1 Korɛ̰t 15:2 - Gabri Maja

² Dan̰ gɨyəŋ gɨ da tɔgɛ bɛrnɛ di nee le kɨŋ poɗɨ, hɨn̰ gɨ kɨŋ na ƴɨma kɔl gɨ da bɛrnɛ gɨ ɨŋ ba te bɨgɨŋ le usa. Na hɨn̰ wo̰ naŋ na, kɨŋ ay kuduroygɨŋ na kalɨn̰ wo̰ dugo.

1 Korɛ̰t 15:2 Referans Kwoze

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Əbɨro 2:1

Na toy di hɨn̰ wo̰ ma, ojɨ gɨ kɔl gɨ tumɔ na ba jegɨŋ dan̰ sɨmaynagɨŋ le, kuɗa gɨ ana aygɨŋ leen̰ hɨnga ga ni sɔrɛ naŋ, ɗe ana curoŋgɨŋ te gɨyəŋ gɨ ɗari gɨŋ coŋ naŋ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

2 Timote 1:9

Na Kumu ba pɔɗɨna bɨ, tɔgɨna gɨ na na bɨləŋ kalaŋ kayi bɨ. Bɨ hɨn̰ gɨ Ban na laa na, ban laa na kɨya cay gɨye-lɔɔdɨna gɨ dan̰ durɔ naŋ. Ama na kɨya gɨ ban ojɨ hɨn̰ wo̰ dan̰ kuduroy geye koyi, kɨya cay ɗarwa toyi. Ɗarwa di nee le, ban bɨna na tumɔ ɓɨragɨ pa dɨm ma ban ɗen̰ hɨnga nɔm ƴee, dan̰ bugoŋ gɨ na bugoŋgɨŋ pɨna dan̰ Jesu-Kɨris.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Epɛs 2:8

Ho’o, Kumu poɗɨgɨŋ na kɨya kuduroy-ɗarwa toyi, dan̰ gɨyəŋ gɨ da kuduroygɨŋ ga kɨŋ bee a cay Jesu-Kɨris. Na kɨŋ ba-pɔɗɛ gusɨgɨŋ naŋ. Pɔɗɛ na hɨnga ga ni bee kalɨn̰ ga Kumu bɨgɨŋ.

1 Korɛ̰t 1:18

Na cɨndi, kɔl gɨ ojɨ cay tɨma di Jesu ma a cay sɨya-gɨ-dagɨli gɨŋ le, na kɔl gɨ woy dɨngal na kɨya cay kan ga kɨya mundoŋ coŋ, ama na dɔnɔ di da Kumu kɨya cayna na-gandi ga na poɗɨ.

Magtubu di Jag wal 2:26

Na ban ma hɨn̰ gɨ habe na unɔ gusi ungo na, ban na gun. Aye kudurɔ kalɨn̰ ma, gɨye-lɔɔdi na unɔ na, na hɨnga ga mari bɨ.

Magtubu di Jag wal 2:14

Karmɨnɨ ga ban̰aŋ dan̰ ga kandɨ, hɨn̰ gɨ ungo na ya hɨn̰: «Ɗi naa ba-aye-kudurɔ», ama gɨye-lɔɔdi gɨ gɨl aye kudurɔ koyi na unɔ na, kɛ aye kudurɔ gɨ nee le kɨya poɗii hayi ga?

Əbɨro 10:23

Ɗe gɨ ana gamgɨŋ hɨnga ga na bee ɨrɨmedɨnagɨŋ a cay nee, ma na ye koldɨge le osu. Kɨya wa Kumu gɨ ba-yɔɔ gɨ ɗi na kɨya lɔɔ hɨnga ga ban ye gɨ ɗi na kɨya lɔɔ le, na ba ɨre a cay gasɨndi gaŋ.

Kɔl-gɨ-Ɗari gɨ Lug wal 8:13

Gasi-gɨse ga bugoŋ a cay gɨsəŋ ga wan̰ dan̰ oru le, gɨlɨn̰ na dan̰ kan ga jege kɔl gɨ da Kumu bɨ ƴeege dan̰ gusi-mɔwa hage, ama kɔl gɨ da Kumu le bɨga sarnay kuduroyge naŋ. Kɨya wa kan beege kuduroyge cay nee na lam wo̰ bɨ, kɨɗɨn̰ ga hɨnga ga ni gɨwase na andaŋ cayge ɨni na, kan dɨbɨ aye kudurɔ koge coŋ.

