1 Korɛ̰t 13:3 - Gabri Maja

³ Ko hɨn̰ gɨ ɨŋ na gusɨna naa hɨnga wɔɔnɨ nɔm ga ɨŋ orɨn̰ bɨn̰ ka-n̰age ɗe diige bɨ, hɨn̰ gɨ ɨŋ na aya naa kuyoŋdi-gusɨnɨ bee ɗe ulge bɨ, ma hɨn̰ gɨ wandɨ na unɔ gusɨnɨ na, hɨnga pɨna ga ɨŋ kɨya wɔɔ toy nee le unɔ.

1 Korɛ̰t 13:3 Referans Kwoze

Kɔl-gɨ-Ɗari gɨ Ja̰ wal 15:13

Geye gɨ gumu ɗɨn̰ geye gɨ ungo gey ka-pogɨn̰ii bɨrɨŋ ɗen̰ gusi bɨn̰ tɨma le unɔ.

Matɨyo 23:5

Gɨye-lɔɔdɨge nɔm le, na gɨ ni gɨlɨn̰ gusɨge cɨn̰ kalaŋ ƴɔbɨ. Na hɨn̰ wo̰ ma, gɨ ojɨ cay kɔl gɨ da Kumu gɨ woy dan̰ cɨndi gɨ kan saɗɨdege jɨndɨge naŋ le kobɨge le, kan orɨn̰ge dan̰ ƴaadi hɨnga ga gumu ɗɨn̰ ga da kamdɨge. Badɨge kage ga kan tobɨ cay kamdɨge gaŋ kalɨn̰ ma kɨbɨge wol ɗɨn̰ ga da kamdɨge bɨ.

Galad 5:26

Ɗɔɔnagɨŋ ba dɔgɛ jorgɨynagɨŋ naŋ bɨ! Bɔjɨn̰dɛnagɨŋ dan̰ gusɨnagɨŋ naŋ bɨ, lɔɔnagɨŋ cɨn̰-pɨɗɨma dan̰ gusɨnagɨŋ naŋ bɨ.

Kɔl-gɨ-Ɗari gɨ Lug wal 18:28

Ɨni na, Pɨyɛr yeyi hɨn̰: «Ja! Ma ni-gandi ga ni ba ɗe hɨnga wɔɔ di ni nɔm coŋ kobɨn̰ kardɨn̰ kɛ le, koni kɨya wɔyɛ na mɨna bɨ ga?»

Əbɨro 13:9

Kɨŋ ɗɔɔ gɨ hɨnga ga ni gɨle ga hɨrɨwa ga caga ga toyge kan̰dɨge kan̰dɨge lɔɔgɨŋ gɨ kɨŋ gɨ kayaŋ naŋ. Kuɗa gɨ ɗe kuduroy ungo waa tɔgɨ na a te ɗarwa di da Kumu dɨŋ ƴɔbɨ. Ama na te dɔɔn̰əŋ gaŋ naŋ. Kalaŋ ga ka-kɔbɛ hɨnga ga ni gɨle ga nee le waage hɨnga pɨna toy nee naŋ.

1 Timote 4:8

Cɔgɨdɛ gusɨn̰ le, na hɨnga ga kuɗa hage ama ɗarwadɨge kunda tɔgɨ naŋ. Ama tɨrabe gɨye-lɔɔ gɨ bugoŋ pɨna dan̰ Kumu le, na hɨnga ga kuɗa tɔgɨ, kɨya cay hɨnga nɔm. Kɨya wa Kumu ye gɨ ɗi na kɨya be hɨnga kol cayi. Bɨ hɨnga ga ban ye gɨ ɗi na kɨya bee le, orɨn̰ dan̰ sɔmɛ-bɨra gɨ da sɔmɛ koyi na gɨ haw kɛ bɨ, gɨ da sɔmɛ koyi na gɨ ba kɨya caga bɨ.

Kɔl-gɨ-Ɗari gɨ Ja̰ wal 12:43

Kɨya wa kan geyge mɨlawe gɨ da kalaŋ, ɗɨn̰ mɨlawe gɨ sayga a gusi Kumu.

Kɔl-gɨ-Ɗari gɨ Lug wal 18:22

Kɨɗɨn̰ ga Jesu ba je kɔl gɨ da ungo le hɨn̰ wo̰ na, ban yeyi hɨn̰: «Ji baa lɔɔ hɨnga pɨna ƴee. Saa ɨra kɨle hɨnga kan̰ nɔm coŋ bɨ, aya gursudɨge gusɨnan̰ kan ga wɔɔdɨge unɔ, ɨni na ji kɨya wɔɔ hɨnga wɔɔ a daa nii. Kardi nee ɨni na mɨn̰ ɨre kɨba karɨnɨ.»

Gɨye-lɔɔ 21:13

Ama ban dɨbni cay nee yeni hɨn̰: «Kɨŋ ɨle bɨ, kɨŋ mal ɗe gɨ kuduronɨ na mundoŋ bɨ, na kɨya wa ga? Ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya gɨ kan na gɨ saɗɨdaŋ ƴɔbɨ naŋ, ama kɨya cay guson̰ Ba-gulɔŋ Jesu na, ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya marɨn̰ a Jerusalɛm.»

Kɔl-gɨ-Ɗari gɨ Ja̰ wal 13:37

Pɨyɛr yeyi hɨn̰: «Ba-gulɔŋ, na kɨya wa ma, mɨn̰ ye gɨ ɨŋ na ɓala kɔbɛ kardɨn̰ haw kɛ naŋ ga? Naa tɨma gusoo kalɨn̰ ma, ɨŋ kɨya mare kol can̰.»

Kɔl-gɨ-Ɗari gɨ Ja̰ wal 6:63

Na turnɔ da Kumu ba bɨn̰ ungo sɔmɛ-bɨra gɨ dan̰ cɨndi, ama kuyoŋdi-gusi ungo laa danayi naŋ. Kɔl nɔm gɨ ɨŋ ba yəgɨŋ le, sayga na gusi Turnɔ di da Kumu bɨ, bee sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Lug wal 19:8

Ama Jase say da tumoy Ba-gulɔŋ yeyi hɨn̰: «Ba-gulɔŋ, haw kɛ na hɨnga wɔɔnɨ nɔm le, ɨŋ kɨya gɔsɨnɛ dugo kɨɗɨn̰ sɔɔ bɨ, aye kɨɗɨn̰ pɨna gɔsɨnin̰ ka-n̰age bɨ, ma hɨn̰ gɨ ɨŋ na usɨma ungo ƴan̰ hɔgɛ koyi na, ɨŋ kɨya bɔgɛ kamdɨge cay nee cay poɗɨn̰ jogɨn̰ bii daa bɨ.»

Pilib 2:3

Lɔɔgɨŋ hɨnga pɨna wo̰ dan̰ gɨyəŋ gɨ da jangɨ naŋ bɨ, dan̰ gɨyəŋ gɨ da dɔgɛ jɔrgɔ gɨ kalɨn̰ wo̰ dugo naŋ bɨ. Ama dan̰ dɔbɛ-ca na, kuɗa gɨ waŋ waŋ kalɨn̰ ma sɨla mɨgayi hɨn̰ gɨ gumu ɗii.