Yohanes 8:59 - Surat Ralan na'a Vaidida

⁵⁹ Ba ira rala vatu ma al rteva Yesus, naꞌuk Ia kaꞌi nfonak tenan a ma nban-talik Yahudi rira Rahan Dawan Falurut ni lean yai.

Yohanes 8:59 Referans Kwoze

Yohanes 11:8

Ni tamata ovi rorang Ia yai rfalak verin Ia ne, “Tuan Guru, beti amar ifira nelak, na tamata Yahudi ra mane rala vatu al rteva Oa, na afakinimi mane muti ewal ineri?”

Kisah 7:57

Ira rarenar ni vaivatul ra, na rtaha motak arurira ra ma rafwak ilaꞌa ma rafla ti rtaha Stefanus.

Yohanes 18:31

Pilatus nfalak verin ira ne, “Myala Ia miti ma kaꞌi fyaleka inukun verin Ia, ma inovan ovu bira inukun a.” Naꞌuk tamata Yahudi avyai rfalak ne, “Ami wol mami ngrebat ma amfaleka inukun matmatan verin tamata.”

Yohanes 12:36

Mia musti myorang lyawan yai naꞌut i nanaꞌa obin ovu mia, boma myeluk tamata ovi rvaꞌat naꞌa lyawan ralan!” Yesus nangrihi munuk wean inyai, beti nban-talik wan yai, ovu wol nfaturu roak felan a verin ira.

Yohanes 11:54

Wean inyai bi, Yesus wol nbana roak naꞌa tamata Yahudi waharira ralan ra, boma deka rarea Ia. Ia nban-talik wan yai ma nti ahu isa i nfaseri wan lean vu dawan, naran Efraim, ma irmunuk Ni tamata ovi rorang Ia rnaꞌa inyai.

Yohanes 5:13

Naꞌuk ia wol nkaꞌa tamata i notu ma lolin ia yai, tevek Yesus ti nanaꞌa tamata rivun fruarira ra, ba wol nrea roak Ia.

Lukas 24:31

Naꞌut inyai beti rkaꞌa lahir ne, inyai Yesus. Naꞌuk brian munuk, na wol nleal lahir.

Matius 12:14

Ba tamata Farisi ra rdir-talik wan yai ma rti murin, ma rasdovu ira al ranovak ma raꞌan vai isa mane rfedan Yesus.

Yohanes 9:1

Naꞌut i Yesus nbana, na nsiꞌik tamata kibu isa. Tamata yai nkibu naꞌut i rarali ia.