Roma 9:17 - Surat Ralan na'a Vaidida

¹⁷ Afa ovi Ubu nfalak verin raja Firaun rtulis roak naꞌa Surat Ralan ne, “Yaꞌa otu ma mnaꞌa raja, boma ufaturu Ning ngrebat a verin tamata ra munuk. Tali afa yai vali, na otu ma tamata ra munuk naꞌa lanit ivavan ini rkaꞌa narang a ma ralang Yaꞌa.”

Roma 9:17 Referans Kwoze

Yohanes 17:26

Yaꞌa ufamalik roak verin ira ne, iki Oa, ovu veka ufamalik lalawatan Oa verin ira, boma Mu silobang i mala verin Yaꞌa nanaꞌa lalawatan ralarira ra, ma Ning vavaꞌat isa watan ovu ira.”

Galatia 3:22

Surat Ralan nfalak ne, salasilan ra rkeak teri tamata ra munuk. Ba Ubu nala Ni tnorung verin tamata ovi rorang aꞌuk Yesus.

Galatia 4:30

Rtulis roak naꞌa Surat Ralan ne, “Milaꞌing vatuk vata sansinir yai ovu yanan a, tevek vata sansinir yai yanan a wol ni wahat naꞌa vata i wol sansinir yai yanan a ni metan ovi rtali yaman a.”

Galatia 3:8

Tali lalan ana, Ubu nfalak ma tamata ra rtulis roak naꞌa Ni Surat Ralan ne, wean i tamata ovi wol Yahudi rorang Ia, na Ia veka notu ma rira vavaꞌat ra rmalola ovu Ia. Ubu nfamalik lan roak Ni Ivar Lolin yai verin Abraham ne, “Veka uflahar munuk tamata ovi rnaꞌa lanit ivavan ini, tevek afa ovi veka motu ra.”

Roma 11:4

Naꞌuk Ubu nfalak verin Elia ne, “Yaꞌa ufadoku aling roak Ning tamata rivun ifitu. Ira wol rsangatur ma raraning walut i rfanara ia ne, Baal.”