1 Korɛ̰t 3:21 - Gabri Maja

²¹ Hɨn̰ wo̰ na, ɗɔɔ gɨ ungo dɔgɛ jorgii dan̰ guson̰ mɨgay ungo gɨ ɨndi naŋ. Kɨya wa hɨnga nɔm na kagɨŋ:

1 Korɛ̰t 3:21 Referans Kwoze

Magtubu di Pol wal bɨn̰ kalaŋ ga Rɔm 8:32

Kurondi gɨ ni kuduroyi kalɨn̰ ma, Kumu gamayi a gusi naŋ, ama ban dobii a kobɨ tɨma dɨŋ kol cayna na-gandi nɔm. Kɛ ban gɨ bɨna Kurondi le, kɨya bɨna hɨnga nɔm pɨna dan̰ Kurondi naŋ ga?

1 Korɛ̰t 4:6

Ay, karmɨnɨ ga ban̰aŋ dan̰ ga kandɨ, ɨŋ ay Apolos bɨ ɨŋ-bandi gusɨnɨ gaŋ bɨ, hɨn̰ hɨnga ga ni ƴɔlɛ ɗe agɨŋ na solɨn̰ mɨdɨgadi-kɔl gɨ kalaŋ yen̰ge ye hɨn̰: «Kɨŋ ɗɔɔ ɨrɨmedɨgɨŋ dɔgɛ cay kɔl gɨ walge duroy magtubu dɨŋ ɗɔɔ dugo naŋ.» Na toy di hɨn̰ wo̰ ma, ungo pɨna duroygɨŋ kɨya dɔgɛ jorgii dan̰ guson̰ ba gɨlɨn̰ kalaŋ hɨnga gɨ pɨna jɨbɨn̰ ban gɨ ɗaŋ pɨrɨŋ coŋ naŋ.

Magtubu di Pol wal bɨn̰ kalaŋ ga Rɔm 8:28

Na sol kuɗa, gɨ kan ga geyge Kumu ga na kan ga Kumu teege dan̰ gɨyəŋ gɨ da ɔjɛ gɨ ban ba gɨse tumɔ hayi le, hɨnga nɔm ga ba leege le, Kumu kɨya lɔɔ gɨ na bɨl wɨya hɨnga ga ɗari kol cayge.

Wasɨn̰a 21:7

Waŋ waŋ gɨ na aya banga na, tɔrɛ-kɨbɨ gɨ nee le nɔm na hɨnga kayi ga ni ban̰di-gulɔŋ. Ɨŋ kɨya bɨle Kumu koyi bɨ, ban kɨya bɨle kuronɨ bɨ.

Magtubu di Pol wal bɨn̰ kalaŋ ga Rɔm 4:13

Kumu ye gɨ ɗi na kɨya bɨn̰ Abɨraham bɨ, kongɨn̰ii bɨ, cay gɨsəŋ nɔm hɨn̰ hɨnga ga ni ban̰di-gulɔŋ kage wo̰. Hɨnga ga Kumu ye gɨ ɗi na kɨya bii le, na kɨya bɨle gɨ Abɨraham bɨle gusi a kardi gasɨn̰-kɔl gaŋ naŋ. Ama na kɨya bɨle gɨ Kumu bɨlii leen̰ ungo gɨ dan̰ durɔ ɗɨngar a cɨndi, dan̰ gɨyəŋ gɨ da aye kudurɔ koyi.

2 Korɛ̰t 4:5

Na cɨndi, kɨɗɨn̰ ga ni ba tee bɛrnɛ le, ni tɨga na bɛrnɛ di uja cayni naŋ, ama ojɨ na cay Jesu-Kɨris gɨ na Ba-gulɔŋ. Gɨ ojɨ cayni ni-gandi na, ni ye gɨ ni naa marɨne kagɨŋ ka-gɨye kol Jesu.

2 Korɛ̰t 4:15

Hɨnga nɔm ga ba andaŋ cayni le na kol caygɨŋ, ɗe ɗarwa di da Kumu andaŋ gusi kondɨwadi kalaŋ jɨn̰ tumɔ tumɔ. Hɨn̰ wo̰ na kondɨwadi kalaŋ kɨya loon̰ge Kumu ho’o bɨ, dɨbege gusoŋ-tɔgɛ cayi bɨ.

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.