn̰ ga nee gaŋ le ma Jesu or tumoyna andaŋ a duroy ƴaa di da Kumu di woy a gɨɗɨgɨ-Kumu gɨŋ kɨya cayna. Kɨya gɨ ban bɨle mangɨl gɨ da ka-cay ka-bɔgɛ kɨbar dan̰ tumoyi hɨn̰ gɨ da Mɛlgisedɛg wo̰.

Kɔlɔs 3:1

Hɨn̰ gɨ kan na bɨyagɨŋ lɨbgɨŋ pɨna dan̰ Kɨris ɨni na, kuɗa gɨ kɨŋ mala na hɨnga ga a gɨɗɨgɨ-Kumu gaŋ, ga na kɨɗɨn̰ ga Kɨris somɨn̰ nee a cay kobɨ Kumu gɨ bara gɨŋ.

Magtubu di Pol wal bɨn̰ kalaŋ ga Rɔm 8:38

Ho’o, ɨŋ sol kuɗa gɨ na tɨma naŋ bɨ, sɔmɛ-bɨra naŋ bɨ, ka-ƴɔbɛ ga daa nii naŋ bɨ, gɨmdəŋ ga da turnɔ ga ɨsɨndəŋ naŋ bɨ, hɨnga ga a jaman di haw kɛ dɨŋ naŋ bɨ, a jaman di ba kɨya ɨrga dɨŋ naŋ bɨ, dɔnɔn̰əŋ ga a cay gɨsəŋ gaŋ kɛ naŋ bɨ,

Magtubu di Pol wal bɨn̰ kalaŋ ga Rɔm 8:34

Kɛ na waŋ ba kɨya ɓale bɔyɛ kɔl sige cayge ga? Ungo wo̰ unɔ! Jesu-Kɨris gusi ba mare kol cayna. Ɗɨn̰ gɨ nee le na, ban boy lɨbɨ bɨ som a kɨway Kumu a cay kobi gɨ bara gɨŋ bɨ, woy te ɔlɛ Kumu kol cayna.

Matɨyo 22:44

“Ba-gulɔŋ Kumu yen̰ dan̰ Ba-gulonɨ yeyi hɨn̰: Ɨre sɨma a cay kɔbɔŋ gɨ bara gɨŋ, bɨrɨŋ gɨsɨn̰ gɨ ɨŋ kɨya bɨle ka-baadɨn̰ loon̰ hɨnga ga ji kɨya bogɨn̰ gondɨn̰ cay nee.”

Əbɨro 1:3

Na gusi Kurɨn̰-Kumu gɨ nee le ma gusoŋ-tɔgɛ gɨ da Kumu jɨran̰de jə̰ jə̰ bɨ, ban gɨlɨn̰ dan̰ Bayi Kumu hɔlɔlɔ bɨ, ban gam cay gɨsəŋ ɗe som osu daa na dan̰ gɨyəŋ gɨ da dɔnɔ di da kɔl koyi bɨ. Kɨɗɨn̰ ga ban dorɨn̰ kalaŋ mɨra te ɨsɨna koge gɨŋ coŋ ɨni na, ban say or daa sɔmɛ gɨɗɨgɨ-Kumu gɨŋ a cay kɔbɔ gɨ bara gɨ da ban gɨ orɨn̰ dan̰ dɔnɔ di ɗɨn̰ hɨnga nɔm.

1 Korɛ̰t 15:24

Gɨ nee le ma na kagadi wɔlɛ kɨɗɨn̰ ga Kɨris kɨya mɔndɛ dɔɔ-ƴaan̰əŋ nɔm bɨ, ka-dɔɔ-ƴaan̰əŋ nɔm bɨ, kɨya mɔndɛ dɔnɔ di da turnɔn̰əŋ ga ɨsɨndəŋ nɔm bɨ, jogɨn̰ dan̰ dɔɔ-ƴaa gɨ ni dɔbɛ kobɨ bayi Kumu le.

