1 Korɛ̰t 3:3 - Gabri Maja

³ Kɨya wa kɨŋ ɨre lee hɨnga na dan̰ gɨyəŋ gɨ da kuyoŋ-gusu ƴee. Kɨɗɨn̰ ga jangɨ bɨ bɔjɨn̰ɛ bɨ woy duroygɨŋ le, kɛ kɨŋ na ka-lɔɔ hɨnga dan̰ gɨyəŋ gɨ da kuyoŋ-gusu naŋ ga? Kɛ gɨye-lɔɔdɨgɨŋ gɨlɨn̰ pɨna na dan̰ gɨ da kalaŋ ga ɨndəŋ naŋ ga?

1 Korɛ̰t 3:3 Referans Kwoze

Magtubu di Jag wal 3:16

Kɨya wa kɨɗɨn̰ ga ani ani ga kalaŋ leege cɨn̰-pɨɗɨma nee bɨ, leege jangɨ nee bɨ. Na kɨɗɨn̰ ga hɨnga wɨya dan̰ durɔ nee naŋ bɨ, ɨsɨna ba-ƴɔɔ kɨɗɨn̰ nee nɔm bɨ.

Titɨ 3:3

Na-gandi kalɨn̰ ma, tumɔ le na na kalaŋ ga dɨngaldaŋ bɨ, na na ka-mɨn̰e daa bɨ, kalaŋ ga kayaŋ bɨ. Na na gɔyɔŋ ga da tabɨlaŋdi hɨnga ga toyge kan̰dɨge kan̰dɨge bɨ, ga bɨn̰ ungo gusi-mɔwa bɨ. Na leede gɨŋ na kuduroy-ɨndɨwa bɨ, na somgɨŋ na kɨya lɔɔ kurɔŋdi hɨnga ga toyge kan̰dɨge kandɨge bɨ. Na leegɨŋ terɨn̰ tɔgɨ bɨ, na ƴomgɨŋ gusɨnagɨŋ dan̰ kuduroyna bɨ.

Galad 5:15

Hɨn̰ gɨ sɔmɛ cay kalɨn̰ togɨŋ na ɨran̰ danagɨŋ bɨrɨŋ gɨ kɨŋ na gɨdɨdɨn̰ gusɨgɨŋ bɨ, sagɨdan̰ gusɨgɨŋ bɨ na, ɗagɨŋ muɗɔlɛ cay gusɨgɨŋ gɨŋ naŋ na, kɨŋ kɨya mɔndɛ gusɨgɨŋ coŋ.

2 Korɛ̰t 12:20

Haw kɛ na ɨŋ hɨndar gɨ kɨɗɨn̰ ga ɨŋ na bugoŋ gusɨgɨŋ na, kɨŋ da wɔyɛ hɨn̰ gɨ ɨŋ gey wo̰ naŋ bɨ, ɨŋ-bandi kalɨn̰ ma ɨŋ da wɔyɛ hɨn̰ gɨ kɨŋ gey wo̰ naŋ bɨ. Gajanaŋ ɨŋ da wɔɔ duroygɨŋ bɔjɨn̰ɛ bɨ, cɨn̰-pɨɗɨma bɨ, kuduroy-hɔmɛ bɨ, jangɨ bɨ, yɔdɔ kɔl gɨ ɨsɨni kardi ungo bɨ, yɨle kɨɗɨn̰ bɨ, dɔgɛ-jɔrgɔ bɨ, lɔɔdɔ hɨnga ga dan̰ gɨyəŋdɨge naŋ bɨ.

1 Korɛ̰t 11:18

Hɨnga ga cay wase na yəŋge gɨ kɨɗɨn̰ ga kɨŋ na daya caygɨŋ kɨɗɨn̰ dayaŋ gaŋ na, puyoŋ na woy duroygɨŋ. Bɨ ɨŋ sol kuɗa gɨ na kɔl gɨ ni poy nɔm naŋ.

1 Korɛ̰t 1:11

Ay, karmɨnɨ ga ban̰aŋ dan̰ ga kandɨ, ɨŋ ye kɔl gɨ nee le na kɨya gɨ kalaŋ ga pɨna a duroy ƴaa gɨ da tɨmdɨna Kulwe yəŋge gɨ bɔjɨn̰ɛ na woy duroygɨŋ.

Magtubu di Pol wal bɨn̰ kalaŋ ga Rɔm 13:13

Kuɗa gɨ haldɨna wɨya hɨn̰ hal gɨ da kalaŋ ga somge asɨn̰a gɨŋ wo̰. Ƴɨmanagɨŋ gusɨna cay dɔɔ harɨne gɨŋ bɨ, cay kɔyɛ cɛrɛ gɨŋ bɨ, cay yɔyɛ gorɨn̰ daa gɨŋ bɨ, cay yɔyɛ gɨ toyi kan̰di kan̰di gɨŋ bɨ, cay bɔjɨn̰ɛ gɨŋ bɨ, cay jangɨ dɨŋ bɨ.

1 Pɨyɛr 4:2

Lee gɨ ayɨn̰ toy haw kɛ na, kɨbɨ wɔlɛ gɨ ba tumoygɨŋ gɨ ni somɨn̰-bɨra a cay gɨsəŋ gaŋ le, kuɗa gɨ kɨŋ sɨma dan̰ te gɨyəŋ gɨ da kuduroy geye gɨ da Kumu. Ama na dan̰ te gɨyəŋ gɨ da tabɨlaŋdi hɨnga ga lee kalaŋ le naŋ.

1 Korɛ̰t 1:10

Ay, karmɨnɨ ga ban̰aŋ dan̰ ga kandɨ, ɨŋ lee n̰age gusɨgɨŋ dan̰ guson̰ Ba-gulondɨna Jesu-Kɨris: Bugoŋgɨŋ pɨna nɔm bɨ, ɗa gɨ puyoŋ unɔ duroygɨŋ bɨ. Ɗa gɨ kuduroygɨŋ bɨ ɨrɨmedɨgɨŋ bɨ, bugoŋ pɨna.

1 Korɛ̰t 3:4

Kɨɗɨn̰ ga ungo pɨna ye hɨn̰: «Ɨŋ-bandi ɨŋ na gɨ da Pol», gɨ ɗaŋ: «Ɨŋ-bandi ɨŋ na gɨ da Apolos» le kɛ, gɨye-lɔɔdɨgɨŋ gɨlɨn̰ pɨna na dan̰ gɨ da kalaŋ ga ɨndəŋ naŋ ga?