Roma 8:9 - Surat Ralan na'a Vaidida

⁹ Naꞌuk bira ininan sian ovi rnaꞌa tenabira ra wol rfaret-nala mia. Wean i Ubu Ni Roh a nleal ralabira ra, na Ni Roh nfareta bira vavaꞌat ra. Wean i Kristus Ni Roh a wol nleal ralabira ra, na Kristus wol Ni roak mia.

Roma 8:9 Referans Kwoze

Galatia 4:6

Ubu nala roak ita ma teluk yanan ra, ba nsinir Yanan Ni Roh a ma nleal raladida ra. Ubu Yanan Ni Roh yai notu ma bis tfalak ne, “Bapa oo, Bapa!”

1 Korintus 3:16

Mia wol mkyaꞌa ne, mia weabira lahir Ubu Ni Rahan Dawan Falurut? Mia wol mkyaꞌa vali ne, Ubu Ni Roh nleal mia?

2 Timotius 1:14

Ubu nala varvara verin ita ma tair Ni vaivatul ra verin tamata ra. Ia Ni Roh nleal ita ma nlobang ita, ba msiꞌik ma lolin Ivar Lolin yai.

1 Korintus 6:19

Mia mkyaꞌa urun ne, Ubu Ni Roh nleal tenabira ra, ovu tenabira ra wean lahir Ubu Ni Rahan Dawan Falurut. Ba mia wol bira watan tenabira ra, tevek Ubu Ni munuk tenabira ra.

Roma 8:11

Ubu Ni Roh i nfavaꞌat ewal roak Kristus tali matmatan yai nleal raladida ra. Ba velik ne tenadida ra veka rmata, na Ubu veka nfavaꞌat ewal tenadida ra ovu Ni Roh i nleal raladida ra.

Yohanes 14:17

Ubu Ni Roh yai veka nfalyawang afa ovi kena ra. Tamata ovi rnaꞌa lanit ivavan a wol rtorung Ni Roh a, tevek wol rsiꞌik ovu wol rkaꞌa Ia. Naꞌuk mia mkyaꞌa Ia, tevek nfatuang mia ovu veka nleal ralabira ra.

Efesus 1:13

Ba mia tamata ovi wol Yahudi ra vali, naꞌut i mryenar Ubu Ni Ivar Lolin ne, Ia nsikat mia tali bira salasilan ra ma bira vavaꞌat kakiwal, na myorang roak Yesus Kristus. Mia mnyaꞌa roak tamata ovi rorang Yesus rira sidovung a. Mia myorang roak Yesus Kristus, ba Ubu notu faneak roak naꞌa mia. Faneak yai Ubu Ni Roh i ntorung roak ma nala verin mia.

Galatia 5:24

Tamata ovi rira vavaꞌat naꞌa roak Kristus Yesus liman ralan a, na ira wol rorang roak rira ininan sian ra, ovu vali sian ovi rtali tenarira ra, ma wean i rira ininan sian ra rmata roak naꞌa aa walwalur.

Efesus 2:22

Fiang ini bira vavaꞌat isa watan ovu tamata inorang ra munuk, ba mia tamata ovi wol Yahudi ovu tamata Yahudi ra bira vavaꞌat isa roak naꞌa Kristus. Ia notu wean inyai, ba Ubu Ni Roh nleal lalawatan bira sidovung a.

Roma 8:2

tevek Ubu Ni Roh nala vavaꞌat ngorvaꞌan verin ita nahu Kristus Yesus. Wean inyai bi, nfatalik ita tali matmatan ovu dida salasilan ra. Ba matmatan ovu salasilan wol rfareta roak ita.

Yohanes 3:6

Tamata ra rarali tamata ra, naꞌuk Ubu Ni Roh nala vavaꞌat ngorvaꞌan naꞌa tamata ralarira ra.

Filipi 1:19

tevek ukaꞌa ne, tali bira falurut ra ovu Yesus Kristus Ni Roh nlobang yaꞌa ma veka nfatalik yaꞌa tali sian ovi rkena yaꞌa naꞌa ini.

1 Yohanes 4:13

Ubu nala roak Ni Roh a verin ita, boma tkaꞌa ne, Ia nleal roak raladida ra, ovu ralad isa ovu Ia.

Lukas 11:13

Velik ne bira salasilan rivun, naꞌuk mkyaꞌa ma myala afa ovi lolin ra verin yanabira ra. Ba Yamabira i naꞌa lanit ratan veka notu ma nlia tali inyai! Ia veka nala Ni Roh verin tamata ovi rera tali Ia.”