Gɨye-lɔɔ 3:21

Pa dɨm ma ɗe wɔlɛ gɨ nee le na ɨrga ƴee na, naa wa wa kalɨn̰ ma Jesu kɨya sɔmɛ a daa nii bɨrɨŋ gɨsɨn̰ wɔlɛ gɨ Kumu kɨya bɨlɨn̰ hɨnga nɔm leen̰ ga hɨrɨwa, hɨn̰ gɨ ban ba ye jɨne hayi dan̰ te tumɔ di da ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge le.

Gɨye-lɔɔ 1:11

bɨ yege hɨn̰: «Kɨŋ kalaŋ ga Galile ga ba kɛ, na kɨya wa ma, magɨŋ ɨre sol kɨɗɨn̰ jɨn̰ gɨɗɨgɨ-Kumu gɨŋ hɨrɨm wo̰ ga? Sɨlagɨŋ! Jesu gɨ ba kɛ gɨ kan ayige duroygɨŋ orɨn̰ a daa nii le. Ban kɨya bɨlgɨ cayi jɨga na hɨn̰ wo̰ bɨ.»

Marg 12:36

Kɨya wa Dabid gusi koyi kalɨn̰ ma ye dan̰ gɨyəŋ gɨ da Turnɔ ɗe-kuduroy-bɛrɛ hɨn̰: “Ba-gulɔŋ Kumu yen̰ Ba-gulonɨ hɨn̰: Ɨre sɨma a cay kɔbɔŋ gɨ bara gɨŋ, Bɨrɨŋ gɨsɨn̰ gɨ ɨŋ kɨya bɨle ka-baadɨn̰ Leen̰ hɨnga ga ji kɨya bogɨn̰ gondɨn̰ cay nee.”

Əbɨro 1:13

Duroy ka-ƴɔbɛ ga daa nii le, pɨna wo̰ gɨ Kumu yeyi hɨn̰: «Ɨre sɨma a kɨwanɨ a cay kɔbɔŋ gɨ bara gɨŋ, Bɨrɨŋ gɨsɨn̰ gɨ aŋ bɨle ka-baadɨn̰ Leen̰ hɨnga ga ni bogɨn̰ gondɨn̰ cay nee» le, unɔ yɔd.

Kɔl-gɨ-Ɗari gɨ Lug wal 20:42

Kɨya wa Kɨlma Dabid dan̰ gusi kalɨn̰ ma, ye duroy magtubu Kɨbe Kɨra Sɔm dɨŋ ye hɨn̰: “Ba-gulɔŋ Kumu yen̰ dan̰ Ba-gulonɨ ye hɨn̰: Ɨre sɨma a cay kɔbɔŋ gɨ bara gɨŋ.

Matɨyo 28:18

Jesu ɨrga mɨnde gusɨge bɨ yege hɨn̰: «Kumu bəŋ Dɔnɔ nɔm a cay hɨnga ga gɨɗɨgɨ-Kumu gaŋ bɨ, a cay hɨnga ga cay gɨsəŋ gaŋ bɨ.

Əbɨro 1:6

Ama kɨɗɨn̰ ga Kumu andɨn̰ dan̰ kurondi gɨ cay wase cɨg cɨg a cay gɨsəŋ gaŋ na, ban ye hɨn̰: «Ojɨ gɨ ka-ƴɔbɛ ga daa nii, Ga da Kumu nɔm na n̰ɨriige.»

Əbɨro 4:14

Naa hɨn̰ wo̰ na, kuɗa gɨ ɗe ana ƴom aye kudurɔ gɨ na ba ye koldi le osu. Kɨya wa na orɨn̰ dan̰ mangɨl gɨ da ka-cay ka-bɔgɛ kɨbar gɨ gumu. Mangɨl gɨ da ka-cay ka-bɔgɛ kɨbar gɨ nee le, na Jesu, Kurɨn̰-Kumu gɨ gay gɨɗɨgɨ-Kumu orɨn̰ bɨrɨŋ andɨn̰ gusi Kumu.

Kɔl-gɨ-Ɗari gɨ Ja̰ wal 13:32

[Hɨn̰ gɨ Kumu na wa gusoŋ-tɔgɛ gusii na,] Kumu kalɨn̰ ma kɨya dɨbe gusoŋ-tɔgɛ koyi cayi bɨ. Lam nee na ban kɨya dɨbe gusoŋ-tɔgɛ cayi ɨni.»