Yohanes 21:3 - Surat Ralan na'a Vaidida

³ Ba Simon Petrus nfalak verin ira ne, “Yaꞌa mane ti udava ian.” Ira rfalak verin ia ne, “Amorang vali oa.” Ba irmunuk rti ma rdata kumal a, beti raroal ma rdava ian naꞌa danau yai. Naꞌuk tali ovan lolan yai, na wol rwadar akataka.

Yohanes 21:3 Referans Kwoze

Lukas 5:5

Simon nfalak ne, “Tuan Guru, indean a, na amdava ian nata varverak nala ami, naꞌuk wol amwadar akataka. Naꞌuk Oa msinir ami, ba veka amfasuka ewal jaring ra.”

1 Tesalonika 2:9

Teramam-valimami averi mingnanang obin ne, ivaꞌumami ma amkarya urun ovu amfamalik Ubu Ni vaivatul ra verin mia. Ovan-amar, na amkarya afa liak vali ma al amdava mami fanaꞌan-fanenu, boma deka amotu varvara verin mia.

1 Korintus 3:7

Naꞌa karya ini, na tamata ovi ravuri-rava te rtitik nabat ra, wol rarekan ira. Trekan aꞌuk Ubu, tevek Ia saꞌi nfarubu nabat ra.

1 Korintus 9:6

Betane ralabira ra rfalak ne, inovan ma amrua Barnabas kaꞌi amdava watan mami fanaꞌan-fanenu, velik ne amfabana Duilaꞌa Ni karya.

Kisah 20:34

Mia mkyaꞌa roak ne, ukarya ovu limang ra ma al ufaha fanaꞌan-fanenu, kadaravit ovu afa liak boku vali verin yaꞌa ovu ning kida ovi rorang yaꞌa.

Kisah 18:3

Nata nleal inyai ma nkarya ovu ira, tevek ira munuk rotu afwatan ulin naꞌa befak ma al rdava kubang.

Yohanes 21:4

Ti ma lera wol ndata obin, na Yesus ndiri roak ngur ratan, naꞌuk ira wol rkaꞌa ne inyai Yesus.