Yohanes 18:18 - Surat Ralan na'a Vaidida

¹⁸ Naꞌut inyai na radridin urun, ba Mela Falurut Ilaꞌa ni tamata sansinir ra ovu tamata ovi baꞌi rwanar Yahudi rira Rahan Dawan Falurut a, rsidovuk yafu ma rdiri rafraran. Petrus nti vali ma irmunuk rafraran naꞌa inyai.

Yohanes 18:18 Referans Kwoze

Markus 14:54

Petrus nban-orang Yesus tali raroa watan, ma ti naran Mela Falurut Ilaꞌa ni lean a. Nanaꞌa inyai, na ia ndoku ma nafraran ovu tamata ovi rwanar Yahudi rira Rahan Dawan Falurut.

Yohanes 18:25

Simon Petrus nafraran obin, ba tamata ovi rnaꞌa inyai rfalak verin ia ne, “Betane oa morang vali Ia?”

Yohanes 21:9

Ti ma rda raran ngur roak, na rsiꞌik ian ovu roti ra naꞌa yafaran ratan a.

Markus 14:67

Ti ma nrea Petrus nafraran naꞌa yafu, na nsiꞌik ma lolin wahan a, ma nfalak ne, “Oa baꞌi morang vali Yesus, tamata Nazaret eri.”

1 Korintus 15:33

Ba deka myorang tamata rira siklabir ra. Tamata ovi rotu kida ovu tamata ovi baꞌi rotu watan afa ovi sian ra, na ira veka rorang vali tamata avyai ma rotu watan afa ovi sian ra.

Kisah 4:23

Ti ma rfatalik roak Petrus irua Yohanes, na rewal ira rti ma rtuan rira kida ra. Ba rfamalik munuk afa ovi Yahudi rira dawan mela falurut ra ovu dawan Yahudi ra rfalak verin ira.

Lukas 22:44

Naꞌuk Yesus ralan a lalau urun i lahir, ba ntafal ma naflurut ilaꞌa. Ratin ra wean lara ma rditi rsuta lanun.]

Yohanes 18:3

Ba Yudas nti wan yai. Ia novun Roma rira sidovung suldadu isa, ovu tamata ovi rwanar Yahudi rira Rahan Dawan Falurut a rti vali wan yai, ovu rtaha damar, faduk ovu rira mneran ra. Tamata Yahudi rira dawan mela falurut ra ovu tamata Yahudi ovi rtali sidovung Farisi rsinir ira ma rti.