Yohanes 9:8 - Surat Ralan na'a Vaidida

⁸ Naꞌuk tamata ovi rkaꞌa roak ne, ia baꞌi ndoku lingaꞌan nelan ma nera afa tali tamata ra, ovu tamata ovi rnaꞌa ni rahan nelan a rfalak ne, “Betane ini tamata i baꞌi ndoku lingaꞌan nelan ma nera afa tali tamata ra?”

Yohanes 9:8 Referans Kwoze

Lukas 18:35

Naꞌut i Yesus nfaseri roak kota Yerikho, na tamata kibu isa ndoku lingaꞌan nelan ma nera afa tali tamata ra.

Markus 10:46

Yesus ovu Ni tamata ovi rorang Ia raran Yerikho. Nata, ira ovu tamata rivun vali rti talik kota yai, na rtuan tamata kasian isa nkibu, naran Bartimeus, yaman a naran Timeus. Ia ndoku lingaꞌan nelan ma nera kubang tali tamata ra.

Lukas 1:58

Ti ma tamata ovi rnaꞌa ni rahan nelan a ovu ni tiniman ra rarenar ne, Duilaꞌa nfaturu Ni silobang i dawan urun a verin Elisabet, na rir tinemun rotu inarira lolin ovu ia.

Yohanes 9:9

Tamata boku rfalak ne, “Kena urun, inyai ia.” Boku vali rfalak ne, “Wahal, ia felan a wean watan tamata yai.” Naꞌuk tamata kibu yai nfalak ne, “Kena urun, yaꞌa ini tamata yai!”