1 Yohanes 4:4

Yanak averi, mia mtyali Ubu, ba utubira roak tamata ovi rlabir tamata ra ma rfalak ne, nabi mngaꞌun ira. Tevek Ubu Ni Roh i nleal ralabira ra, veran lia nitdawan ovu ni roh ovi rnaꞌa lanit ivavan ini.

1 Korintus 15:23

Naꞌuk Ubu nfavaꞌat ewal tamata ra wean ini: Ia nfavaꞌat lan roak Kristus, ma Ia wean karya enan i ula lalean tali vaꞌi ihin a. Ba ti ma naran amar i Kristus veka nma ewal lanit ivavan a, na Ia veka nfavaꞌat ewal vali tamata ovi rira vavaꞌat isa roak ovu Kristus.

1 Yohanes 3:24

Tamata iki watan not-orang afa ovi Ubu nfareta, na ni vavaꞌat isa roak ovu Ubu, ovu vali Ubu ralan isa ovu ia. Ia nala roak Ni Roh a ma nleal raladida ra, ma nfaturu verin ita ne, Ia ralan isa ovu ita.

2 Korintus 6:16

Ubu Ni Rahan Dawan Falurut a ovu wan i baꞌi rfadoku walut ra naꞌa wol wear isa. Ita weadida lahir Ubu i nvaꞌat Ni Rahan Dawan Falurut a. Ia nfalak roak naꞌa Ni Surat Ralan ne: “Yaꞌa veka uti unaꞌa fruarira ra, ma uvaꞌat ovu ira. Yaꞌa veka eluk Ubu verin ira, ovu ira veka reluk Ning tamata ovi rorang Yaꞌa.

Yohanes 3:34

Ubu nsinir Ia ma nfamalik Ni vaivatul ra, tevek nfangora lahir Ia ovu Ni Roh a.

1 Petrus 1:11

Kristus Ni Roh nfalyawang lan roak verin ira naꞌa sian i Kristus veka ntuan a, ovu vali sian yai nlia roak, beti Ubu nfakaratat ilaꞌa Ia. Ira rkiwal ma rkaꞌa ne, wean inba ovu lafira ba afa ovi Kristus Ni Roh nfamalik naꞌa ralarira ra veka rvotuk.

Wahyu 13:8

Tamata ra munuk naꞌa lanit ivavan ini rsangatur ma raraning afwatan yai. Naꞌuk tamata ovi Ubu ntulis roak nararira ra naꞌa Ni buku i rfanara ia ne, Buku Vavaꞌat Kakiwal a, wol rsangatur ma raraning afwatan yai. Naꞌut i wol notu lanit ivavan a obin, na Ia ntulis roak nararira ra naꞌa buku yai. Domba Yanan i tamata ra rfedan roak Ia, Ni buku yai.

2 Korintus 10:7

Msyiꞌik ma lolin afa ovi rvotuk naꞌa matabira ra! Wean i tamata isa tali mia norang urun ne, Kristus Ni roak ia, na ia musti nanovak vali naꞌa ralan a ne, Kristus Ni vali ami, wean vali ia.

Yohanes 14:23

Yesus nfalak ne, “Tamata iki watan nlobang Yaꞌa, na ia veka not-orang afa ovi ufalak ra, ovu Yamang veka nlobang ia. Yaꞌa ovu Yamang a veka amama verin ia, ma amleal ovu ia, nata ti wol ni wahan.

Kisah 16:7

Ti raran propinsi Misia ni elat ratan a, mane rti propinsi Bitinia, naꞌuk Yesus Ni Roh notu teri ma deka rti inyai.

Roma 7:5

Lan ana, ita torang watan dida ininan sian ovi rotu ma inadida ma totu lalawatan salasilan. Naꞌut inyai, na tsoak nulu Musa ni inukun ra ma dida ininan sian ra rtafal lalawatan, ba totu watan salasilan ma rvua matmatan a.

Roma 8:1

Fiang ini Ubu wol nukun roak tamata ovi rira vavaꞌat isa roak ovu Kristus Yesus,

1 Korintus 6:17

Naꞌuk tamata iki watan, wean i isa roak ia ovu Duilaꞌa, na tamata yai ni roh a isa roak ovu Duilaꞌa.

Efesus 3:17

Uflurut wean inyai, tevek bira inorang a verin Kristus, ba fara Kristus nanaꞌa ralabira ra. Yaꞌa era vali verin mia ma naꞌa bira vavaꞌat ra, na fyaturu lalawatan bira silobang a, ma neluk faneak ne, bira inorang a nabwaꞌar roak naꞌa Ia.