Magtubu di Jag wal 2:17

Aye kudurɔ kalɨn̰ ma, woy na hɨn̰ wo̰ bɨ, hɨn̰ gɨ gɨye-lɔɔdi na unɔ na, na aye kudurɔ di mari.

Əbɨro 4:14

Naa hɨn̰ wo̰ na, kuɗa gɨ ɗe ana ƴom aye kudurɔ gɨ na ba ye koldi le osu. Kɨya wa na orɨn̰ dan̰ mangɨl gɨ da ka-cay ka-bɔgɛ kɨbar gɨ gumu. Mangɨl gɨ da ka-cay ka-bɔgɛ kɨbar gɨ nee le, na Jesu, Kurɨn̰-Kumu gɨ gay gɨɗɨgɨ-Kumu orɨn̰ bɨrɨŋ andɨn̰ gusi Kumu.

2 Tesalonigɨ 2:15

Hɨn̰ wo̰ na, karmɨnɨ ga ban̰aŋ dan̰ ga kandɨ, ƴɨmagɨŋ gusɨgɨŋ usa bɨ, hada di ni loon̰ hɨnga ga ni ba gɨlgɨŋ dan̰ kɨbɨni naŋ le, ga ni ba wal bɨgɨŋ le, ƴɨmagɨŋ kardi usa bɨ.

Galad 3:4

Kɛ hɨnga ga ba andaŋ caygɨŋ nɔm kɛ le, andaŋ caygɨŋ na kalɨn̰ wo̰ dugo ga? Naŋ! Kɨya ɓale andaŋ kalɨn̰ wo̰ naŋ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

2 Korɛ̰t 2:15

Na cɨndi, na woy gɨlɨn̰ na hɨn̰ sɔŋ ɨdɨr gɨ gasɨmdi ɗɔ̰ tɨna mon̰ Kɨris bɨn̰ Kumu wo̰. Nana sɔŋ ɨdɨr gɨ ɗɔ̰ tɨna kuɗa duroyna na-gandi ga na woy te gɨyəŋ gɨ ni pɔɗɛ gɨŋ bɨ, duroy kan ga curoŋge a te gɨyəŋ gɨŋ bɨ.

1 Korɛ̰t 15:14

Ma hɨn̰ gɨ Kɨris na bɨya lɨbɨ naŋ na, bɛrnɛ di ni te le na kɔl gɨ kalɨn̰ wo̰ dugo bɨ, aye kudurɔ kogɨŋ kalɨn̰ ma na kalɨn̰ wo̰ dugo bɨ.

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

Magtubu di Pol wal bɨn̰ kalaŋ ga Rɔm 11:22

Ɨrɨm a cay ɗarwa di da Kumu dɨŋ bɨ, a cay osɨwa koyi gɨŋ bɨ. Ban gɨl osɨwa koyi dan̰ kalaŋ ga andaŋge a te gɨyəŋ gɨŋ coŋ, ama ban sol cɨn̰-n̰age ton̰ tɔgɨ kɨɗɨn̰ ga ji na sɨma usa a te ɗarwa toyi dɨŋ. Hɨn̰ gɨ ji na ɨr usa cay nee naŋ na, ji-bandi kalɨn̰ ma kan kɨya sɨrɨn̰ coŋ bɨ.

Gɨye-lɔɔ 8:13

Simo gusi kalɨn̰ ma ay kuduroyi bɨ, kan leeyige batɛm bɨ ɨni na, ban luyoŋ te Pilib. Hɨnga nɔm ga ɗɨn̰ cɨn̰-kɨɗɨn̰ tɔgɨ bɨ, hɨnga nɔm ga ni beli bɨ, ga Pilib ba lee le, ban sol dan̰ cɨndi bɨ, kɔl kayi sɛl sɛl bɨ.

Gɨye-lɔɔ 2:47

Kan hɨramge Kumu bɨ, kan ƴeege cɨn̰ kalaŋ nɔm nee bɨ. Ɨni na, kan ga ban poɗɨge le, Ba-gulɔŋ ɨrgan̰ danage beege cay kamdɨge ga ka-daye gusɨge le, dan̰ wɔlɛ pɨna pɨna.

1 Korɛ̰t 11:2

Ɨŋ hɨramgɨŋ kɨya wa a bon̰ hɨnga nɔm kɨŋ hɨn a canɨ bɨ, hɨnga ga ɨŋ ba gɨlgɨŋ tumɔ le kɨŋ ƴom kuɗa bɨ.