1 Korɛ̰t 11:1 - Gabri Maja

¹ «Ayagɨŋ cay tɨbanɨ hɨn̰ gɨ ɨŋ-bandi kalɨn̰ ma ɨŋ ba ayɨn̰ cay tɨban̰ Kɨris wo̰ bɨ le.»

1 Korɛ̰t 11:1 Referans Kwoze

Pilib 3:17

Ay, karmɨnɨ ga ban̰aŋ dan̰ ga kandɨ, kuɗa gɨ kɨŋ-gandi nɔm kɨŋ ƴɨla gɨye-lɔɔnɨ. Hɨnga ga kalaŋ kɨya ƴɔlɛ le, ni-gandi ni lee ɨni. Na toy di hɨn̰ wo̰ ma, kuɗa gɨ cɨndɨgɨŋ wɨya a cay kan ga leege gɨye-lɔɔ gɨ ni ba gɨlge le.

1 Tesalonigɨ 1:6

Kɨŋ bɨle ka-aye-cay-tɨbayni bɨ, ka-aye-cay-tɨbay Ba-gulɔŋ bɨ. Kɨɗɨn̰ ga kalaŋ dosɨde ɗugoygɨŋ gɨɗaŋ kalɨn̰ ma, kɨŋ ƴom kɔl gɨ da Kumu gusɨgɨŋ dan̰ gusi-mɔwa di sayga gusi Turnɔ ɗe-kuduroy-bɛrɛ.

1 Korɛ̰t 4:16

Na toy di hɨn̰ wo̰ ma, ɨŋ dobɨ bandɨ kuduroygɨŋ. Ayagɨŋ cay tɨbanɨ.

Əbɨro 6:12

Ni gey gɨ kɨŋ na gɨ bɨləŋ ka-dabɨr naŋ, ama gɨ kɨŋ na aya cay tɨbay ka-aye kudurɔ bɨ, ƴɨman̰ kuduroygɨŋ usa bɨ. Na kan ga nee le ba kɨya wɔɔge hɨnga ga Kumu ye gɨ ɗi na kɨya lɔɔ le.

2 Tesalonigɨ 3:9

Leen̰ cɨndi na, ni orɨn̰ dan̰ gɨyəŋ gɨ ni ƴon̰ hɨnga kagɨŋ. Ama ni gey ɗɔɔ na gɨye lɔɔ gɨ gɨl, agɨŋ na ƴɔlɨn̰ gɨye-lɔɔdini.

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.