Wahyu 18:24 - Surat Ralan na'a Vaidida

²⁴ Tamata ovi rnaꞌa kota yai rfedan roak nabi ra ovu tamata ovi rorang Ubu. Tamata ovi tamata Babel rfedan munuk roak ira naꞌa lanit ivavan ini, lararira ra naꞌa vali inyai.”

Wahyu 18:24 Referans Kwoze

Wahyu 17:6

Usiꞌik, na vata yai nanavut ovu lara i ntali Ubu Ni tamata ovi rorang Ia. Rfedan tamata avyai, tevek rorang Yesus ovu rfamalik Ni vaivatul ra. Naꞌut usiꞌik ia, na utalkaka urun i lahir.

Wahyu 16:6

Tamata ovi rnaꞌa lanit ivavan rfedan roak Mu nabi ra ovu Mu tamata ovi rira vavaꞌat ra rmalola. Ba inovan ma mliꞌi lara ma renu ma neluk inukun verin ira, tevek Mu tamata ra lararira ra rvoat roak ma rmata.”

Wahyu 19:2

Ubu Ni inukun ovi nfaleka ra kena munuk, ovu rmalola. Ia nukun kota i rfanara ia ne, Vatlean. Ia not-visal lanit ivavan a ovu ni salasilan ra, ma tamata ra rsifa tia ma watan ovu tamata ovi wol awarira verin ira. Ubu nukun roak kota Babel ma inovan ovu rira afa sian ovi rotu ra, tevek tamata ovi rnaꞌa kota yai rfedan roak Ubu Ni tamata sansinir ra.”

Kisah 7:52

Ububir-nusibira ra rotu sian munuk lahir nabi ra. Ira rfedan vali tamata ovi lalan ana rfalak ne, Ubu Ni Tamata i Ni vavaꞌat nmalola veka nma. Tamata yai nma roak, ma fyedi ovu fyedan Ia!

Wahyu 11:7

Ti ma tamata irua rfalyawang munuk roak afa ovi Ubu nfalak ma musti rfamalik, na afwatan sian i veka ntali tivat matmatan i bilaman urun ia yai veka nangal nala ovu nfedan tamata irua yai.

Matius 23:35

Ba mia veka byara munuk varvara naꞌa tamata ovi rira vavaꞌat ra rmalola yai, tevek fyedan ira. Tali lalan ana, ububir-nusibira ra rsifedan. Ira rfedan lan Habel i ni vavaꞌat a nmalola. Mia fyedan vali tamata liak ovi rira vavaꞌat rmalola a, ti naran i fyedan Bereka yanan a Zakharia. Mia fyedan ia naꞌa Rahan Dawan Falurut a, ovu wan i baꞌi misnuri bira korban ra verin Ubu, fruarira ra.

Matius 23:27

Mia dawan Yahudi ovi myair Musa ni inukun ra ovu ovi mtyali sidovung Farisi, veka sian urun i lahir verin mia! Mia baꞌi fyalak afa isa, naꞌuk myotu afa liak! Mia weabira kubur ovi rsoka ira ma rangiar ma rsiꞌik tali murin, na lolin. Naꞌuk naꞌa ralarira ra, na rngora ovu tamata luririra ra, ovu vali afa ovi ngra-ngrodi ra munuk.

1 Tesalonika 2:15

Tamata Yahudi rfedan nabi ra, ovu rfedan vali Duilaꞌa Yesus, ovu vali rwi-rwa ami. Ba rira sian verin iki watan, ovu vali rangal lalawatan Ubu.